ال m11 بطلت فجاة وانا ماشى

**katoba** · 06-12-2012 11:15 PM

السلام عليكم ياشباب

النهاردة وانا طالع بالعربية من الجراج من شوية بطلت منى ودورت واشتغلت ومشيت شوية وبطلت والطارة
كلبشت والفرامل حجرت وحلفت ماتدور تانى , صوت المكنه بتلف بس مبتدورش , اتصلت بناس قاللى طرمبة بنزين وناس قالتلى بطارية وناس قالتلى فيوزات وناس قالت سير كاتينه ومفهمتش حاجة زقيتها مع زمايلى لكهربائى كشف على الفيوزات لقاها تمام الطرمبة لقاها فيها مشاكل وقالى ان الموبينه هيا الى فيها المشكله وماثرة على الطرمبه وكان تخمين منه مش تاكيد , ياريت لو اى حد يفيدنى لانى متضايق جدا وكنت مسافر بيها ولسة التوكيل بيفتح بعد بكرة

**rammar** · 07-12-2012 02:09 AM

على ما أظن دي نفس الأعراض

**katoba** · 07-12-2012 03:44 AM

يعنى امتى نقول ان العربية مش بتدور بسبب سير الكاتينه او الموبينه ولا ندخل البطارية معانا فى الحسابات كمان مع العلم ان العربية كانت سخنه ساعتها ؟؟؟

**AMRSPEED** · 07-12-2012 04:26 AM

حصل معايا نفس الموقف ده فى ال 620
وكنت فاكر الكاتينه
لقيت ان خرطوم فلتر البنزين اتفك لوحده من الفلتر

**ALshahba** · 07-12-2012 04:53 AM

مستحيل تكون بطاريه او فيوزات
لكن ممكن جدا يكون خرطوم الفلتر فك زي ما اخونا عمرو وضح

**khaled_Saga** · 07-12-2012 01:22 PM

زى ماحكيتلك على التليفون يا احمد ان موقف شبيه بده جدا حصل معايا ايام الجولييت بطلت فجأة والباور فصل والطارة تقلت والفرامل حجرت بس كان كمان الازاز لا بيطلع ولا ينزل وطلعت بطارية ولما غيرتها كله اتظبط
ان شاء الله ربنا يطمنك عليها وتطلع بسيطة وابقى طمنا عملت ايه

**katoba** · 07-12-2012 02:37 PM

انا جربت موضوع الخرطوم دة بردة زى ماقلت ياعمرو وعلى فكرة ياخالد لمبة epc منورة مش عارف دة بقى طبيعى ولا اية هيا بتنور مع لمبة المكنة والبطارية قبل العربية ماتتشغل طبعا لانها مبتدورش

**katoba** · 08-12-2012 02:16 PM

الحمدلله المشكله اتحلت ياشباب فى التوكيل . تم الكشف بالكومبيوتر وطلع حساس كهربا وتم تغييرة بجديد ودارت والحمدلله , والغريب انه رجع الحساس القديم تانى ودارت بردة الحمدلله . وجربتها مع المهندس فترة وكانت تمام , ربنا يستر ومترجعش تانى ,, شكرا لكل من ساهم وفادنى فى الموضوع