اتخبط والحمد لله

**haythamkmal** · 05-12-2012 11:56 AM

امبارح وانا راجع باليل وطالع مطلع المقطم وكان معايا المدام والاولاد ، كان ماشى قدامى على بعد حوالى 200 متر عربية نصف نقل محمله زبالة على اليمين وانا على الشمال وقدامى عربية ملاكى تانية على الشمال ، وفجأه لاقينا العربية النقل طلعت نار من تحت وقعدت تطوح يمين وشمال ، انا اديت انتظار علطول وهديت السرعة شوية ، الا ان العربية الملاكى اللى قدامى اتخض من المنظر وداس فرامل فجأه رغم انه كان ممكن يعدى من الشمال ، المهم الحمد لله وقفت قبله بمتر تقريبا ومكملتش ثوانى والاقى ميكروباص جاى ورايا طاير لبس فيا من ورا فى الجانب الايمن
حرف الشنطة من تحت دخلت لجوه حوالى سم والفانوس اليمين اتكسر والاكصدام طلع من مكانه وباب الشنطة اتخفس حته قد كف الايد، بس الحمد لله مفيش بويه وقعت خالص

مش عارف ينفع تتعمل على البارد ولا لا خصوصا ان العربية مرشتش
وهل ممكن اجيب فانوس واحد بس ولا لازم الاتنين مع بعض وسعره كام

**MohammedAladel** · 05-12-2012 01:17 PM

قدر الله وماشاء فعل

بالنسبة للفانوس ممكن تغيره لوحده ممكن حضرتك تدخل فى الموضوع الخاص بقائمة الأسعار

**dedo_ryo** · 05-12-2012 11:39 PM

لو عربيه حضرتك 2005-2006 الفانوس سعره من 250 ل 270

**haythamkmal** · 06-12-2012 10:46 AM

شكرا يا جماعة على الرد ، امبارح روحت عن سمكرى وعملى الشغل كله على البارد كلفتنى 200 جنيه ، لسه الفانوس بقى ربنا يسهل

**abdo_2812** · 07-12-2012 08:28 AM

قدر الله وماشاء فعل وفداك وفدا الأسرة الكريمة
والحمدلله على السلامة
كويس انك رديتها على البارد والفانوس يتجاب لوحده طبعاً إن شاء الله وأعتقد انك تجيبه استيراد أفضل حل