الموضوع: الكشف علي القيمه الحقيقيه لعداد فانتازيا

المشاركة الأصلية كتبت بواسطة hossam_elwani

هو ده الكلام .. هوده النصب المصرى الاصيل


انا قلت كده من الاول

بس كويس انك حريص والانذار اشتغل جواك غيرك كان ممكن يشترى على عماه


من الاخر لعنة الله على العربيات المستعمله كلها

اللي اتنفخ من الشوربه ينفخ في الزيادي
بس في مستعمل نضيف ...
الوساخه لامؤاخذه مش في العربيه الوساخه في الناس النصابين

المشاركة الأصلية كتبت بواسطة hossam_elwani

اعتقد انه حتفرق معاه لانه حيبعها كسر زيرو

واتوقع كمان ان العربيه فيها عيب شرعى

طبعا هو عارضها علي 170 الف وتاجر
يبقي فين المكسب ؟؟؟؟
المكسب في انه اشتراها ب 158 مثلا ورجع عدادها ب 150 جنيه
واداها وش بوليش وواكس 100 جنيه
وكسب 12 الف جنيه
العربيه علي فكره مافيهاش عيب شرعي
لانه لو كان فيها حالتها ماكانتش تقبل انه الحوار ده يتعمل فيها

المشاركة الأصلية كتبت بواسطة inspiron

حسبي الله ونعم الوكيل في الظلم والغش والفساد اللي في أم البلد اللي مش هتنضف دي..عمرها ما هتتقدم ولا هتبقي دولة محترمة طول ما فيها الأشكال الضالة دي

لما مفهوم الفهلوه يتقلب يبقي نصب وقله قدب يبقي عمره ماهاينضف

المشاركة الأصلية كتبت بواسطة الع العمدة مدة

الي بيقول ان العدادات مبيتلعبش فيها يبقي غلطان دي حصلت معانا لما كنا بنشتري مرسيدس e230 2009 ماشية 60 الف رقم منطقي ماشي
بالصدفة لما فتحنا الشنطة نبص علي الاستبن والبطارية لقينا دفتر صيانة العربية طبعا الكل عارف ان موديلات 2013 مثلا بتنزل في 2012 العربية ديه صاحبها شاريها في اواخر سنة 2008 الربع الاخير يعني
العربية في صيانة سنة 2009 ماشية 80 الف ازاي دي العربية عدادها دلوقتي 60 الف هههههههه وفي صيانة سنة 2010 العربية ماشية 130 الف @ طبعا صاحب العربية وشه قلب الوان الطيف كلها في ثواني معدودة ههههههه ويقول ازاي لا الدفتر ده مش بتاعها وهيا العربية باين عليها بتمشي كثير سفريات يعني الحمد لله لولا صاحب العربية المنافق نسي دفتر الصيانة مع كتالوج العربية كنا لبسنا العربية هههههههه ببساطة العداد بيتلعب فيه حتي المرسيدس زي ما انتو شايفين
بس اعتقد العربية لما يتكشف عليها في التوكيل هييجبلك تاريخها لو كانت مداوم علي الصيانة في التوكيل
اه والفكره لما سالنا صاحب معرض قلنا هو ما بيرجع العداد ده بيحطه علي جهاز وبيقدمه لغاية لما تعدي مليون كيلو العداد هيبان كانه مصفر بس ويقلك عاوز كام كيلو ياباشا@@ ويقله مثلا 60 الف يفضل يزود لغاية 60 الف وخلاص علي كدة

كل العربيات بيتلعب في عدادها...ربنا كرمك

بس في توكيل مرسيدس و بي ام بيتعرف اللعب
انما في الباقي الله اعلم
الفكره انه بالمنظر ده ان الواحد كل شويه يروح يكشف في التوكيل ويخسر فلوس الكشف

المشاركة الأصلية كتبت بواسطة طارق _عبد السلام

;كده انت عملت الشىء الصحيح
ولو هى خليجى كان الموضوع مانفع معاك

واكيد الظالم اللى ربنا مش هيبارك له فى رزقه ان شاء اللهعمل كده علشان يرفع سعرها عليك

وطول ماانت هتشترى من تجار موضوع العداد ده اصبح شىء رسمى وحسبى الله ونعم الوكيل فيهم

بس هى لو ماشيه خمسين الف ده الطبيعى جدا بس فى الحاله دى سعرها لن يزيد عن 160 الف
ده لو هى اليجانس كامله مرايات ضم وسخانات وفتحه سقف وزينون

كلام زي الفل ماهو مكسبه بقي في غشه وسرقته للناس

المشاركة الأصلية كتبت بواسطة طارق _عبد السلام

لا انا قصدى ان سيرفس العربيه المكتوب فى المعلومات لو هو مثلا بعد عشره الاف والعربيه ماشيه فعليا 50 الف تبقى عملت رقم مقفول وهو 60 الف
لكن لو هى مكتوب السيرفيس فيها بعد 10 الاف
والعربيه ماشيه مثلا 50623 كده مش هيبقى رقم مقفول هيبقى السيرفس على 60623 كده الرقم مش مقفول
ده كان قصدى وده استنتاج فكرت فيه لما دخلت على اعدادات العربيه من التحكم فى الطاره

وصلت ياباشا...بس لما بيرجع العداد متهيألي كل القيم بتتظبط نسبيا مع بعضها..والله اعلم

انا خسرت فى عربيتى 5000 جنيه علشان فيها حاجه انا اللى قلت للناس عليها مش هما اللى اكتشفوها ،، كان عندى رفرف مقطوع وملحوم واحد مكانه فى التوكيل بنظافه مش هيبان غير لو فك الفرش اللى فى جوانب الشنطة ،، وكان اللى حتى بيكلمنى فى التليفون كنت بقوله عليه علشان يحدد قراره قبل ما يجى اذا كان هيقبل بالكلام ده ولا لأ

وبرضه اللى اشتراها قولتله عليه وانا عارف ان ده هيقلل من تمن العربية بس انا مقبلتش انى اغش حد.

طبعا انا بقول كده مش رياء لا سمح الله بس تعميم اللعنه على العربيات المستعملة ده مش صحيح

وطبعا برضه انا عارف ان حضرتك متقصدش اللعنه بمعناها ،، انا بس بوضح

تقبل مرورى[/quote]
انت راجل محترم وربنا هايكرمك
علي فكره انت ماخسرتش ..انت كسبت
علشان هاتتردلك في حاجات تانيه اكبر بكتير