مكان فلتر التكييف

**dr.hazem** · 10-12-2012 06:26 PM

المشاركة الأصلية كتبت بواسطة the_air_devil

سألت في الحكاية دي وكان الرد ان معظم الأجواء زي مسقط اللي كنت فيها مش محتاجة فلاتر للتكييف علشان مافيش تراب ولا دخان يستاهل تركبله تكييف, فبيوفروا في التكلفة ويدفعوك تمنه يوم ماتيجي تركبه , زي بالظبط ماتجيب موبايل جديد جالاكسي إس3 وتلاقيه من غير جراب ولا حماية للشاشة, رغم انك دافع دم قلبك فيه , لكنها التجارة !!

أما المشكلة اللي في مصر فهي أكبر لأن الناس بتفتي وتقوللك عن حاجات مش موجودة , أغلب الناس ماشيين في الشارع وفاكرين ان العربية فلتر تكييفها راكب !!!

نيجي للخلاصة , بيقوللي فك المكان ونضفه بالهوا وانت ماتحتاجش فلتر للتكييف ووفر فلوسك ... ارد عليه اقول له إيه ؟؟ أصله ماعداش على مصر !!!!

هههههههههههه
طيب مسقط مفهاش تراب مصر مفهاش؟
ههههههههههههههههه
وبعدين فعليا تجنب المشكلة افضل من حلها...
وتجنب ان التلاجه الداخلية تتردم وتتسد افضل من علاجها...
وحتى لو التجارة كده بس برضو الواحد مش بيشتري كيلو طماطم دي عربية وهتفرق التكلفه معاهم كام ميزودوها.... عالاقل الموبايل بييجي جوريللا جلاص وهما هدفهم التباهي بقد ايه الجهاز رفيع ومتين وشاشته مبتتخدشش ده بالنسبة لسامسونج.. في المقابل.. كبرياء سوني مبيسمحش بالكلام ده... انا جهازي السوني عليه سكرين بروتكتور من المصنع...
وتمنه كان تلتين الاس 2...
ههههههههههههههههههه
مهي تجارة بس ستاندرز...
شوف المواصفات القياسية في فورد هتعرف ان مش معنى التجارة ان ينزلو حاجة ناقصة لمجرد التوفير او تحصيل المبالغ لاحقا...
تحياتي

Sent from my SE Arc S using Forum Runner

**the_air_devil** · 11-12-2012 09:59 AM

وجدتها !!!

الحمدلله بعد ماقعدت ادور وابص يمين وشمال وافك البلاستك العجيب بتاع التابلوه ... طلع الحل أسهل من كدة بكتير

لقيت المكان على اليمين ... "تحت" التابلوه من الجنب اليمين, مش محتاج تفك ولا مسمار.... المكان مزنوق جداً وضيق للغاية فلازم تاخد بالك ... اضطريت ادخل الموبايل واصور المكان فيديو علشان اعرف راسي من رجلي , وبالمرة قلت احط الفيديو علشان ينفع الجميع

الغلاف لونه أبيض وهو تقريباً الجزء الوحيد اللي لونه أبيض جوة العربية كلها, بتسحبه من تحت وبعد كدة تشيله , الفلتر للأسف اللي جبته كان حجمه أكبر واضطريت اعمل شوية تعديلات , بالفعل المفروض يركب عليه فلتر الـ N16 عادي جدا , أو أي فلتر تاني بشرط يكون طوله 15 سنتيمتر وعرضه لا يزيد عن 2 سنتيمتر (التخانة يعني)

وعايز اقول على حاجة من واقع اني لمست الخامة وشفتها , انت ممكن تجيب أي مادة موصلة للهواء ومفلترة ليه في نفس الوقت , لو حتى مناديل خدمة شاقة من اللي مجهزة للامتصاص أو اسفنجية.... هو مايستاهلش أكتر من 10 جنيه !!!!!

أسيبكم مع الفيديو وماعلش لو كان مهزوز , انا كنت بادخل الموبايل علشان اشوف المكان أصلاً

Location of Cabin Filter - Nissan Sunny '13 (Versa) - YouTube

سلام عليكم