مكان فلتر التكييف

**the_air_devil** · 09-12-2012 08:41 AM

بسم الله الرحمن الرحيم

سلام عليكم جميعاً ياشباب والحمدلله ربنا رجعني من السفر بخير , ويارب تكون جميع أحوالكم تمام ومايكونش حد بيواجه مشاكل فظيعة في عربيته ويكون كل من بيشتكي من مشكلة فيها لقى حل لشكواه

فيه كام نقطة أحب اوضحهم:

1- مشكلة نقص قطع الغيار ماطلعتش في مصر لأ دي طلعت في معظم دول العالم زي ماشفت برة

2- ماكنتش أتصور ولا أتخيل ان تجهيزات التابلوه الداخلية بهذا الفقر المدقع , زعلت جداً لما شفت التابلوه عامل ازاي من جوة , بالمناسبة هو حتة واحدة علشان توصل لأي حاجة وراه انت محتاج تفكه بالكامل !!!

3- السؤال هنا: حاولت اوصل لمكان فلتر التكييف كما في الموديلات السابقة والمفروض انه بيكون ورا علبة التابلوه اللي قدام الراكب اليمين , ماطلعش فيه حاجة لأن التابلوه كله تقريباً حتة واحدة !

وأرجو من الجميع اللي يقدروا يساعدوني يعرفوني فين مكان الفلتر في العربية الجديدة ... وجايب رسم للتابلوه من الداخل أرجو ان اللوجو بتاع الموقع مايقطعهوش....وآخر صورة دي للجزء اللي مغطي الفيتيس واسمه الكونسول .... ده علشان هو قافل على حتة في التابلوه ومايتفكش من غيره !

**limo81** · 09-12-2012 11:08 AM

بالمناسبة هو حتة واحدة علشان توصل لأي حاجة وراه انت محتاج تفكه بالكامل !!!

أظن أغلب السارات الان مصممه بهذه الطريقه

**canner** · 09-12-2012 02:58 PM

بص يا باشا انا فضلت ادور على النت و نزلت تحت ابص على العربية لقيت فعلا الدرج مش بيتفك

بس لقيت الصور دى و نزلت فعلا لقيت المكان ده موجود فعلا و هو على يمين دواسة البنزين بس خفت افكه لأبوظ حاجة شوف و قوللى على النتيجة

تحياتى

**kfarouk** · 09-12-2012 03:18 PM

متابع باهتمام

**kfarouk** · 09-12-2012 03:26 PM

متابع باهتمام

**limo81** · 09-12-2012 04:38 PM

طيب فيه حد دور في كتيب الاستخدام حول فلتر التكييف
User's manual

**the_air_devil** · 09-12-2012 05:25 PM

المشاركة الأصلية كتبت بواسطة canner

بص يا باشا انا فضلت ادور على النت و نزلت تحت ابص على العربية لقيت فعلا الدرج مش بيتفك

بس لقيت الصور دى و نزلت فعلا لقيت المكان ده موجود فعلا و هو على يمين دواسة البنزين بس خفت افكه لأبوظ حاجة شوف و قوللى على النتيجة

تحياتى

تسلم وتعيش ياجميل بس ياريت تقوللي انت جبت الصور دي منين

وانا معايا المفك والعدة انزل ان شاء الله بعد الشغل اشوف واقوللكم النتيجة

ومتشكر جداً على مساعدتك وتعبك معايا

**the_air_devil** · 09-12-2012 05:26 PM

المشاركة الأصلية كتبت بواسطة limo81

طيب فيه حد دور في كتيب الاستخدام حول فلتر التكييف
User's manual

مافيش أي حاجة عن الفلتر بتاع التكييف مذكورة فيه لا في العربي ولا الانجليزي ولا النسخة الأمريكي لنيسان فيرسا في أمريكا

**Hulk 1** · 09-12-2012 05:37 PM

متابع وياريت الي يعرف حاجه يفيدنا

**canner** · 09-12-2012 05:41 PM

المشاركة الأصلية كتبت بواسطة the_air_devil

تسلم وتعيش ياجميل بس ياريت تقوللي انت جبت الصور دي منين

وانا معايا المفك والعدة انزل ان شاء الله بعد الشغل اشوف واقوللكم النتيجة

ومتشكر جداً على مساعدتك وتعبك معايا

العفو يا ريس على ايه يعنى

الصور دى بتاعة النيسان سينترا مش بتاعه الصنى بس انا دورت فى كل الموديلات و قارنتهم بالعربية عندى و حبيت قبل ما افك او اجرب امشى فى الطريق السالك الاول

و ادى الموقع اللى جبت منه الصور

2007-2010 Nissan Sentra In Cabin Micro Filter Replacement Procedure | Nissanhelp.com

تحياتى