النهارده اتفرجت علي فانتازيا 2010
هاي لاين وكيل بره وجوه
بصراحه انا كنت فاكرها موديل 2012 من كتر نضافتها
العربيه مافيهاش خربوش
ورخصه سنتين وفيها جواب مفتوح يعني هانقل باسمي علي طول
نيجي بقي للمفيد......
العربيه ماشيه حوالي 16 الف كيلو ( رقم مش منطقي خالص) علشان كده ابتديت اقلب فيها كويس وطلعت الاتي ومش عارف ده صح والا غلط
1- الزجاج الامامي متغير (مايزعلش عادي)
2- الكاوتش جديد لانج وكمان لسه فيه الحز اللي لونه اصفر من جوه زي ما يكون لسه متغير فشكيت فيه وقلت متغير كاوتش يبقي العربيه ماشيه كتير ونضيفه والعداد راجه...رحت بصيت علي تاريخ الانتاج لقيه 2008( حاجه تجنن)
وطبعا الاربع فرد بريدجستون تورانزو
3- الفوانيس ..دي اللي لفتت نظري..لما قربت منهم تحس ان فيهم حاجه غريبه زي ما يكون فيهم سرطان علي خفيف في الفانوسين ( اول مره اشوف كده) انا كنت فاكرهم مرملين وده من السفر وقلت العربيه مرجعه عداد بس صاحبي قالي دي مش ترميله ده حاجه زي سرطان ممكن من الشمس والله اعلم
العربيه كان صاحب المعرض بيتكلم في 170 الف شامله مصاريف التسجل ورخصه سنتين( اخره ينزل الفين في العربيه)
انا عايز اعرف هل شكي في محله بعد الملاحظات دي والعربيه تكون مرجعه عداد والا دي حاله شاذه فعلا
ازاي اعرف الرقم الفعلي للعداد ؟؟؟
انا هاتجنن من رقم العداد بصراحه مع الملاحظات دي