بعد طقم الشنبر احط معدني ولا تخليقي .

**abo_lamar** · 10-12-2012 04:21 PM

السلام عليكم و رحمه الله و بركاته

انا لسه عامل طقم شنبر للعربية لانوس موديل 2000 وعاملة 195000 كم , ترشحولي افضل نوع زيت ليها ايه ؟؟ معدني و لا تخليقي ؟

**blazer** · 10-12-2012 05:52 PM

لو العربيه مبقتش تاكل زيت
حط طبعا تخليقى او على الاقل نصف تخليقى

**ahmed_h_g** · 10-12-2012 11:02 PM

تخليقى هيشتغل معاك عادى طالما طقم الشمبر جديد

**abo_lamar** · 11-12-2012 05:53 AM

شكرا يا شباب على النصيحة

**SAMEH_FOUAD** · 11-12-2012 09:56 AM

لازم الاول تحط زيت معدنى وتمشى بية لمدة 1000 كيلو مثلا وانت بتلين , وبعد كدة تحط زيت نصف تخليقى مع تغير الفلتر

**SAMEH_FOUAD** · 11-12-2012 12:32 PM

المشاركة الأصلية كتبت بواسطة kar!m

طيب ايه الفكرة في كده؟ .. و ايه الفكرة من التليين و أفضل حاجه يتعمل ازاي و لمسافة أد ايه؟

و امتى يتعمل التليين .. في طقم الشنبر بس .. و لا في تغيير السبايك كمان .. و لا في تغيير الشمايز؟

الفكرة من كدة ان فى فترة التليين اجزاء العربية بتبقى لسة جديدة على بعض , يعنى نسبة الاحتكاك مابينهم عالية فعايزة زيت تقيل شوية + ان بيحصل نيتجة الاحتكاك القوى لاجزاء العربية بيكون فية رايش من المحرك , فلازم زيت ذات تكلفة قليلة عشان بتغيرة بعد فترة قليلة مابين 500 الى 1000 كيلو , ( ودة السبب ان التوكيلات فى اول الف كيلو للسيارة بيتم وضع زيت معدنى مش تخليقى لمدة الف كيلو ثم تعاود تغير الفلتر والزيت المناسب للسيارة )

فكرة التليين عشان ماينفعش تبقى لسة حاجات راكبة جديدة ونسب الخلوصات مابينها بتبقى ضيقة جدا, فبينتج عنة حرارة عالية , عشان كدة الميكانيكى بيقفل التاكيهات عشان العربية ماتسحبش , ومن كتر الاحتكاك ياهتسلخ الشمايز او وانت ونصيبك اى حاجة تحصل

افضل طرق التليين : انك تسيب العربية دايرة لمدة تصل الى 12 ساعة واقفة مابتتحركش وتريحها كل ساعة كدة ولا حاجة لمدة عشرة دقائق وتدورها تانى

2- انك ماتعديش سرعة 80 كم + تتجنب المطالع + الاحمال + الفرامل الفجاءية + القرص على الغيارات + السفر

3- يتم التليين لمدة تتراوح من 500 كم الى 1000 كيلو

4- التليين بيتعمل فى اى تغير لاجزاء المحرك الداخلية , يعنى اى جزء بيركب جديد لازم تهدى على العربية لحد مايبدأ ياخد وضعة داخل المحرك سواء بقى ( شمايز - سبايك - شنابر )