جوله في سيارات الطبقه الكادحه - جميع السيارات اقل من 80 الف - الجزء الاول

**MMamdouh** · 28-09-2008 03:32 PM

المشاركة الأصلية كتبت بواسطة AHMEDCAR

و ايضا بالنسبه للفرش لكن معلوماتى كانت بتقول ان الانوس اولى كانت مستورده كليا بمعنى اخر ان الفرش كان مستورد ايضا و الله اعلم

و ياريت تتقبل كلامى

انا يمكن اقدم واحد معايا لانوس هنا (والدى جاب العربية ايام ما كان الواحد باخدلة اسبوع عشان يشوف عربية لانوس ماشية على الطريق) و كان الفرش بتاعها مصرى... مش فاكر تاكى ولا موبيكا و الشكمان ابو اليزيد و الزجاج د\ جريش

و مفيش حكاية ان اول دفعة كانت كورى و كدة لان كل اللانوس تجميع مصرى فيما عدا العربيات اللى جت بنظام المعوقين او الكام عربية اللى كانوا واقفين فى معارض ابو غالى اول ما اتفتح باب الحجز للعربية

MMamdouh

**mohamed ibiza** · 28-09-2008 05:53 PM

المشاركة الأصلية كتبت بواسطة Nile_Storm

مصري كوري بتناجاني حتي يا استاذ ممدوح
مفيش مقارنه بين اللانوس زمان و اللي بتسمي لانوس الان
انزل و شوف حضرتك

نـــــــــــــــــــداء للكل "مش للاستاذ ممدوح منعا لسوء الفهم "

ياريت يا جدعان حب العربيه و التعصب ليها ميعميش اعيننا عن الحقيقه

و عامه هو تقرير و اتحط و يحمل راي اعضائه
لاقي قبول اهلا وسهلا
لم يلق القبول اهلا و سهلا برضه
منقعدش كل شويه نعيد نفس المشاركه الي كتبناها

و نصيحه لاي متحامل عليه و مش عاجبه وجهه نظرنا
خلي الرد عملي "موضوعات تبين وجهه النظر" افضل مش مجرد شجب و اعتراض

لولا اختلاف الاذواق لبارت السلع

جبت الخلاصة اللي معترض ينزل يقيم و يعمل موضوع و مش رأي واحد هو اللي هيأثر في موضوعنا او يضيع مجهودنا الاغلبية الساحقة عجبهم الموضوع و الحمد لله ربنا
وفقنا و الناس راضية عن الموضوع و هو ده المهم غير كده اللي عنده اي اعتراض ينزل يقيم و يطلعنا غلطانين ساعتها يبقي في كلام

**mero5005** · 29-09-2008 02:24 AM

يا جماعه انا هقول كلمه حق وخلااااص انا كنت واقف قدام اللانوس عينى عينك وكنت تانى يوم هنزل اجيبها بس الحمد لله اتعطلت اليوم ده وبالصدفه وانا فى درس كنت بدردش مع واحد صاحبى قالى انو اشتراها 2007 فول وباعها بعدها بشهرين ولما سألته قالى الجديد بتاعها زباله نتش فتيس وعطلت منه 3 مرات ومع التكييف بطه بلدى فباعها على الرغم ان ليا 2 اصحابى تانيين كانت عندهم مو 2001 والله بيقولو فيها شعر فمن الواضح ان الموديلات الجديده منها وحشه بس دى كل المشكله

**Noha.M** · 29-09-2008 04:18 PM

المشاركة الأصلية كتبت بواسطة mero5005

يا جماعه انا هقول كلمه حق وخلااااص انا كنت واقف قدام اللانوس عينى عينك وكنت تانى يوم هنزل اجيبها بس الحمد لله اتعطلت اليوم ده وبالصدفه وانا فى درس كنت بدردش مع واحد صاحبى قالى انو اشتراها 2007 فول وباعها بعدها بشهرين ولما سألته قالى الجديد بتاعها زباله نتش فتيس وعطلت منه 3 مرات ومع التكييف بطه بلدى فباعها على الرغم ان ليا 2 اصحابى تانيين كانت عندهم مو 2001 والله بيقولو فيها شعر فمن الواضح ان الموديلات الجديده منها وحشه بس دى كل المشكله

