صني الشكل القديم 2013 vs لوجان 2013

**dya2008** · 08-12-2012 10:30 AM

المشاركة الأصلية كتبت بواسطة ayman1204

اللوجان الاتوماتيك

هى افضل ثفقة رابحه تحت الـ 100 الف للعربيات الزيرو

هتعلى عن الـ 100 الف عندك الصنى الاتو .... تانى واحدة اقل قيمة مقابل اداء ....

(( اقل قيمة ممكنة مقابل اعلى اداء ))

وليس الاداء عن القيمة ... علشان الناس تبقى واخدة بالها ....

تحياتى

انا قرات موضوع الاسكندرية علي 180 ربنا يبارك لك فيها يا باشا
و انا فعلا مقتنع بيها تماما بس وجه المقارنه ان صني فئة اعلي هل لما تكون مانيوال افضل و لا انزل فئة للوجان اوتو و هي موثوقة برضه

**dya2008** · 08-12-2012 10:33 AM

المشاركة الأصلية كتبت بواسطة sha2e

سواء ليها او ملهاش مش هتفرق فى حاجه لان كل العربيات الى بتنزل مصر فى الفئه دي بتكون بمواصفات اقل من المواصفات السياره الى اتعمل لها اختبارات الامان

بخصوص استهلاك البنزين هعمل لحضرتك ترتيب لبعض العربيات 1600 من الاقل استهلاك للاعلى
1- أكسنت رابيت (مانيوال) معدتش نيواكسنت بعد نزول الار بي
2- لوجان (مانيوال)
3- فيرنا (مانيوال)
4- الينترا (اوتو)
5- لانسر بومه (اوتو) الفتيس القديم ال cvt مش الاستبرونيك الجديد
6- اوبترا (اوتو)
7- صني (اوتو)
طبعا استهلاك البنزين بيتوقف على 3 عوامل : الوزن - الموتور - الفتيس
يعنى لو قارنا بين عربيتين (اوتو) ممكن نلاقى استهلاك واحده أكتر من التانيه ولو قارنا بين نفس العربيتين لكن الاتنين (مانيوال) ممكن نلاقيهم زي بعض - زي ما ذكرت لحضرتك قبل كده - وده راجع لاختلاف الفتيس

تحياتي

+1111
يعني فعلا لوجان تتفوق كثيرا في استهلاك البنزين خصوصا انها تفرق اليومين دول

**dya2008** · 08-12-2012 10:42 AM

المشاركة الأصلية كتبت بواسطة sonasteel

هههههههههههههه ماشاء الله .... ماشاء الله
تعالي اركب معايا طلعه كده وهاعديك من غرز متعرفش تاخدها بياريس مش لوجان :d :d

-----------------------------

دلوقتي نصيحة واحده بامر الله ...... دور علي الامان اول حاجة قبل اي حاجة علشان يبقي خدت بالاسباب
بعد كده قارن

بس عامة الصني فئة مختلفة تمااااااااما عن اللوجان

الاستهلاك زيها زي اي عربية 1600 ..... لو عملت ايه هو استهلاك اي عربية 1600

عيوب الصني من وجهة نظري

الكنبة الضيقة ..... بتفرق من السائق نفسه كتيييييير.... يعني لو طولك مظبوط او اقصر شويه يبقي مش مشكلة
طويل والكرسي هاتروح رزعه للاخر ... يبقي اللي وراك هايقعد مربع هههههههه

والكراسي اللي قدام ناشفة جددددا .....

المميزات كتيرة جدا بفضل الله
من اول الماتور قوي جدا بفضل الله
العفشة ممتازة
الصاج وعضمها محترم جدا ..... بس الاكصدمات ضعيفة في التثبيت لكن الاكصدامات نفسها محترمة
التقفيل فوووووووق الممتاز وانت هاتشوف الفرق بالرغم انه مصري
التجميع بتاعها جميل جدا ماشاء الله ..... والاوتو بتاعها مش فارق اوي عن المانيوال
الفرامل فوق الممتازة طبعا ماشاء الله ....... والتيل بيعمر لو الاصلي
يعني اوتو معاك 40 الف ... والمانيوال لغاية 60 الف لو سواقتك محترمة
التوكيل ممتاز برده بفضل الله .....

