الموضوع: حكايتى مع صيانة 20000 كم

الحمد لله انا عملت صيانة 20000 كم بتاعت النيو اكسنت 2008 انهاردة عن الباشا
( محمد عبده )

دا حد من اخر الرجال المحترمين فى الصنعة دى بصراحة ذوق جداً وشغله احتراف ومتمكن من الى بيعملوا وبيراعى ضميره وطبعاً انا بشكر الاستاذ محمد ممدوح لانة هو الى عرفنى عليه من حلال المنتدى الجميل دا ومن غيره مكنتش هاروح توكيل ولا غيره طبعاً كلنا عارفيين ليه ؟ وكنت ممكن اودى العربية عند اى حد مبفهمش يبوظها .
ابتدى اقول لكم الرجل دا عمل ايه
1- بص على البوجيهات
2- نظف فلتر الهوا والتكييف
3- غسل الوحدة المسئولة عن تظبيط الهواء والبنزين فى الكترول ( بصراحة هو قالى اسمها ايه بس نسيت ) وقعد فيها اكتير لانه كان بيعملها باسبراى ومناديل وعمالة تتطلع سواد .
4- ربط مسامير البطاحات ( الله يباركلوا ) لانها بعينى شوفت اد ايه كانت سايبة عشان محدش بيشيك عليها فى التوكيل
5- ربط العفشة بالكامل
6- فك 4 عجلات وصنفر الطنابير وبص على التيل وقالى انه عايز يتغير كمان 5000 كم انشاء الله ونظفهم بالهواء طلعوا تراب كتير جداً ودا فعلا كان مقصر على الفرامل وخليها واطية اوى .
7- رجلش فرامل اليد وخلاها 100 %
8- غسل الماتور بالمياه والصابون والهواء ( مع العلم مش زى غسيال البنزينة ميا واديلوا ) لا دا شبه مفيش ميا دى رغاوى صابون فقط دا بعد طبعاً مغطا الكنترول ونشف الماتور كويس جداً كأنه زيرو .
9- نظف فلاتر كتير كدة وبص على حاجات فى الماتور بس مش عارف ايه هى
والحمد لله العربية ادائها بقى احسن والفرامل اظبطت .
وادينى اهو هاروح مامورية لحد مارينا صد رد فى اول تجربة سفر للعربية معايا واول ماجى هابقى اقول لكم ايه ملاحظاتى على العربية فى الطريق والسفر .

بس ادعولى اجى بالسلامة .

وعلى فكرة بعيد تانى الى قاله ا/محمد ممدوح على الاختراع الى اسمه ( محمد عبده ) هو بيشتغل فى الدايو والهيونداى والميتسوبيشى عشان لو اى حد عاز يروحلوا