لا اله الا الله :(

حاجة تضايق فعلا

بس دة يأكد الكلام ان اللانوس فعلا مستواها نزل و الكلام دة ميزعلش فى حاجة و يشكرو اصحاب الموضوع على الصراحة و توضيح الموضوع للناس عشان ميقعوش فى نفس المطب و يندمو بعد كدة

**M_HaFeZ** · 05-10-2008 03:33 PM

محمد ابيزا
بالله عليك تهدى شويه ... انا متعودتش اشوفك تتنرفز كده
الراجل كل مافى الموضوع انه بيتكلم على النسخه القديمه اللى احسن من الحاليه وممكن مش عاجبه شويه حاجات مختلفه عن اللى معاه فى موديل 2000

**Ahmad Allawy** · 05-10-2008 03:54 PM

لأ هي النقطة مش كده..
هو كان معترض علي التقييم لللانوس عموما..
بس كان نقطة الخرف انه بيعمم.. و مشافش بعينه البلاوي اللي احنا شوفناها ف اللانوس اخر دفعه دي..
احنا مكناش فاهمين هل بيخلصوا بقي منها.. باي كلام و خلاص ولا ايه.. مع انها كانت في فترة معينه افضل العربيات اللي ف الفئة السعرية دي.. و كانت افضل من الاكسنت و الفيرنا كمان..
لكن.. سبحان الذي يغير ولا يتغير..

**TheEagle** · 14-10-2008 12:36 AM

دى أول مشاركة ليه فى المنتدى

و عايز أقول ان الموضوع ده من أحلى المواضيع اللى قريتها

ربنا يكرمكم و يبارك فيكم على المجهود الرائع ده

انا بس كان نفسى اشوف ال renault clio معاكو فى التقييم

لانى بحب العربية دى و مش عارف ليه خايف اجبها

**mohamed ibiza** · 14-10-2008 01:00 AM

المشاركة الأصلية كتبت بواسطة M_HaFeZ

محمد ابيزا
بالله عليك تهدى شويه ... انا متعودتش اشوفك تتنرفز كده
الراجل كل مافى الموضوع انه بيتكلم على النسخه القديمه اللى احسن من الحاليه وممكن مش عاجبه شويه حاجات مختلفه عن اللى معاه فى موديل 2000

ماهو حاجة تنرفز يا حافظ لما واحد يخش يقول كلام ملوش اساس من الصحة و عمال يقولنا انتوا غلطانين و بيعمم و بيتكلم بطريقة لا تليق بالمنتدي حتي و كمان بيعترض علي قرار التثبيت و بيعترض علينا و علي طريقتنا و مش بلطف لا بالطريقة اللي انت شفتها دي ما ييجي يقتلنا احسن كلام مرسل بدون اثباتات ولا براهين ولا اي حاجة كله شوربه كده انا اسف للعصبية بس كل ما بفتكر بتعصب

