الموضوع: البدال بتاع الفلوانس و النقلات

السلام عليكم,
ازيكو يا شباب , إن شاء الله تكونو بخير

انا عندى شوية استفسارات , لما كنت بعمل صيانة للعربية الشباب بتوع الصيانة كانو بيقولو ان الفتيس بتاع الفلوانس فيه 12 Mode للسواقة ! و ده بصراحة كانت معلومة غريبة جدا و مالقتلهاش اى تفاصيل على النت. معلش هو انا اول مرة اسوق اوتوماتيك بس حاسس ان الموضوع فيه تفاصيل شوية

انا محتاج حد يشرح هو النقلات على الفتيس بتمشى ازاى بالبدال
يعنى على سبيل المثال
1- لو انتا بدأت تسوق العربية من وهى واقفة بضغطة بسيطة على البدال هتلاقى العربية بتنقل تقريبا على 2000 ار بى ام
2- لو دست لحد قبل أخر البدال بشوية (برضو من الوقوف) , هتلاقى العربية بتنقل معاك على 4000 ار بى ام (بس لشرط انك كل ما توصل ل 4000 تخف رجلك سنة صغيرة عن البدال علشان الفتيس ينقل - و هتحس اكن العربية بقت سبور!!
3- لو انتا جبت آحر البدال من الوقوف هتلاقة النقلات كلها بتحصل عن 6000 ار بى ام
4- طبعا غير ان فى تكة فى آخر البدال كدة بتسقط نقلتين حسب النقلة اللى انتا عليها دلوقتى و بتسقط نقلتين فى حالة الSteptronic ! , لو حد يعرفلها استخدام تانى يقولنا

و فى احوال تانية بحس ان صوت الفتيس عالى و مش راضى ينقل و بالضطر اشيل رجلى خالص من على البدال علشان ينقل .

يا ريت لو فى حد عنده خبرة فى موضوع نقلات الفتيس ده يقولنا خبراته مع الموضوع ا

برضو علشان موضوع التسارع , هل فى حد عنده العزم الأقصى بتاع كل نقلة فى الفتيس علشان ده بيتهيألى هيفرق مع الناس اللى بتحب تشد بالعربية علشان يعرف ينقل امتا