مشكلتى مع التوكيل

**yousflee** · 11-12-2012 09:33 AM

تحياتى الى جميع أعضاء منتدانا الكريم و خصوصا الى وحوش الهوندا

حصلت لى مشكلة غريبة فى عربيتى (هوندا سيفيك 2005) كاسيت العربية أصلى فابريكة المشكلة هى انى الصبح اول ما فتحت باب العربية شميت ريحة شياط او ماس كهربى خفيف الريحة
من ناحية الطابلوه حاولت اكتشف مصدرها مقدرتش الريحةمركزة من ناحية التابلوة برضة لاحظت انى لما باخد مطب على الدائرى الراديو و الساعة يفصلوا (الشاشة تطفى) و يرجع يشتغل تانى ..
قررت اخد العربية للتوكيل علشان مش اى كهربائى يقدر يراجع على ضفيرة الهوندا غير حد متخصص و برضه علشان انا معرفش مكان حسنى الكهربائى اللى قد قدمة لينا العضو العزيز أحمد ايهاب ياريت لو مافيهاش انتهاك لقوانين المنتدى يقول لنا مكانة فين ومتشكر طبعا ليه

المهم يوم السبت اللى فات أخدت العربية و رحت التوكيل الصبح بدرى وبعد كدة تابعت العربيه من الشباك الزجاجى و العربية دخلت عند الكهربائى وبعد 5 دقائق لقيتهم خرجو العربية برة تانى ودخلوا عربية تانى مكانها من غير ما حد يكشف عليها نزلت اسئل الكهربائى قال لى عربيتك
هتاخد وقت طويل انما دى هتخلص علطول خرجت و سئلت المهندس قال لى احنا بنشتغل بالدور
قولت ماشى فوت مش عايز حد يزعل استنى حتى علشان يكشف براحتة
بعد كدة العربية دخلت و بدا الكهربائى يكشف و شغل الراديو و الكاسيت و السى دى ونده المهندس و بعد كدة لقيت المهندس بيشاور لى انزل الو شة نزلت و ركبت جنبب الكهربائى و قالى هو الكاسيت بيفصل فى المطبات قولت له ايوه هنا باه وبدا يخبط بقبضة ايدة فوق التابلوة بقوة كبيرة
وقالى الخبط دة باة اقوى ولا المطب اقوى اهو الكاسيت شغال و مبيفصلش اه انا طبعا قلت ازاى تخبط كدة على التابلوه كدة دا انا قدامك و بتخبط كدة امال لو لوحدك هتعمل اية دا انت فنى كهرباء مش سمكرى ازاى تخبط على التابلوة كدة انا مش عايز اصلى خلاص خرجت و طلبت انى اخد العربية و امشى و المهندس بيقولى متخافش دة حتى لو خبط عليها بشاكوش مش هيحصل حاجة
ألمهم انا قلت انا هامشى ارجوك طلع لى العربية راح المهندس دخل للكهربائى و كلمه و طلع قالى
ان تقريبا فى مشكلة فى زرار البو بتاع الكاسيت وان التوكيل مش بيصلح الكاسيت و لكن ممكن يستورد لى كاسيت لو انا عايز اشترى كاسيت جديد حاجة تحرق الدم فعلا علشان زرار البور عطلان اغير الكاسيت دة كاسيت الفبريكة قال لى حاول تصلحه برة قلت لة ياريت تخرج العربية علشان امشى و طبعا دفعت تمن الكشف وبعد ساعة ونص خرجت العربية ومشيت و انا مصمم انى اشتكى علشان التوكيل مش بس علشان تغيير الزيت ده علشان يحل المشكلات انا هاشتكى التوكيل فى الفطيم و فى شركة هوندا فى اليابان وانا أسف جدا علشان طولت على حضراتكم وشكرا لوقتكم الثمين

**misho2008** · 11-12-2012 10:35 AM

هو فعلا التوكيل مبيصلحش كاسيت

**haythamkmal** · 11-12-2012 10:39 AM

بصراحة انا مش شايف مشكله ، فعلا التوكيل مبيصلحش الكاسيت ، حضرتك ممكن تروح تصلحه بره عن اي حد ، وعلى فكره كهرباء الهةندا مش معقدة زى مانت فاهم ، الموضوع بسيط

**yousflee** · 11-12-2012 10:47 AM

فى الحقيقة انا مكنتش عايز اصلح الكاسيت فى التوكيل انا كنت خايف من ريحة الشياط اللى كنت بشمها قبل حتى ما ادور العربية و لو كنت اعرف ان المشكلة مشكلة كاسيت مكنتش رحت التوكيل اصلا

أنا معترض على الخبط اللى قعد الكهربائى بتاع التوكيل على الطابلوه و عايز بالخبط دة يعمل كان العربية بتاخد مطب دى مش طريقة تعامل كهربائى ابدا

**akmm** · 11-12-2012 10:52 AM

فعلا بلاش تكون متضايق . وروح اكشف عليه عند ادريان ...

**john55** · 11-12-2012 01:12 PM

انا عارف ان حضرتك مش زعلان من التوكيل علشان مصلحش الكاسيت لكن من الفني اللي قعد يخبط في الطابلوه زي المرزبه كان ممكن يفهم حضرتك بطريقه الطف من كدا فمتزعلش الناس مش زي بعضها وشكرا

**yousflee** · 11-12-2012 04:16 PM

شكرا لردود حضراتكم و على النصائح المفيدة وان شا الله هصلح الكاسيت قريبا
و الحمد لله على كل شى
وربنا يبارك و يحفظ الجميع

**ahm128** · 17-12-2012 08:02 PM

انا طبعا مع الاستاذ صاحب الشكوى تماما وانا فاهم وجهة نظره وطبعا دى مسخرة ان التوكيل يكون فى فنى بيشتغل بالطريقة دى واما صاحب العربية وفنى كهرباء امال المكنيكى بيعمل وباقى الفنيين بيعملوا فيها ايه والغريبة سلبية المهندس المشرف وطبعا انا شايف انه لازم يشتكى وبعد ازاى الكاسيت متصلحش فى التوكيل مع العلم ان الكاسيت يحمل شعار هوندا على فكرة انا معايا 2008 واتعامل مع التوكيل منذ سنة 2000 بلاحظ انهيار فى مستوى اداء الوكيل مقارنة بتوكيلات نشات حديثا فى مصر مثل السبع توكيل نسيان حيث يحدد العدد الساعات المطلوبة لصيانة السيارة وفعلا تقدر تضبط ساعتك عليها وبتكون فى حدود من 2 ساعة فى صيانة العشرة العادية وتصل الى 4 ساعات فى الصيانات الكبرى اما فى هوندا انت بتروح التوكيل لتقضى يووووووووووووم معاهم