واي استفسار او عايز تجرب العربية تحت امرك ..... او اي حد بيشكك في اي كلمة ممكن يجي تيست درايف علي الطبيعه بس انا الي هاسوق هاهاهاها

ربنا يوفقك للخير وييسرلك الخير يارب ومتنساش الاستخارة

أقعد بالعافية :))

يا حسين انا متفهم تماما ان صني فئة اعلي من اللوجان لكن وجهه المقارنه عندي هل استغني عن راحه الاوتو مقابل اني اعلي بالفئة خاصة ان لوجان اخذت 3 نجوم في اختبارات السلامه و لم اجد اي اختبارات للصني
المهم هل الفرق في الفئة يخليني الغي ميزة الاوتو في اللوجان هل الفرق في الاعتمادية و الاتزان يخليني اتغاضي عن الاوتو

**ayman1204** · 09-12-2012 05:08 PM

كتبت قبل كدة ان انا وصاحبي معاه صنى جابها زيرو موديل 2012 الشكل القديم
وبعها لان بجد العربية هو مش مستريح ليها ولا انا بالمرة
ضيقة من وراء وكراسيها غير مريحه بالمرة ....
حريقة بنزين بغباء ( الاتوماتيك ) معرفش المانيوال اية اخباره

بالنسبة لك انت هتجيب المانيوال صنى او اللوجان اتوماتيك

تعالا كدة مع بعض

الاثنين اير باج واحدة .....
الاثنين ماتور 2 كامه 16 صباب
الاثنين مفيهوش EBD ABS اى كان
دى ماتورها 110 حصان ودى ماتورها 118 حصان
دى موفرة للبنزين والتانية حريقة بنزين
الوسع صالون اللوجان اوسع بكتير من الصنى ومريح فى القعدة + شنطة اللوجان اوسع

الاتوماتيك من اللوجان الجديدة فيها الكاسيت MP3 وUSB و AUX و بلوتوث ومالتى فنكشن
المانيوال من الصنى USB و AUX فقط لا غير وسماعات جولدى مصرى هتبوظ منك بعد شهر وتروح التوكيل تغيرها بطقم كلاريون ( المشكلة عامه للصنى واسال فى المنتدى بتاعها )

كل دا انا عشته لان عربية صاحبي كانت نيسان صنى سوبر صالون وكل دا والله انا عايش معاه فى التوكيل
الصنى فئة اعلى بس فين الاعلى دا .... بعد دا كلوا والله العظيم وكنت بروح معاه كل صيانة علشان اشوف بنفسي
وادى المهندس وصاحبي انا مصورهم بنفسي لدرجة اننا بقينا اصحاب مكان هناك بتوع النيسان يقدروا يقولك هو الراجل دا بتاع توكيل المعادى

لان العربية دى اصلا مش نازلة ليا من زور ( الصنى اللى متجمعه فى مصر )
اما اللى متجمعه فى اليابان على عينى وراسي من فوق ^ ^

صاحبي دا اللى كان راكب معايا على فكرة فى اللوجان لما جبت الـ 180 واشاد بيها جدا
لان ساعتها كان معاه تيدا وقلى عمر التيدا ما تجيب الـ 180 وهيا شايله 6 .....

ولما قلب التيدا وجاب الصنى :D كان بيحب اللوجان اكتر لدرجة انو والله العظيم كان كل اللى بينصحوا بالصنى يقولوا
اللوجان احسن :D بس كان بيقولها وهو متضايق .... لانوا طبعا كان راكب فئة اعلى التيدا ....

