سألت في التوكيل عن مشكلة الزوايا و عدم الثبات
رد المهندسين العاملين بالتوكيل بأنة ممكن تغير الكوتش و الجنوط الي اكبر ممكن 14 و مش ممكن اكبر عشان متبوظش العفشة لتلاشي هذة العيوب و لأن العربية خفيفة جدا بلتسبة لمتور 1600 سي سي
لتفادي مشكلة حدف العربية و الزوايا و اكيد حتحصل علي ثبات اكتر علي الطريق
مع ان كوتش العربية عندي مش نسر و كتير من الناس في المنتدي بتقول النسر بس هو اللي بيعمل مشاكل في الزوايا و حدف العربية
انا مستغرب ان المهندسين في التوكيل يقولوا غير الكوتش و الجنوط و بدام هما عارفين العيب دة في الفيرنا لية ميغيرهوش
انا بكون راكب لوحدي و العربية بتحك في المطبات العالية معرفش دة عيب من مطبات مصر الجميلة و لا اية
و اكدوا لية ان هذة المشاكل مش حتظهر عند تركيب الجنوط
عايز اعرف رأيكم في الكلام دة