جوله في سيارات الطبقه الكادحه - جميع السيارات اقل من 80 الف - الجزء الاول

**sa3dawy** · 15-10-2008 03:07 PM

المشاركة الأصلية كتبت بواسطة CryptonX

اكيد لآ يا باشا :)

انا بخاطب المجهول ....

هههه فهمت ... بس متخليش اى حد من اعداء النجاح (حلوة اعداء النجاح دى:D) يخليك توقف النجاح ابدا .. الى عاجبة الف خير وبركة والى مش عاجبة انت مالك

**CryptonX** · 15-10-2008 03:26 PM

المشاركة الأصلية كتبت بواسطة sa3dawy

هههه فهمت ... بس متخليش اى حد من اعداء النجاح (حلوة اعداء النجاح دى:D) يخليك توقف النجاح ابدا .. الى عاجبة الف خير وبركة والى مش عاجبة انت مالك

المشكلة يا عزيزي الدوق ( حلوة الدوق دي ) مش اعداء نجاح ولا حاجة ..
المشكلة انه ناس فاضية قاعدة مبتعملش حاجة بتعلق و خلاص ..
وناس تانية " لاهية " هي الي بتعمل كل حاجة ...

الموضوع التاني خلصان من زمان بس في مشكلة في التنسيق و كملنا بعض السيارات من الموضوع ده .

و نزلنا بعديه كمان مرة .

ودي لستة على اد ذاكرتي للسيارات الي قميناها بنظرتنا الغير احترافية و اسبابنا الواهية :

- بروتون جين 2
- بروتون واجا Campro
- جريت وال بيري
- فيات باليو 1.5
- هوندا سيتي
- كيا سيراتو
- نيسان صني
-كيا ريو
- اسبرانزا A620
- سيات ابيزا
- شيفورليه اوبترا
- ميتسوبشي لانسر ( الشكل القديم )

و في حاجات تانية انا مش فاكرها كمان...

**CryptonX** · 15-10-2008 03:57 PM

المشاركة الأصلية كتبت بواسطة tutankhamoun

أولا
و للمرة الثالثة في هذا الموضوع
بأشكركم يا جماعة على وقتكم الثمين و رأيكم الجميل و الذي له كل احترام منا جميعا
و بأشكركم أيضا على الموضوع و فكرته الجميلة
و ربنا يوفقكم في الجزء الثاني إن شاء الله تعالى

و شكرا يا كريم على متابعتك

اسف جدا نسيت اشكر حضرتك علي مداخلتك اللطيفة السابقة :)

و العفو يا استاذ توت .. و انا و احمد انور ماكنا اعدين في توكيل عز العرب في المهندسين ( قبل مانطلع غلي المعادي ) اول حاجة فكرنا فيها هي
" فين جميلة الجميلات ! لازم نشوفها "

و بصراحة كانت اول مرة ليا اشوفها عن قرب و اقعد فيها و العب براحتي :) مسقتهاش طبعا .

بس عامة السيارة عجبتني جدا من التجربة البسيطة و فعلا بتحقق مبدا " Value For Money " و لاحظت حاجة زيها زي الانسر .. فلتر الهواء متوصل لوش الكبوت علشان ياخد Cold Air Intake . و فكرة حلوة فعلا . بس معرفش في المعرض ده و لا هي كدة .. حسيت الاشياء داخل الكبوت ( كل المعادن و الكاوتش ) بيلمعوا كانهم متزيتين او متنضفين بجاز او حاجة .

بس ماشاء الله الله يحفظهالك يا استاذ توت سيارة جميلة فعلا .

الواجا الCampro عجبتني بصراحة برده جدا رغم قدم تصميم التابلوه شوية الا انه متعوض عنه بشكل رياضي و مساحة واسسسسسسسسعة جدا و محرك جديد جيد و سعر منافس جدا .

و ان شاء الله تشوفوا الموضوع كامل قريبا .
:)

**شريف** · 15-10-2008 04:02 PM

مستنيين على احر من الجمر :k16::k23::k23:

**sa3dawy** · 16-10-2008 04:25 AM

ياريت بسرعة ... بس للاف الياريس مش موجودة بس عادى

**Noha.M** · 16-10-2008 04:35 AM

المشاركة الأصلية كتبت بواسطة tutankhamoun

السلام عليكم و رحمة الله و بركاته
أحب أقول حاجة
أنا أول مرة أشوف التجاوزات اللي حصلت دي في الموضوع

أحب أقول و أكرر شكري لأصحاب الموضوع فرد فرد لتخصيصهم يوم كامل من وقتهم الثمين لعمل الموضوع و محاولة بذل قصارى جهدهم فيه
و لا يجوز مننا جميعا إلا أن نشكرهم بالفعل

و إن كان هناك أي أخطاء فنية أو اختلاف في الرأي
فيجب أن يتم التنويه عنها بطريقة أخرى

و أحب كأخ للجميع أن أدعوا الأخ الدكتور لانوس إلى مراجعة ما قاله في اول مداخلة فيها هجوم على الأخوة الكرام أصحاب الموضوع ( كريبتون و حازم خضر و محمد ابيزا و احمد علاوي و نايل ستورم و أحمد أنور )

من الممكن فعلا الأختلاف في وجهات النظر و كل منكم له الحق في الأحتفاظ بوجهة نظره و إظهارها و لكن بدون التجريح في الآخرين

و أنا عارف اني ممكن أسمع كلمة زي
و أنت مالك ......... و أنت ملكش دخل في الموضوع

بس بصراحة حسيت أن الناس تعبت و فيه بعض الأراء ليست مقدرة لجهودهم حتى لو هناك أختلاف لوجهات النظر

و في الأخر أحنا كلنا أخوات و لا يصح أن نخسر بعض من أجل رأي في سيارة مصنوعة من الحديد و يا ليتها صناعة و تصميم و ابداع مصري

و أرجوا أن لا يحدث أي مشاحنات أو مزاولات خاصة بهذا الموضوع تقود إلى علاقات سيئة

و في النهاية بشكر الأخوة مرة أخرى على هذا الموضوع و بارك الله لكم
و ننتظر منكم الجزء الثاني
عايزين نسمع رأيكم في الجين 2 :D :D :k41:

و بشكر الأخ دكتور لانوس لإستماعه لرسالتي

و بارك الله فيكم جميعا

ربنا يباركلك والله يا توت

واحد بجد يتحط على الجرح يطيب