هوه غبور رفع اسعار النترا تاني ؟!!!

**abogharib** · 13-12-2012 02:13 PM

المشاركة الأصلية كتبت بواسطة ultramisho

طريقت في الكلام تخليني لا أقولك ولا اشرحلك ولا أرد تاني
ياريت تراجع طريقتك في السؤال ومايكونش فيه اسلوب تهكم
سلام

انت من غير ما تقول ولا تعيد معروفه جدا الالنترا مش بتتفوق على الفوكاس او الفلورنس او الاسترا فى اى حاجه

**devil_storm** · 14-12-2012 07:41 AM

المشاركة الأصلية كتبت بواسطة abogharib

طب قولى كده الانترا بتتفوق على بدائلها زى الفورد فوكاس و الرينو فلورنس بتتفوق عليهم فى ايه بقى ؟ اشرحلى كده

يا باشا انا اقول بعض ميزات الالنترا عن العربيتين دول

الالنترا تتفوق على الفورد فوكاس فى

السعر
الوسع لانها اكبر قاعدة عجلات فيهم
استهلاك البنزين و بنزين 92 ذى الفول معاها
توافر قطع الغيار بسهولة
سعر اعادة البيع
انتشار مراكز الصيانة فى كل مكان
ضمان 5 سنوات
قوة التكييف

الالنترا تتفوق على الفلوينس فى:

قوة الماتور و السحب
فتيس 6 سرعات و الفلوينس 4 سرعات
قوة التكييف
سعر اعادة البيع
توافر قطع الغيار بسهولة
استهلاك البنزين
ضمان 5 سنوات
انتشار مراكز الصبانة فى كل مكان
الشكل و التصميم (عارف ان دى ازواق بس على الاقل بالنسبالى)

و طبعا الفورد و الفلوينس بيتفوقوا على الالنترا هما كمان فى حجات كتيرررررر
عموما هى الالنترا عربية متميزة فعلا لكن انا عمرى ما حشتريها بالسعر ده لانى حاسس انى بيضحك عليا

و ممكن اشترى فلوينس لان سعرها كويس و الاوبشن فيها حلوه

و ممكن اشترى كروز كمان عربية جميله جدا و مش كل حاجة الجرى

**aahfly** · 14-12-2012 10:21 AM

المشاركة الأصلية كتبت بواسطة saint2011

نصحتى لصاحب الموضوع كده السعر قرب من 150 الف يبقى كده تركب أوروبى أفضل عندك الأوبل أسترا 2013 سعرها اول فئه 154900 جنيه أنجوى والفئة الثانيه 167000 كوزمو تحفة فنية وتتفوق على الأوكتافيا وفيها كل ما تتخيل 4 ايرباجز وabs,ebd,ba ونظام الأتزان الكترونى esp وقائمة طويلة عريضة من الأوبشنز بصراحة مش فاكرها ممكن حضرتك تدخل على منتدى أوبل وهما هيقلولك كل حاجة ومبروك مقدما

شكرا ليك ... فعلا انا شفت الاسترا و عجبتني جدا و رايح اشوفها النهارده فى التوكيل ... ادعولي