**CryptonX** · 14-10-2008 01:26 AM

المشاركة الأصلية كتبت بواسطة Dr_lanos

300 الف سيارة لانوس فى السوق منذ 10 سنين و اثبتت كفائتها و احسن من سيارات كثيرة فى التقيم الذى قاموا به و مع ذلك قالوا انها اسوأ سيارة سيدان فى التقيم طيب يا سيدى ليه قالوا كدة شوف بقى الاسباب العجيبة و الغريبة و التى لا ترقى الى اى مستوى فى تقيم السيارات بشكل احترافى سليم و هتلاقيها بعيدة جدا عن اللى انت بتقوله ال اية علشان باب الشنطة بعيد شوية عن الكشاف و ال اية حوض الموتور واسع و ال اية زهقنا خلاص ال اية الموتور متقفل تحت بير السلم ال اية الفرش هيبوظ من الشمس طب المعلومة دى بالذات عرفوها ازاى هو فى حد منهم بيعرف الغيب مع العلم ان الفرش بتاع اللانوس بالذات بيتصنع فى مصر من اول عربية تم انتاجها حتى الان و لا يستورد و مافيش مشاكل حصلتله و معايا من سنة 2000و زى ما انت شايف باقى الاسباب واهية جدا و غير مقنعة يعنى من الاخر اسباب مضحكة و لا ترقى الى اسباب منطقية او جوهرية تجلعهم يموتوا العربية بهذا الشكل الغريب و من غير زعل دة مش تقيم ناس محترفين ابدا و كان لابد من مراجعته جيدا قبل تثبيته منعا لاخذ الناس به و تصديقه لان الاخطاء بشعة و كثيرة جدا به و فى باقى الموديلات الاخرى كمان مش اللانوس بس و لو اى شخص عادى اخذ بهذا التقيم فى شرائه سيارة جديدة هينضر اشد الضرر و حرام بجد اللى بيحصل دة حاسبوا انفسكم قبل ان تحاسبوا و تقبلوا النقد بصدر رحب لصالحكم

خلاص يا طبيب لانوس !

روح قسم الشكاوي او الاقترحات و اقترح او اشتكي ان موضوعنا " مش محترف و به اخطاء بشعة "
و معلش اعذرنا شوية شباب بيبصه لل 70 الف جنيه الي حيتفدفعه في عربية " بتفاهة " و " اسباب واهية" .

و اسفين ان احنا ازعجنا واحد من ملاك ال 300 الف لانوس في مصر و ربينا يباركلكوا فيها يا رب و يحفهالكوا .

بس ده موضوع بتاعنا احنا
و من رأينا الخاص
و من مجهودنا ايضا

مش دستور و لا كتاب سماوي يؤخذ بيه ! حرية راي من الاخر يعني .
حضرتك اعجبت بالموضوع اهلا و سهلا
لم تعجب و لم تتفق عليه برده اهلا وسهلا بيك .

ولكن الى الان لم ارى منك اي اسباب او دلائل او حقائق تنفي او حتى تتفق مع اي حاجة احنا قلناها .

مش شايف غير اهانات غير مباشرة و مباشرة ..

معرفش ده اسلوبك عامة و لا علشان زعلان ان الانوس ليست احسن عربية في هذه الفئة ..

بس علي العموم انا حتغاضى عن كل ده و اقولك برده..

يااما تعمل شكوى او تقترح علي الادارة " في المكان المناسب " .

ياما تعمل موضوع تقييم في الانوس الحالية و ده يكون عملي و جميل فعلا لا اوني اشك ان حضرتك حتعمله .

ياما تبطل تريقة و اهانة لناس معملتلكش اي حاجة غير انها محاططش سيارتك علي القمة في هذه الفئة .. و بما ان الموضوع مش احترفي و معمول من قبل ناس لاهية تفتقر للمنطق و الاسباب الحقيقية ..

ايه الي مضايقك اوي كدة ؟؟

ربنا يهدي خلقه .

الموضوع مش شهرة و خلاص ..

شكرا ليك للمرة التانية .

الموضوع: جوله في سيارات الطبقه الكادحه - جميع السيارات اقل من 80 الف - الجزء الاول

LinkBack

أدوات الموضوع

عرض

-

-

-

-

المواضيع المتشابهه

سيارات مشاهير الكرة فى العالم. الجزء الاول

بروشور جميع موديلات كيا الحالية في السوق المصري (الجزء الاول )

أسعار جميع السيارات في مصر هدية بمناسبة رمضان ( الجزء الثاني)

اسعار جمبع السيارات في مصر هدية بمناسبة رمضان (الجزء الاول )

جوله فى سوق سيارات مدينة نصر

الكلمات الدلالية لهذا الموضوع

المفضلات

المفضلات

ضوابط المشاركة