نويت اشتري اوبيل استرا هاتشباك 2013 .. ايه رايكم ؟

**hemazz** · 08-12-2012 07:03 PM

السلام عليكم

بعد ما كنت استقريت على الانترا 2013 خلاص اللي ب 140 الف جنيه
فواحد صحبي قللي زود شويه وهات اوبيل استرا احسن

وسمعت انها ب 155 الف

فهل في فروقات كبيره بينهم يعني تستاهل ولا حاجات بسيطه ؟

وسؤال كمان : هل في فروقات بين الهاتشباك والسدان غير الشكل بس من بره ؟ وهل السعر نفسه ؟
وكمان تنصحوني اشتريها منين ؟

شكرااا

**moody_687** · 08-12-2012 07:24 PM

باشا طبعا تستاهل التفكير واساسا مفيش مقارنة بين الالنترا والاسترا ، الاسترا دي حوت صغير
باشا عشان الناس اللى دايما تقارن الكوري بالالماني احب اقول ع معلومة ان الاكتشاف اللي بيحصل ف الدول الاوروبية وبيعملوه ف العربيات المنتجة منهم مش بيوصل للاسويين غير بعد 5 او 10 سنين زي حوار الايرباج فبالتاكيد التكنولوجي اعلى ف الاسترا عن الكورى + الاعتمادية + الثبات ومفيش فروقات بين الاسترا الهاتش باك والسيدان واللي سمعته من التوكيل ان الهاتش باك اثبت من السيدان عشان ملهاش شنطة معرفش بقة النقطة دي صح ولا لا وانصحك تحجزها من التوكيل وتريح نفسك عشان لو حصل ف الامور امور يكونوا ملتزمين امامك ف اى تاخير
وكمان كتير قوي ع عربية كوري ب 140 الف ج التوكيل مزود الاسعار قوي وهو الكسبان والمصريين بيحبوا الاوبشنات الكتير زى الموبيلات الصيني فيزود براحته مادام زبونها موجود

**Mohab.Nabil** · 08-12-2012 07:25 PM

من ناحية فرق بين الالنترا و الاسترا فرق كبير ما بينهم و انزل شوف العربيتين و اقعد فيهم هتحس بالفرق بنفسك

الهاتشباك اظن بـ حوالى 170 الف مش 155

السيدان هى اللى بـ 156 اول فئة

**ashourashour** · 08-12-2012 07:25 PM

فرق السما من العما

**S O P H O S** · 08-12-2012 07:29 PM

المقارنة بتشرح نفسها
اوبل مختلفة من اساس الانتاج مش الشكل النهائي فقط ..

**hemazz** · 08-12-2012 08:04 PM

ممممممممممم تمام
الف شكر يا رجاله على الاهتمام
وياريت لو حد يتاكدلنا من موضوع ان الهاتشباك اغلى من السيدان

**Ahmed_Adham** · 08-12-2012 08:17 PM

دي أسعار الهاتش

**hemazz** · 08-12-2012 08:23 PM

شكرا ي اريس على الاهتمام
بس المشكله ان في الموقع حاطين سعر واحد بس ومش موضحين ده للسيدان ولا الهاتش :)
وحاطين صور صور للهاتش

**Ahmed_Adham** · 08-12-2012 08:26 PM

المشاركة الأصلية كتبت بواسطة hemazz

شكرا ي اريس على الاهتمام
بس المشكله ان في الموقع حاطين سعر واحد بس ومش موضحين ده للسيدان ولا الهاتش :)
وحاطين صور صور للهاتش

السيدان مش هتلاقيها كتير على النت عشان لسه جديده بس دي أسعارها وهيه زي الهاتش تقريبا ماعدا التربو السيدان زايده الفين عن الهاتش.

**dede_dodo88** · 08-12-2012 08:52 PM

المشاركة الأصلية كتبت بواسطة Ahmed_Adham

دي أسعار الهاتش

الأسعار دي بتاعة فئات السيدان التلاتة..

أخر سعر للهاتشباك كان 170k على ما أتذكر أيام ما كان منصور عامل عليها عرض معرفش السعر دلوقتي زي ماهو ولا راح فين!!..
و هو عادةً الهاتشباك بيكون سعرها أعلى من السيدان + الهاتشباك أقل فئة فيها هي الكوزمو مفيهاش أنجوي..