اشتريت جلاكسي s3 وملحقتش اروح بيه اتسرق

**ahmed_su** · 02-12-2012 04:11 PM

فداك 100 موبايل ...

عموما اعمل اللى عليك طالما انت متأكد انك مسيبتش حاجتك غير فى التاكسى

اعمل محضر واتهم فيه السائق لو فاكر رقم التاكسى وبنسبة معقولة ممكن يكون فعال

وربنا يعوض عليك معلش - قدر الله وما شاء الله فعل

انا اخويا اتسرق موبايله من على مكتبه فى الشغل وطبعا مقدرش يتهم حد

وبعد شهر قسم العتبة اتصل بيه وقالوه تليفونك موديله كذا اتسرق قال ايوه

الحرامى طلع ساعى عنده فى الشركة وراح يبيعه فى شارع عبد العزيز بسعر تافه فامناء شرطة قفشوه

و ودوه على القسم - صدفة بحتة بس كانت كويسة - ان شاء الله ربنا يكرم وتعرف ترجعه

**mohammedabdallh** · 02-12-2012 06:12 PM

فداك يا كبير الف موبيل
بس ليه مشكتشى فى المحل بذات نفسه
والمحل عان عامل الفتوره بسريال الجهاز ولا لا ء
لو الفتوره بسريال بص عليها وشوف نفس السريال الى على العلبه ولا لا لو لا يبقى المحل الى عمل الحركه دى

**egyptiandiver** · 02-12-2012 11:27 PM

ربنا يعوض عليك

**mody3on** · 02-12-2012 11:39 PM

قدر الله وما شاء فعل ، تقريباً مفيش حد في مصر متسرقش منه موبايل ، بس انا مش عايز احبطك لكن للأسف مستحيل تجيبه هنا في مصر ، لأن مش معاك السيريال بتاعه وحتى لو معاك الشرطة مش هتجيبه ، لسه واحد صاحبي مسروق منه نفس الموبايل برضه .. خير ان شاء الله :)

المشاركة الأصلية كتبت بواسطة semsem kane

هو المفروض مثلا لو واحد اتسرق فى وسط البلد اكيد الحرامية دول متخصصين سرقة فى وسط البلد فعشان كدة البلاغ بيتعمل فى نفس المنطقة اللى اتاخد منها الموبايل

بس اعتقد الحالة اللى حصلتلك دية هتعمل بلاغ فى القاهرة مش هتكون مقيد بقسم شرطة معين

لكن لازم فى القاهرة والله اعلم

على فكرة انا لسة مسروق منى تليفون s advance من الهرم وكنت بتكلم فية واتنين على موتسيكل خطفوة منى وطاروا وروحت عملت بلاغ فى قسم الهرم , وبقالة اهوة شهر ولا حس ولا خبر وربنا يسهل بس الحقيقة انا مهمل شوية فى الموضوع دة يعنى عملت بلاغ واهملت التليفون لانى مشغول جدا , بس ناوى اروح اشوف اية اللى حصل وهاقولك لو فية اجراءات جديدة تقدر انها ترجع الموبايل بإذن الله

حتى انت يا سمسم اتسرق منك موبايل :))
ربنا معاك وتجيبه ، حرامية الموبايلات بقوا اكتر من الشحاتين يا جدعان

**pro_samir** · 03-12-2012 01:10 AM

ربنا يخلفك خيرا منه

موقف مسخره بصراحه شر البليه ما يضحك

**النوبي** · 03-12-2012 02:39 AM

انا رحت التوكيل اللي هنا وقالولي مش هيرجع بس ممكن تروح تقدم بلاغ وهيتقفل الموبايل ومش هيقبل اي شريحه داخل مصر
بكره هقدم بلاغ والله المستعان وانا والله مش مسامح في اللي اخده بس انا مش متضايق ابدا ده الحمد لله ان التليفون ده راح من وشي احسن ما كان حد من العيال اخد دور سخانه ولا حد اتعور الحمد لله كده افضل بكتييييييييير
والف شكر ياجماعه علي شعوركم النبيل انا بجد واخد الموضوع بهزار وبضحك فيه وبتريق علي نفسي حتي....... لان بجد الفلوس مش ليها قيمه ومحدش بيتعلم ببلاش
وانا التاكسي كان فيه شويه مشتروات بقيمه 55 الف جنيه وكان السواق مع الحاجه دي وعادي وهو ده اللي طمني وخلاني نسيت الموبايل وده قدر اولا واخيرا وفضل وعدل من عند الله
ودلوقتي نبدأ رحله الجمعيه الجديده علشان اشتري موبايل جديد بس مش هشتري جلاكسي هشتري سوني اكسبريا ادعولي اقبض بدري

**SAMEH_FOUAD** · 03-12-2012 10:40 AM

المشاركة الأصلية كتبت بواسطة mody3on

حتى انت يا سمسم اتسرق منك موبايل :))
ربنا معاك وتجيبه ، حرامية الموبايلات بقوا اكتر من الشحاتين يا جدعان

انت فينك ياعم مختفى لية محدش بيشوفك خالص لعل المانع يكون خير وحمد الله على السلامة

وياعم يعنى اية حتى انت ياسمسم , انا زى اى مواطن عادى يابرنس , ممكن يحصلة موقف زى اى موقف بيحصل لاى مواطن ماشى فى المحروسة , والواحد بيدعى ويقول الحمد الله انها جت على قد كدة

-

-

الموضوع: اشتريت جلاكسي s3 وملحقتش اروح بيه اتسرق

LinkBack

أدوات الموضوع

عرض

-

-

-

-

-

المواضيع المتشابهه

جلاكسي اس 3 و نوت 2 جديد متبرشم

جلاكسي تاب

سؤال لاصحاب ال جلاكسي s2 , s3 و جلاكسي note

جلاكسي نوت للبيع

حد جرب جلاكسي برو ؟

الكلمات الدلالية لهذا الموضوع

المفضلات

المفضلات

ضوابط المشاركة