الموضوع: لادا سمارا استهلاك البنزين عالى جدا

حصلت معايا نفس المشكله بعد ما الميكانيكي قالي ظبطتهالك وراح التسقيف
وخد عندك بقي
البنزين بيتشرب واللتر بيعمل 4 و5 كيلوا بعد ما كانت بتعمل 35 لتر لكل 500 كيلوا طوالي
اروحله يلعب في الكربراتير وتفضل تاكل برضه
روحت لواحد بتاع كربراتير غيرلي حته كاوتشه كده ونضفهولي ولدع 40 جنيه مصنعيه +20 الجزء اللي اتغير +10 متفرقات
يعني 70 جنيه راحو ولسه بتاكل بنزين
سالت صديق ليا من المنتدي خبرته كويسه قالي الاسبراتير لازم يتلف ويتظبط وتاخر الكهربا شويه
روحت للميكانيكي قولتله اظبطلي الاسبراتير والكهربا
قالي حتسقف منك
قولتله اياكش تزرغد حتي انا بحب التسقيف
قالي خلاص اظبطها برجلك ومتكبسش
وراح ظاطبهالي ولافف الاسبراتير حوالي نص سنتيمتر

من بعدها عملت 130 كيلوا جوه البلد ب16 لتر خلال اسبوع او 10 ايام
يعني نصهم تسخين (:
فكده لازم تظبط كربراتيرك الاول
ولو متاكد انه مظبوط يبقي الاسبراتير عاوز يتظبط