اصوات غريبة فى الماروتى

**waelgam2005** · 10-12-2012 07:58 AM

انا عندى اصوات غريبة مش عارف ايه سببها زى مثلا لو دوست دوسة خفيفه على البنزين والعربية واقفة بحس بتخبيط فى الاكصدام اللى ورا او فى الاكصدام ويافطة النمر بيخبطو فى بعض مش عارف من ايه مع انه مربوط كويس
والحاجه التانيه ببقى مقفل الازاز كله بسمع صوت غريب فى الازاز اللى نحيتى زى تك تك تك كدا على خفيف برضه مش عارف منين من الازاز ولا من الباب نفسه والباب التانى ساعات بيعمل كدا
والحاجة التالتة ساعات وانا ماشى بحس ان فيه زلطه صغيرة دخلت فى الرفرف اللى على الشمال ورا كدا مش عارف دى فعلا زلطه وبتدخل جوا الرفرف مع المشى فى حته فيه زلط ولا فيه حاجه ناحية الدلايه بتاعة الكاوتش او الرفرف

**akmm** · 10-12-2012 10:09 AM

متابع ............

**Amr Axel** · 10-12-2012 11:04 AM

القصة تتلخص انك تربط كل المسامير كويس لان تربيط المسماير من ضمن الصيانات الدورية
و ممكن تعمل شوية تعديلات تريحك نهائي زي مثلابخصوص النمر حتي لو ربط لو فيها عوجة بسيطة هتخبط ممكن تجيب لزق دبل فيس و تحطه ورا النمر من تحت يمسكها مع المسامير فوق
الابواب ممكن تعملها عازل داخلي ع الصاج و العضم بحيث ترتاح من الصوت نهائي و الي الابد
بخصوص الصوت الاخير ممكن يكون زلط داخل في الكاوتش فتسمع صوت التكتكة دي و انت ماشي او ان الدلايات او الاكصدام بيخبط مع العجل فراجع برده ع تربيط الاكصدام كويس ليكون حد دخل فيه و عوجه شوية او الدلايات معووجة شوية جوة ظبط يعني بحيث يكون فيه فرق بين الاكصدام و الدلايات و العجل

**micromoud** · 10-12-2012 05:01 PM

بالنسبة لانك لما تدور بنزين و بيحصل كركبه بص على الشكمان وشوفه مربوط كويس ولا لا
بالنسبه للزلطه دى انا كنت بعانى من الموضوع ده لما كنت برجع مارش وناس قالولى غير البلى الخلفى لغايه مارحت لعفشجى وظبطها والحمد لله

**dr.hazem** · 10-12-2012 08:14 PM

المشاركة الأصلية كتبت بواسطة waelgam2005

انا عندى اصوات غريبة مش عارف ايه سببها زى مثلا لو دوست دوسة خفيفه على البنزين والعربية واقفة بحس بتخبيط فى الاكصدام اللى ورا او فى الاكصدام ويافطة النمر بيخبطو فى بعض مش عارف من ايه مع انه مربوط كويس
والحاجه التانيه ببقى مقفل الازاز كله بسمع صوت غريب فى الازاز اللى نحيتى زى تك تك تك كدا على خفيف برضه مش عارف منين من الازاز ولا من الباب نفسه والباب التانى ساعات بيعمل كدا
والحاجة التالتة ساعات وانا ماشى بحس ان فيه زلطه صغيرة دخلت فى الرفرف اللى على الشمال ورا كدا مش عارف دى فعلا زلطه وبتدخل جوا الرفرف مع المشى فى حته فيه زلط ولا فيه حاجه ناحية الدلايه بتاعة الكاوتش او الرفرف

صوت التخبيط ممكن من الشكمان...
الباب الصوت بيطلع من الفرش تقريبا ومش مشكلة معينه إنما الخامات كده..
اذا مشيت على رمله او طينه هتحس فعلا بالصوت بتاعها وها بتتنطر اما عالكرتيرات الامامية واما في الرفارف الخلفية...
هو صوت طبيعي وفعلا الزلط والرمله بتكون بتتنطور في الرفرف والكرتيرات وانصحك لو ده طريقك اليومي انك تركب كرتيرات للرفرف الخلفي هتشتري بتوع لادا وتروح لسمكري يظبطهم في المكان ان شاء الله...
تحياتي

Sent from my SE Arc S using Forum Runner

**Amr Axel** · 11-12-2012 12:58 AM

المشاركة الأصلية كتبت بواسطة waelgam2005

معلش ممكن توضحلى ازاى اعمل عزل للابواب دى لانى مش فاهمها
والحاجة بتاعة صوت الحاجه اللى بتكركب على الدلايات ده انا بحس ان زى ما يكون زلطه دخلت جوا الدلايه وبتلعب شوية كدا وبعد كدا تسكت فا انت ايه رايك ده مجرد زلطه دخلت فى الدلايه ومشيت ولا ممكن تكون حاجه فى الدلايات وعلى فكرة انا حاسس ان الاكصدام اللى ورا لما بهزه فى ايدى كدا بحس انه بيجى معايا يعنى مش مرتاح كويس فا فين المسامير بتاعته عشان لما اوديها لواحد ابقى عارف واقوله ربطهالى
والحاجة الاخيرة معلش انا ربطت عفشة من ساعه ما جبتها مرة واحده على الالف كيلو ودلوقتى عامله 7500 كيلو فا اربط عليها تانى امتى؟

عزل الابواب تحط عازل ع العضم و الصاج جوة الابواب زي اللباد مثلا

موضوع الصوت غالبا زلطة زي ما النسور قالوا بس ممكن تحاول تظبطها زي ما قالوا و تشوف
و ممكن تربط بنفسك مش محتاجة توديها لواحد يعني
لو حاسس ان العفشة مفككة و انت ماشي روح ربطها لو تمام استني ع 10 الاف و ربطها احتياطي