الموضوع: اسعار الكورولا من 2001 ل 2004

بص يا باشا الكورولا 2004 اوتو فابريكا بره وجوا لو عداد 100 الف كيلو
مش هتزيد ابدا عن 85 الف سعر شراء الزيادة الف والفين دي بتعاتك انت وقت الشراء
انما حد يقول 2004 ب 95 الف وب 104 الف معلش اسمحلي احنا كده بنضلل الناس
واتمني الي هيخش يقول سعر يقول سعر المنطق والسعر الواقعي مش سعر تجار بيسمعه فسوق السيارات وهو ماشي فبيصدقه
ويجي يقوله وبالتالي الناس تفتكر ان ده السعر
علشان عارف ان الناس بتسمع كتير وبتصدق اكتر
وخليك دايما فاكر ان في موديل 2007 لما تقولي 95 الف و 104 وخلافه تفتكر ال 2007 يبقي بكام ؟؟!!!
ولو الناس هتألف فسعر الكورولا اشتري ياريس 2008 احسن وهترجع بفلوس كمان
مجرد راي ..

طب واللانسر ؟؟؟ تعمل كام ؟

انا عمري ما شفت 2004 بفتحة سقف دية 1300 بردة ولا نازلة من برة 1600
والاسعار طبعا عالية جدا جدا
عالكدة ال 2007 بتعمل كام

لا حول ولا قوه الا بالله

2004 دي خليجي و 1300

المشاركة الأصلية كتبت بواسطة mahmoud85

معلش ممكن اسال حضرتك اشتريت امتا ؟ يعني من زمان ولا الشهر ده والف شكر علي الرد

انا اشتريت من 17 يوم وبعت من 10 ايام
واشتريت لانسر لزميلي يوم ما بعت عربيتي بـ 74000 الف رشة حزام 1600 اوتو كلاسيك عداد 95000 الف بس حالتها نظيفة بجد كاوتش جديد بريجستون وسرفيس كامل وعفشة جديدة بالكامل وحاسس ان فيها 2000 او 3000 زيادة عن حقها
وفي جاري بيبع عربيته كورولا 2004 بس قال انها رشة حزام وكبوت بس بصراحة مش عارف اي ظروفها واي حالتها بس الكلام في حدود 75000 الف واعتقد انه بيحافظ عليها وهو دكتور ومش له مشاوير كتير وهو شاريها بالحالة دي وسالته سبب البيع قال انه هيجيب تويوتا احدث والله اعلم

المشاركة الأصلية كتبت بواسطة tarekmaher

انا اشتريت من 17 يوم وبعت من 10 ايام
واشتريت لانسر لزميلي يوم ما بعت عربيتي بـ 74000 الف رشة حزام 1600 اوتو كلاسيك عداد 95000 الف بس حالتها نظيفة بجد كاوتش جديد بريجستون وسرفيس كامل وعفشة جديدة بالكامل وحاسس ان فيها 2000 او 3000 زيادة عن حقها
وفي جاري بيبع عربيته كورولا 2004 بس قال انها رشة حزام وكبوت بس بصراحة مش عارف اي ظروفها واي حالتها بس الكلام في حدود 75000 الف واعتقد انه بيحافظ عليها وهو دكتور ومش له مشاوير كتير وهو شاريها بالحالة دي وسالته سبب البيع قال انه هيجيب تويوتا احدث والله اعلم

ماعلش سؤال رخم شويه هو حضرتك من محافظه ايه واشتريت من السوق ولا معارض ولا ناس تعرفهم ؟؟؟؟ الاسعار لو كده عندكم انا اجي اشتري من عندكم احسن

المشاركة الأصلية كتبت بواسطة mahmoud85

ماعلش سؤال رخم شويه هو حضرتك من محافظه ايه واشتريت من السوق ولا معارض ولا ناس تعرفهم ؟؟؟؟ الاسعار لو كده عندكم انا اجي اشتري من عندكم احسن

والسؤال مش رخم ولا حاجة
انا من الزقازيق وحضرتك تنوري في اي وقت وانا اشتريت من ناس معرفة وابعد تماما عن اي معرض او سوق
وفي عربية النترا 2012 اللي هي 141000 كنت هشتريها بـ85000 بس صاحبها طلب 90000 الف وانا رفضت العربية دي كانت رشة قايم وجنب وعمرك ما تعرف انها رشة