الموضوع: مشكلة قرفاني بجد وشكلي هاسيب الشقة بسببها

المشاركة الأصلية كتبت بواسطة youssef_u

في نوع اللي هو بتسيب الشقه تلات ايام بعد الرش ده رائع و عن تجربه و ده ممكن يقتل بني آدم لو شميته لان ريحته قويييييييه جدا و بيدوم مفعوله لشهور و حط مية نار او اي مادة كاويه في البلاعات و هتلاقي الشقه مفيهاش نص حشره ان شاء الله

المشاركة الأصلية كتبت بواسطة amr_mo

يمكن العيب في مواسير المياه الي داخلة الشقة عندك او المياه نفسها الي واصلالك احتمال كبير تكون المياه مختلطة بنسبة من مياه الصرف ومحملة ببيض الحشرات الي بيفقس لما المياه تكون راكدة ومفهاش حركة زي مياه ارض الحمام وخلافه

حرب دايما تغسل ارضية الحمام بالكلوروكس الابيض واشطفه كويس بعدها بس خلي بالك من ريحته ومتكترش منه علشان بيعمل مشاكل في التنفس

والله احنا كل يومين بنغسل الحمام بديتول.

المشاركة الأصلية كتبت بواسطة y a r i s

والله ماعارف اقولك ايه يا عزيزي
بس الدود ده مبيطلعش الا اذا في شيء ميت في شقتك ... او انكم بتسيبوا بقايا الطعام بالشهور اما من ليلا وضحاها .... يبقى الموضوع غريب جداً وينافي الظواهر الطبيعية او العلمية ....

ومالكش فعلاً غير انك ترش الشقة وتشوف النتيجة لو ما زالت. المشكلة قائمة. يبقى ملكش غير انك تعزل وتسيب الشقة دي يمكن يكون فيها لعنة ماااا حد اتقتل فيها زمان ولا حاجة ومكتشفوش الجثة غير بعد فترة. .... ومتابعين معاك صحيح ان المطبخ عندك نوعو ايه خشب قديم. ولا خشب جديد ولا المونيوم !!

الشئ الميت هاييجي منين؟ احنا حتى في الدور التامن، يعني ما فيش حاجة بتطلع فوق خالص.
المطبخ اللي عندنا خشب جديد

المشاركة الأصلية كتبت بواسطة ahmed a.maksoud

جيب شركة رش.......و بيبقى عندهم رش بدون ريحة و رش بريحة........

لو عندك أطفال أعمل اللى بدون ريحة......و لو أطفال أقل من سنتين هتسيب الشقة لمدة 24 ساعة أو 48 ساعة علشان بيبقى خطر على الأطفال.

و تخللى الشركة ترشلك كويس فى إماكن البالوعات و المواسير اللى خارجة من الحوائط.

بس هى فعلاً مشكلة غريبة جداً.........المعتاد صراصير........فئران.....بس مش دود خالص.

حضرتك تعرف شركة كويسة؟ وتقريبا بتتكلف كام؟

المشاركة الأصلية كتبت بواسطة mohamed_selim

الحشرات معروف بتيجى من البلاعات او معششه فى اى حته ... انما دود ده معناه ان فى حشره بتبيض او الميه ملوثه ببيض حشرات .... ممكن تحلل الميه و تتاكد؟

هو تحليل المية دا بيكون عن طريق شركة ولا فيه حاجة ممكن استخدمها انا؟

حلل فى معمل البرج مثلا ... و الغرض كشف اى تلوث او يرقات ناتجه من مية مجارى ... اصل مش طبيعى ان اى حته فيها ميه تطلع دود ... اكيد المصدر فى الميه

المشاركة الأصلية كتبت بواسطة y a r i s

حمامة مثلاً او عصفورة ماتت
ممكن يكون حد من الاولاد رمى او وقع حاجة ورى المطبخ .... اصل بص ياعزيزي لو صراصير. فدي لو باضت في مكان متخلص منها. ان مكافحتهاش بسرعة ... بس مدام المطبخ جديد فدي مستبعدة لكن الدود ده معناها في شيء (لحم ) موجود في المطبخ

ولو عندك اطفال هتشوف العجب. .... انا ولادي مرة ضربتهم وقلتلهم هتاكلوا يعني هتاكلوا فزكاء امهم راحوا خبو الرز بالمولخية في البلاعة بتاعت الشقة وغطوها هههههههه. .... وبنتي مره شالت سمكة في درج المطبخ خبيتها علشان خايفه لماما تشويها. يووووه اوووه احكيلك ايه ولا ايه الاطفال هتشوف منهم العجب او البدع. فدور كويس اقلب الدنيا في المطبخ لان الدود عامة عمروا قصير ومحتاج حاجة يتغزى عليها وربنا يعينك

ههههههههههههههههه. ربنا يخلي لك أولادك.
انا عايز اقول لحضرتك امبارح المدام قلبت المطبخ كله، وأي حاجة في المطبخ طلعت برة واتنضفت كويس ورجعته مكاني تاني. ومش بنسيب اي مية في أي مكان دلوقتي. ومنتظرن النتائج.
لكن بردوا انا ان شاء الله هاحلل المية النهاردة وأشوف النتيجة

لو انا فاهم صح الدو مش مرتبط بالمطبخ ... فى اى مكان بيتساب شوية ميه يطلع دود ... صح؟

لو حاجه ميته يلاقى دود فى مكانها بس مش فى اى حته ... اللى ممكن يلاحظه الدبان الكبير ده هيلاقيه كتر ... لسه قريب حمامه ماتت فى البلكونه و محدش شافها ... اللى لاحظته انى فى يومين قتلت اكتر من 50 دبانه من الحجم الجامبو و كله عند سلك باب البلكونه ... دورنا لقينا الحمامه و رميناها و كله اختفى .... بس مكنش فى اى دود فى الشقه