هل فيكترا بي قطع غيارها غاليه وملهاش مكانيكية كتير ومصاريفها كتير!؟

**kh200588** · 02-09-2015 06:58 PM

السلام عليكم

ازيكم يا احلي اعضاء
كانت ناوي اشتري فيكتر بي مانيوال بس اكتر حد من ملاكها قالي الكلام دا عنها
- غيارها غاليه
- ملهاش مكانيكية كتير
- مصاريفها كتير

هل الكلام دا صحيح؟

**harphosh** · 06-09-2015 12:03 PM

* العربية قطع غيارها متداولة جدا وبالذات فى الاستيراد وبأسعار أق من اليابانى وبعض القطع أقل من الكورى
أما فى الجديد فالسعر تقريباً سعر اليابانى وأقل بنسبة
* بالنسبة للصنايعية فيوجد بصقر قريش والحرفيين ومدينة نصر عدد لا يستهان به من متخصصى الأوبل بس أسعارهم أكثر من الصنايعية فى الماركات الأخرى مش بكتير .
* مصاريفها زى أى سيارة فى الدنيا ولا تختلف
علماً بأنك راكب سيارة مش زى أى سيارة بل أفضل وأقوى بمراحل
المهم فى كل ده تكون حالتها وانت جايبها حالة جيدة علشان ما تتعقدش من الصيانة فى البداية وده حال كافة الأنواع .

**A7medelfe2y** · 07-09-2015 02:00 AM

انا كنت احد ملاكها لمده 3 سنين
وانا من طنطا وكنت بعمل الشغل عند حسام اوبل ومصنعيته غاليه جدا جدا وهو اكتر واحد بيفهم في الاوبل في طنطا ومبيشتغلش غير فيها
وفعلا قطع غيارها غاليه بالمقارنه بالكوري
هي عربيه صخره علي الطريق وتحسسك بالامان
بس بصراحه انا مشمتش نفسي غير اما بعتها وركبت افيو

**hany_fekry** · 08-09-2015 09:52 PM

ممكن تكون العربية اللي كانت معاك حالتها مكنتش حلوه
العربية دى لو حالتها حلوه عمرك ما هتفكر فى بيعها والاوبل عموما عمرك ما تقارنها بعربة افيو اطلاقا
انا من ملاك العربية من زمان كان معايا فيكترا 98 وجبت بعديها فيكترا 2002 ومعانا فيكترا سى