خلاصة الكلام

هتجيب الصنى هات الاتو منها وتكون السوبر صالون واتنازل عن العيوب اللى فيها غير كدة ما تجيبهاش
وهات اللوجان الاتوماتيك 2013

**Sehsss** · 09-12-2012 07:14 PM

المشاركة الأصلية كتبت بواسطة ayman1204

كتبت قبل كدة ان انا وصاحبي معاه صنى جابها زيرو موديل 2012 الشكل القديم
وبعها لان بجد العربية هو مش مستريح ليها ولا انا بالمرة
ضيقة من وراء وكراسيها غير مريحه بالمرة ....
حريقة بنزين بغباء ( الاتوماتيك ) معرفش المانيوال اية اخباره

بالنسبة لك انت هتجيب المانيوال صنى او اللوجان اتوماتيك

تعالا كدة مع بعض

الاثنين اير باج واحدة .....
الاثنين ماتور 2 كامه 16 صباب
الاثنين مفيهوش ebd abs اى كان
دى ماتورها 110 حصان ودى ماتورها 118 حصان
دى موفرة للبنزين والتانية حريقة بنزين
الوسع صالون اللوجان اوسع بكتير من الصنى ومريح فى القعدة + شنطة اللوجان اوسع

الاتوماتيك من اللوجان الجديدة فيها الكاسيت mp3 وusb و aux و بلوتوث ومالتى فنكشن
المانيوال من الصنى usb و aux فقط لا غير وسماعات جولدى مصرى هتبوظ منك بعد شهر وتروح التوكيل تغيرها بطقم كلاريون ( المشكلة عامه للصنى واسال فى المنتدى بتاعها )

كل دا انا عشته لان عربية صاحبي كانت نيسان صنى سوبر صالون وكل دا والله انا عايش معاه فى التوكيل
الصنى فئة اعلى بس فين الاعلى دا .... بعد دا كلوا والله العظيم وكنت بروح معاه كل صيانة علشان اشوف بنفسي
وادى المهندس وصاحبي انا مصورهم بنفسي لدرجة اننا بقينا اصحاب مكان هناك بتوع النيسان يقدروا يقولك هو الراجل دا بتاع توكيل المعادى

لان العربية دى اصلا مش نازلة ليا من زور ( الصنى اللى متجمعه فى مصر )
اما اللى متجمعه فى اليابان على عينى وراسي من فوق ^ ^

صاحبي دا اللى كان راكب معايا على فكرة فى اللوجان لما جبت الـ 180 واشاد بيها جدا
لان ساعتها كان معاه تيدا وقلى عمر التيدا ما تجيب الـ 180 وهيا شايله 6 .....

ولما قلب التيدا وجاب الصنى :d كان بيحب اللوجان اكتر لدرجة انو والله العظيم كان كل اللى بينصحوا بالصنى يقولوا
اللوجان احسن :d بس كان بيقولها وهو متضايق .... لانوا طبعا كان راكب فئة اعلى التيدا ....

خلاصة الكلام

هتجيب الصنى هات الاتو منها وتكون السوبر صالون واتنازل عن العيوب اللى فيها غير كدة ما تجيبهاش
وهات اللوجان الاتوماتيك 2013

انت تاني... الصني مش حريقة بنزين ولا حاجة ولو كلفت خاطرك ولفيت لفة في قسم نيسان وشوفت تقارير استهلاك الصني كنت عرفت لكن انت بتدور على عيوب السيارة فقط لإبرازها ولا تذكر عيوب اللوجان الأوتو زي مثلا نتشة الفتيس الأوتو والتسارع الضعيف مع التكييف والـ110 حصان اللي الفتيس (التعبان) مضيعهم ومخليها بطة أكثر من المانيوال الـ90 حصان.... ولم تتحدث مثلا عن قعدة كرسي اللوجان اللي عاملة زي الشاهين... وكمان بتتكلم على تسارع التيدا (يانهار أسود) كون إن اللي راكبها ما عرفش يجيب بيها غير 180 يبقى عيب سواق.. لأنك تاني لو دورت على مواضيع التسارع في قسم نيسان هاتلاقي صقور كتيييييير جابو بيها 210 و220 زي أحمد مصطفى (منسق نيسان) والأعضاء القدامى.. بسام حافظ وأحمد زونج.. وبالنسبة لتسارع الصني أنا أتحداك قدام الناس كلها أطلع أشد معاك بعربيتي الصني ولو عديتني هابيعها وأجيب لوجان.. ومش كون إن صاحبك واجهته عيوب (فردية) تبقى العربية سيئة، مهما قولت اللوجان فئة والصني فئة تانية خالص.. طيب أنا راضي زمتك في عربية ثمنها 65 ألف جنيه والكوبلن الواحد سعره في التوكيل 3700 جنيه.. تحياتي