محتاج رائيكم يا رجاله

**Land_Cruiser** · 07-12-2012 10:36 PM

موضوع سنه الإنتاج يا فندم من العوامل المؤثرة جامد فى حاله العربيه لان كل قطعه غيار ليها عمر افتراضى و اللى بيبدأ يتناقص من اول يوم من إنتاج العربيه و ليس من تاريخ اول استخدام للعربيه يعنى فى حالتنا العمر الافتراضى بدأ يتناقص من ٢٠٠٥ و ليس. من ٢٠٠٧ . موضوع الاستخدام اكيد له تأثير طبعا لكنه مش لوحده و النهارده يبقى العربيه داخله على السنه الثامنه و احتمال بعد ما تشتريها تبدأ تظهر فيها مشاكل نتيجه للزمن . انا بصراحه لو مكانك هادور على حاجه موديل اعلى شويه و حالتها كويسه و السعر مش هيبقى فارق كتير عن السعر اللى حضرتك ذكرته

**وائل مختار** · 07-12-2012 10:41 PM

طب مش الافضل انى ابعد عن العربيه دى واركز انى اجيب حاجه موديل 2008 واعتقد ان 80 الف يجيبوا عربيه موديل 2008 بحاله كويسه ؟؟؟

**Ahmed Selim** · 07-12-2012 10:52 PM

المشاركة الأصلية كتبت بواسطة وائل مختار

طب مش الافضل انى ابعد عن العربيه دى واركز انى اجيب حاجه موديل 2008 واعتقد ان 80 الف يجيبوا عربيه موديل 2008 بحاله كويسه ؟؟؟

بص يا صديقي

أنا عن نفسي مقتنع بحاجة.....أنك ممكن تلاقي موديل 2008 ب 80 أو أقل..........و ممكن تلاقي 2008 بما يقارب ال 90.

لما تكون معاك عربية كويسة و مفيهاش مشاكل و حالتها حلوة و بتبيع هتمسك فى سعر عالي.

و لو العربية تعباك لسبب أو لأخر هتبيع و مش هتدق فى السعر قوي.

هل أنت تقدر تجيب 2008 بنفس حالة 2005 اللى أنت بتحكي عليها بسعر 80 أو 85 ؟

لو الأجابة نعم يبقى أصبر و شوف 2008 طبعاً.

بس مما لاشك فيه أنه موضوع صعب مش سهل.

**Land_Cruiser** · 08-12-2012 12:11 AM

دور كويس يا فندم و خد وقتك فى البحث و ان شاء الله تلاقى حاجه كويسه . التسرع هو اللى مش هيبقى كويس لان لو حضرتك اقتنعت بحاله موديل ٢٠٠٥ دى و تغاضيت عن سنه الصنع اشك ان حضرتك هتلاقى حد يشترى منك بالسعر ده

**MohammedAladel** · 08-12-2012 12:31 PM

يا جماعة ناخد بالنا من حاجة بس
إن العربية دى من وقت ما نزلت لحد ما نزلت ميجان 3 متغيرش فيها حاجة جوهرية دا حتى الميجان 3 نفس الموتور ونفس الفتيس مع تعديل عليه معرفش برمجة ولا إيه بالظبط

العربية دى كقيمة سعرها كويس جدا

كسوق أنا معرفش بصراحة

بس عايزك تتأكد من حاجة واحدة إن لو عربية حالتها حلوة ومتصانة وماشية قليل أيا كان سوقها بتتباع بسعر أعلى

زى ما حضرتك قلت الكاوتش برغم إنه مش فى الحسبان يعنى لما حد يجى يقيم عربية بس بص لتمنه عشان تجيب 4 أو 5 فرد
وتعملها صيانة لسة و و

غير لما تاخد عربية متظبطة مش هتصرف عليها قرش

وخد راحتك خالص فى البحث

هى العربية دى بانوراما ولا لأ ؟؟؟

**وائل مختار** · 08-12-2012 02:08 PM

اه العربيه هاى لاين بفتحه سقف طبعا والكاسيت بتاعها update list وعاوز اقولك حاجه كمان ان البائع بتاعها قالى لما تكشف عليها فى التوكيل ولقيت حاجه فيها بايظه وانا مقولتلكش عليها هادفعلك حق الكشف