الدبرياج محجر

**mamdouhelsayd** · 02-12-2012 09:28 PM

السلام عليكم إخوانى وجميع أعضاء نايل موتورز الأعزاء وسلام خاص للباشمهندس ممدوح ...أنا كان عندى إستفسار (أنا إمبارح وأنا ماشى وبنقل من التالت إلى التانى عادى جدا فجأءة لقيت الدبرياج حجر تحت رجلى والكلام ده كان باليل وأنا راجع من شغلى حوالى الساعة الحادية عشر والصدفة إنى كنت قربت على البيت وقفت على جنب وطفيت العربية وعشقت على التانى ودورت ومشيت بيها لغاية البيت لأن النهاردةالأحد ومفيش ميكانيكية ) العيب اللى حصل ده عيب ايه . وجزاكم الله خيرا

**midooo_119** · 02-12-2012 09:43 PM

غالبا كده الديسك و الاسطوانه عاوزين يتغيروا تلاقى بقالهم فترة الدواسه بتتقل بس انت كبرت دماغك لغايه اما جابت اخرهم
المهم الحمد لله انك بخير بسيطه ان شاء الله

**khalid_adel** · 02-12-2012 11:53 PM

انا مش عارف عندكو ماستر دبرياج ولا سلك بس
بس العيب ده مثلا بيحصل في العربيه اللي معايا وبيبقي ماستر علي طول وبيحتاج يتغير او يتعملو طقم اصلاح وتركيب فرش دبرياج وكلام كده كنت عملته قريب في عربيتي

**lanos2004** · 04-12-2012 06:42 PM

الماستر الى على الفتيس 50 جنيه ودة اكتر واحد بيبوظ -الماستر الى على دواسه الدبرياج دة 75 جنيه ونادرا لما يبوظ

**mamdouhelsayd** · 04-12-2012 07:51 PM

الحمد لله أنا صليت صلاة الإستخارة وتوكلت على الله وروحت للمكيكانيكى وقالى عايزطقم دبرياج كامل وفرش وركبناهم .....والحمد لله رب العالمين كل حاجة بقت تمااااااااااام والدبرياج بقى تحت رجلى مش حاسس بيه أصلاُ وانا متشكر جدا لكل اللى تابع معايا موضوعى

**mamdouhelsayd** · 04-12-2012 07:57 PM

أه على فكرة الموضوع كله كلفنى 500 جنية والحاجات اللى انا جبتها كلها كورى يعنى بتاعت بلدها بس المشكلة ان فيه ونة ظهرت جديدة لما انا بدوس بنزين وأسرع شويييية............ياترى ليه كدة انا بقول يمكن علشان الإسطوانة جديدة لسة مطبعتش مع العلم إن عصاية الفتيس كانت بتعض منى فى التانى والأول ودلوقتى مفيش الكلام ده خالص وبقت تمام .......
والسلام ختام .....(أنتظر ردكم )