مساعدة فى قطع غيار ماروتى بالاسكندرية

**mahmoud_adel50** · 09-12-2012 03:07 PM

السلام عليكم
انا من اسكندرية اشتريت ماروتى 2007 ومش عارف متغير سير الكتينة بتعها ولى لا والدينمو كنت عايز اعرف مين فى اسكندرية عنده قطع غيار اصلية عشان انا مش عايز اركب سير الكتينة مش اصلى لان اضراره كتير ولو فى حد ينصحنى بنوع معين يبقى جزاه الله خير
وكنت عايز اعرف عندى زى صوت احتكام مش بيظهر غير وانا طالع بالعربية عند منتصف الدبرياج ده ممكن يكون من ايه معلش انا طولت عليكم ولكن اتمنى منكم الرد والعربية عملة 50000 كيلو وفى حاجة تنية ممكن تتعمل فى العربية عشان احافظ عليها
وشكراً

**Karim Ibiza** · 09-12-2012 03:49 PM

متابع

**eltorbeny** · 10-12-2012 01:55 PM

انت عاوز قطع غيار ايه
السيور والفلاتر عذبة سعد

بالنسبة لبقيت الحاجات
فيه واحد اسمه الدكتور في شارع سيف سيدي بشر قبلي تقاطع شارع 30

**mahmoud_adel50** · 10-12-2012 02:34 PM

شكرا على الرد طيب فى حد كويس فى العجمى واجيب سير كاتينة نوعة ايه

**mahmoud_adel50** · 30-12-2012 12:58 PM

السلام عليكم
انا روحت لكذا واحد بتاع قطع غيار بس مش تخصص ماروتى لقيت عند واحد سير تقسيمة كورى بيعمل 60 جنيه
ولقيت عند وحد تانى يابانى 35-40 جنيه اركب انهى ولى فى نوع افضل ارجو الرد ما اعضاء المنتدى الكرام

**dr.hazem** · 30-12-2012 10:05 PM

شوف الموضوع ده
http://www.nilemotors.net/Nile/264735-a.html

تحياتي

Sent from my SE Arc S using Forum Runner

**dr.hazem** · 31-12-2012 03:53 PM

المشاركة الأصلية كتبت بواسطة mahmoud_adel50

الف شكر على الرد يا د / حازم
كان نفسى ترد على للاستفادة من خبرات حضرتك انت اكيد معاك دكتوراه فى الماروتى
الموضوع الى حضرتك حاطط اللنك بتاعه موجود فيه 3 انواع
سير كاتينة صن ياباني بـ 85ج
سير كاتينة اس جي بي ب 35ج
سير كاتينه كونتننتال مكسيكي للماروتي بـ 60 ج

انا ملقتشى عند الناس القريبين منى غير النوعين الى هما
واحد يابانى اسمه ماستوبيشى وده لقيته من 35- 40 جنيه
وواحد تانى كورى بس مشفتش اسمه ايه 60 جنيه

لو الانواع الى انت قلت عليها ده كويسه ممكن ترشحلى واحد منهم وانا ادور عليه ويا ريت لو فى صورة للعلبة بتعته عشان اعرف اذا كان اصلى ولى مضروب واغيره كل كام كيلو عشان انا مش بقلق من اى حاجة فى العربية غير سير التقسيمة
معلش انا طولت عليكم لكن طمعان فى كرمكم
فى صوت عندى وانا ببتدى اتحرك بالعربية وانا برفع رجلى من الدبرياج زى صوت احتكاك لو عندك فكرة ممكن اعرف ده من ايه
وشكرا مقدما

بص عشان افيدك فعليا
انا ركبت الاس جي بي وكده كده هغيره كل 20 ألف لانه كله ب 35 جنيه فمش مستاهله ...
انت دور عالاس جي بي وده بييجي في كرتونه بيضا مربعه مكتوب من بره اس جي بي بالاحمر
وجواه كيس رصاصي زي بتوع المذر بوردات متبرشم عالسير...

يا اما دور عالصن الياباني
او الكونتينينتال المكسيكي

اوعى تحط نوع غير معروف ولا ماركه غريبه متجربش في نفسك...
وكمان لو هتجيب اي نوع شيك عالسير من بره سنة الصنع ومتجبش حاجه قديمه لانه بيبقى متخزن وممكن يتشقق بسرعه....

تحياتي