محتاج رائيكم يا رجاله

**وائل مختار** · 07-12-2012 04:42 PM

معروض على رينو ميجان موديل 2005 ولكنها ترخيص سنه 2007 اول يد وعامله 44000 فقط هاى لاين فابريكه بالكامل فيما عدا باب يمين واكصدامين وتم رشهم بالتوكيل وبالفواتير وصيانه العربيه فى التوكيل بانتظام وبالفواتير ،،،، العربيه بكل معنى الكلمه زيرو حتى ريحه الزيرو لسه فيها ولكن المطلوب فيها نهائى نهائى 72000 جم ,,, ايه رأيكم اخلص فيها ولا السعر عالى مع العلم ان اول استخدام فيها فى 2007

**haissam24h** · 07-12-2012 05:56 PM

بتوع الميجان يلا انتشرى خالى الراجل ينضم ليكو ههه بس اعتقد السعر عالى شويه لكن خصوصا ان فى حالات شاذه فى الرينو مش بتبقى راشه خالص بس ممكن 65

**dedo_ryo** · 07-12-2012 07:55 PM

بيتهيألي عالي شويه على Phase1 و 2005 و برضه انتظر رأي الاعضاء العمالقة في القسم

**waeel_bdr** · 07-12-2012 08:17 PM

غالية طبعا كبيرة 65الف جتية

**وائل مختار** · 07-12-2012 09:51 PM

هى العربيه كمان على فكره كوتش جديد وفيها رخصه سنتين ومغير طقم الكاتينه عند 30 الف كيلو اظن كل ده يفرق فى سعرها ,,,, ايه رأيكم بلاش منها ولا اخلص فيها

**Ahmed Selim** · 07-12-2012 10:07 PM

و الله يا كبير أنت بتتكلم فى حالة شاذة

الحالات الشاذة بتفرق فى سعر العربية.........تفرق قد أيه بترجع للمشتري.

يعني أنا لو مكانك...........هشوف عربية موديل 2005 حالتها كويسة و ماشية كليومتر معقول هتعمل كام.

هنفترض أنها هتعمل 60 ألف مجازاً

طيب دى الحالة الكويسة و الكيلومتر المعقول
اللى معروضة عليك حالة ممتازة و كيلومتر قليل........هنقول هتفرق 5000 كمان........تبقى فى حدود 65

شوف بقى كمان فرق الرش بين العربيتين.....و شوف فرق الصيانة اللى ممكن تعملها فى الحالة الكويسة

هنقول 3000 كمان.........يبقى بنتكلم فى 68 ألف.

لو عرفت تخلصها على 68 ألف أو حتى 70 الف تبقى صفقة كويسة لأنك مش بسهولة هتلاقي عربية ميجان بتتباع حالتها كويسة فى الأساس.

ده رأيي و الله أعلم.

و طبعاً لا بديل عن الكشف على العربية فى التوكيل أو مراكز الخدمة.

**mody_halawa** · 07-12-2012 10:20 PM

كان الطارق بتاع السيارات عندة مخزون كبير للميجان وكان بيبيع العربية فى 2007 زيروووو ولاكنها موديل 2005
عادى يا باشا
يعنى هيا كانت موجودة عندة مثلا موديل 2007 ب 140 الف مثلا و موجود عندة برضة 2005 ب 130 الف مثلا والاثنين زيروووو