بعد السلام والتحية
نصيحة لوجه الله بلاش حد يروح يجيب حاجة من عند إتنين
أبو اصه و مجدي الدسوقي ............... أصلي من بتوع زمان
وكمان حاجتهم موجودة عند أي حد بتاع استيراد قطع غير هوندا
ده غير كده هم بيحسوا إن اللي داخل عندهم بيسأل على حاجة الهوندا واحد مليونير ...هم تقريبا بيحاسبو الناس على أساس انهم جايبين عربياتهم سنة 92 بـ 140000 جنيه .
فلازم الحاجة تبقى مولعة نااااااااااار
حاجة تقرف ....
اخلص يا عم هاتلنا المفيد حتوجعلنا دماغنه ....حاضر ....عليكم الاتي
نزلت الحرفيين حبيبه قلب أي حد عنده عربية ....علشان أجيب جانبين sir علشان البلي عندي بايظ والماستر الشمال رايح الناس ومشترك الفرامل متنيل على عين اهله
كان معايه ساعته أحمد ايهاب كتر ألف خيره نزلي من الهرم لحد الحرفين علشان يقف معايه بسسسسسس
المهم دخلت على اولنا وكان على التليفون قبل مااقابل هوبااااا وكان مجدي الدسوقي
كام يا عم الجانبين .....1000 ....قفلت السكة قبل ماقول سلام عليكم
دخلت على التاني ...عم أبو اصه ..ههههه ال أبواصه ال ....قالي معنديش وطبعا نزلتله بعدها لوحدي وسألته قالي 900 ومفيش ولا كلمة بعد السعر ده..كنت عايز

المهم كان في واحد زمان كنت رحتله اسمه محمد الشيخ راجل بصراحة زي الفل
كام يا عم الحاج الجانبين .....500 ...ايه إنت بتهرج ولا بتتكلم جد ....بس قالي في المخزن ...قلتله يلا بينا يا معلم ...وروحنا المخزن وطلعلنا تقريبا 20 جنب حاجة كده
وطلعنا أنا واحمد جانبين اللهم صلي على النبي ...حكاية ...وطلعنا نتحاسب ...هئ وميء وطبلة ورء
450 جنيه و 20 جنيه بقشيش ...وجريت على العربية فتحت الشنطة وحاطتهم

الكلام ده كان يوم الجمعة ..نزلت السبت ركبتهم ومشيت ...الحمد لله الدونية زي الفل ..هوبة المشترك ضرب ...لا اله إلا الله ده النهاردة الأحد....طبعا يوم عكننة والعربية مركونة في الشارع بعيده عن البيت وحاجة رعب

صحة يوم الإتنين كلمة الناس في الشغل ...يا رجالة أنا مش جاي علشان بعمل العربية
رحت المحترفين وانا ماشي 40///50 كم وماسك الهاند في ايدي
وطبعا لفة تانية زي بتوع الجانبين
عم مجدي جديد 560 واستيراد 300
أبو اصه 300 استيراد علشان ححله من نص ...وطب ولو محلول كام ..برضه 300
مسعد وعدلي 200 ...يا فرج الله ...طب نختم بقي بالشيخ...مش عندي بس حجبهولك ..راح جابه وجه ...كام يا عم 150 ...ايه... يانهار أبيض ...متشكرين يا سيدي ادي ال 150 وكمان 20 اصطباحتك يا معلم ...وببص في المشترك لقيته بالفسفور بتاع الشركة ...يا كرم الله
طلعت على عم ناصر الفيومي البرنس ...وراكب يا عم الحاج واطلع جرب ...اللهم صلي على النبي ...ولا كلمة

الموجز ...لازم لف كتير على قطعة الغيار ...مش علشان مش موجودة ...لأ علشان السعر
وأرجو الحذر كل الحذر في التعامل مع الإتنين السابق ذكرهم
والسلام ختام اخوكم علام ....حلوة مش كده