سؤال فى تخزين البنزين

**beshomilan** · 09-12-2012 08:15 PM

هو انا لو عندى جركن ومليته بنزين ازاى اقفل عليه كويس عشان مجيش بعد مده والاقى البنزين تطاير والجركن فضى؟؟

اصلى حاطط جركن 4 لتر فيه بنزين فى شنطة العربيه للطوارىء فكل كام شهر اجى الاقى نصه فضى وطار واملاه تانى وهكذا مع انى قافل الغطا اوى وكمان بحط كيس وفوقه الغطا وبقفل جامد بس برضه بيطير

مش عارف ازاى اقفل فتحة الجركن كويس جدا بحيث انى حتى لو سبته سنه ميتطايرش

**Elawany13** · 09-12-2012 08:50 PM

البنزين لازم بيتطاير مهما عملت من الجركن البلاستيك
بيتسرب من البلاستيك مع مرور الزمن
بعض العربيات الجيب فى السعودية ساعات كنت بشوف معاها جراكن حديد
ياترى الحديد اخباره ايه مع البنزين

وعلى فكرة غلط قوى اللى انت بتعمله
مينفعش تسيب جركن بنزين فى الشنطة
ممكن يعمل كارثه لاقدر الله

**beshomilan** · 09-12-2012 08:57 PM

اشكر حضرتك للرد
بس ليه الغلط فوجوده؟؟رغم ان مفيش مصدر للنار جنبه وكده كده تنك البنزين تحتيه فكده او كده فيه بنزين
ممكن اعرف الضرر فين عشان لو كده اشيله؟؟

**samasuper** · 09-12-2012 09:31 PM

السلام عليكم ورحمه الله وبركاته
بالنسبه لموضوع الخطر يكمن فى تمدد البنزين نتيجه تعرضه للحراره المباشره او غير المباشره مما قد يعرض البنزين للانفجار ولذلك يوجد فى تنك البنزين خرطوم للفايظ

**SAMEH_FOUAD** · 09-12-2012 09:52 PM

اولا غلط جدا اللى انت بتعملة دة لو عايز تخزن بنزين يبقى تشترى جركن مخصوص للبنزين ودة بيكون معالج ضد ارتفاع الحرارة , والاصدامات لا قدر الله , وطبعا بيبقى غالى بيعمل من 250 جنية الى 300 جنية الجركن وبيكون حوالى 5 لتر

**Elawany13** · 09-12-2012 09:53 PM

المشاركة الأصلية كتبت بواسطة beshomilan

اشكر حضرتك للرد
بس ليه الغلط فوجوده؟؟رغم ان مفيش مصدر للنار جنبه وكده كده تنك البنزين تحتيه فكده او كده فيه بنزين
ممكن اعرف الضرر فين عشان لو كده اشيله؟؟

الشكر لله يا أخى
ممكن يحصل منه تسرب لأى سبب من الاسباب
ومعروف ان البنزين مادة خطرة سريعة الإشتعال
وكمان ليه اضرار على الإنسان فى حالة استنشاقه ولو بكميات بسيطة

واكيد فيه فرق كبير بين تاتك البنزين المعدنى أو الفايبر المعد خصيصا لإحتواء هذه المادة
وبين جركن بلاستيكى عادى

ممكن تشيل الجركن ده فى حاله ظروف السفر الطويل وخوفك من عدم توفر البنزين فى الطريق
انما متسيبهوش فى العربية على طول
وحتى تخزينه فى البيت خطر

**Elawany13** · 10-12-2012 11:19 PM

ياباشا ما انا قولتلك
البنزين بيتسرب بكميات بسيطة جدا من بلاستيك الجركن نفسه
مش من الغطاء فقط
والتسريب ده بيكون بطيئ جدا وغير ملحوظ
والدليل العوامة اللى بتكون فى التانك لو شوفتها هتلاقيها شاربه بنزين رغم عدم وجود اى فتحات فيها
وده السبب ان عداد البنزين بيكون مش دقيق فى معظم العربيات