الموضوع: مجموعة اصوات غريبة من العفشة

العربية اكسنت 99 ال 1500 سى سى
بسمع صوت من الناحية الشمال من ورا زى ما يكون علبتين صفيح بيخبطو فى بعض و الصوت ده بيظهر بس لما امشى فى حتت مكسرة.
و الناحية اليمين ورا برضو فيها صوت خبط مكتوم و ده شغال طول ما العربية ماشية.
و مع مطبات الهوا بسمع صوت عالى جدا من ورا زى ما يكون العجل بيحك فى العربية او العربيه بتحك فى الارض مش عارف بالظبط و الصوت ده بيظهر بس لما اكون مركب اتنين ورا.
بصراحة انا معرفش حاجة فى العربية غير انى اسوق بس
بتاع الزوايا قالى الصوت اليمين ده بليه طبعا ما عرفش يعنى ايه و بقية الاصوات ما يعرفش من ايه و المساعدين حالتهم كويسة و نصحنى اروح لعفشجى بس انا كنت عايز رأيكم الاول عشان مايشتغلنيش
للعلم العربيه متعليه من ورا و الاربع جنوط 14


Hyundai Images Specs Engine Tires Brakes

الصوت الي من ورا معناه اما المساعدين الخلفين باظوا او السوست اللي ورا باظوا وبعدين التعلية دي ممكن تأثر علي المساعدين
الصوت الي قدام ممكن يكون بلي العجل وده بيعمل ونه وطقه