موقف حصلي وحاسس اني لازم اقوله

**tmz9111** · 28-09-2009 09:40 AM

الحمدلله ان ربنا نجاك

**Mohamd_Saad** · 28-09-2009 11:39 AM

نصيحة إلى كل الأصدقاء فى المنتدى - هذة النصيحة أتبعتها أول ما أتعلمت القيادة وهى فى السرعة العالية السيارة هى التى تتحكم فيك ولكن فى السرعة المعقولة حتى 90 كم أنت تتحكم فى السيارة - ولذلك أنا لا أمشىة أكثر من 90 - وربنا يحفظنا جميعا من المطبات و الميكروباسات والتكتوك والنقل بأنواعة

**Amrrr** · 28-09-2009 12:47 PM

المشاركة الأصلية كتبت بواسطة محمدايهاب

أنا اعترف إني من الناس إلي بتجري بس أنا محدش يقدر يستفزني إلى في حالة واحدة و هو إنه يكسر عليا جامد جدا
يا أبو نورا أنا قرأت الموضوع كله و عجبني بس أنا مش مقتنع بحكاية الملف دي انا بستخدم فرامل بحافظ على اتزان العربية صحيح بدوس عليه بخفة و على فترات متقطعة بس ما قدرش إني ما اسخدمهاش خالص
أنا عاوز أحكي القصة دي لسة حصله النهاردة : أنا في شارع القصر العيني و في واحد راكب أوبل كورسا عمال يكسر عليا المهم أنا مسيكته و كسرت عليه و أخرته و طلعت عين أهله فجأة شد و كسر علي جامد جدا و فتح الشباك و قال لي خذ يمين لو سمحت أنا ببص لقيت 6 أوبل كورسا و 2 جيب شوروكي بيحرسوا 2 مرسيدس s-class فهمت و أخذت يمين المهم شفت تاكسي نشف دماغه و بيخانق بتوع الأوبل راح 2 كسروا عليه و وقفوه لغاية أما المرسيدس عديت
أولا : من امتى و الحراسة أوبل كورسا
ثانيا : مين ده إلي 8 عربيات بيحرسوه
ثالثا : هو ابن .... ملقاش غير الساعة 12 علشان يزحم الطريق أكتر ما هو زحمة
رابعا : هم ولاد ......... مش ناووين يشيلوا مجلس الشعب أو حتى الشورى من وسط البلد (ذي ما نووين يعملوا في مجمع التحرير)
خامسا : يا رب خذهم أخذ عزير مقتدر

اكتر حاجة بتضايقني
تاني يوم العيد عربية الاوكتافيا الزرقاء بتاعة الشرطة ومشغل سرينة ونور عالي وفلاشر والعربية كلها منورة - فطبعاً الناس عمالة توسعله وانا كنت من ضمنهم الكلام دا في صلاح سالم وبعد مالعربيات توسع تكتشف ان الباشا عامل الرعب دا في الطريق عشان وراه اتوبيس سياحة وطبعا بيهجم بعد الدورية ماتعدي والطريق مش مستحمل اتوبيس يمشي بسرعة جامدة ولا الحارة اللي العربيات بتسيبها على اد الاتوبيس بتبقى يادوب على أد الدورية تعدي منها لان الطريق مش فاضي والعربيات بتعدي او بتوسع للدورية بالعافية واليمين طبعا بايظ بسببهم عربيات عمالة تحدف يمين وتفرمل وبعدين التوبيس يطلع يقوم مخلي الدنيا تتعك أكتر ويفرمل - وساعات عربيات كانت بتدخل في النص بينهم - اللي قدامه في اللحظة دي بيكون وسعلهم ويقوم راجع تاني شمال لما الدورية تفرمل عشان تستناه ولما يحصلها تقوم الدورية عايزة تجري تاني وهكذا وعاملين قلق لأنه ولا ماشي بسرعة ويعدي ويغور في داهية ولا منه ماشي في حاله واصلا صلاح سالم في اليوم دا كان في أحلى وازهى ايامه العربيات كلها ملاكي ومافيش اي حاجة تانية وتقريبا العربيات كل واحدة ماشية في حارتها ومفيش قلق خالص جه الباشا بوظ الطريق !!! دا الكوبري الجلاء العربيات كانت طالعة عليه من غير فرامل وتقريبا بنفس سرعتها
المهم بعد النفق وانا ماشي عالشمال لقيت الدورية جت ورايا تاني ونفس الهبل بتاعة وانا على يميني عربيات ومفيش مكان ادخل منه وواسعله فيه ورحت مدي اشارة يمين وفضلت ماشي لحد ماليمين فضي رحت نازل يمين والباشا نسي الاوتوبيس وبقى بيجري ورايا وبعد ماوسعتله يمين لقيته جاي بيتكلم جنبي بس ماسمعتش قال ايه كنت معلي الكاسيت رحت شادد شوية قام شادد سنة صغيرة كدة وبعدين افتكر تقريبا الاتوبيس راح مفرمل جامد !!!! بالذمة مش دا واحد ماشي بيلعب باللعبة بتاعته في الشارع ؟؟

**Amrrr** · 28-09-2009 12:51 PM

المشاركة الأصلية كتبت بواسطة .......

اولا حمد لله على سلامتك يا ميمو ويارب تبقي اخر مرة يارب .................................................. ...... متخليش حبك للسرعة والمغامرة يبقي مخاطره بحياتك ومقامرة بحياة الناس

:P

كل كلامك صح ولو طبقته بالظبط زي مانتا كاتب مش هتلاقي مكان ولا زمان ولا ظروف تجري فيها الا نادر اوييييييييييييييييييييييي ي

**mr_sameh** · 28-09-2009 12:55 PM

الحمد الله وبتحصل مع الواحد كتير وبعد كدا بيزعل من نفسو قوي ربنا يسترها

**Car's Sniper** · 01-10-2009 03:32 PM

المشاركة الأصلية كتبت بواسطة .......

ثانيا انا عارف ان فيه ناس كتير هتهاجمني علي الكلام ده بس انا احترمت اوى صراحة ميمو في عرض تجربتة وعايز اتكلم بصراحة انا كمان ومينفعش تبقي رخصتي مسحوبة بسبب السرعة وانصحكم بحاجة انا مش بعملها بجد انا مش عارف اقول كلام زي اللي الاخوة قالوة عن السرعة وعواقبها (مع اقتناعي الكامل بيه) بس مع علمى بكل الكلام ده ومع تاريخي في سواقة العربيات اللي بيبداء بحادثة فى سنة 97 (3 ثانوى) بلاقى نفسي برضوا من الناس اللي بتجرى

ليه بجرى ؟ ببساطة لاني بحب السرعة وبحب الاحساس بالسرعة والهوا شايل العربية وبصراحة ده احساس مهما وصفته مفيش حد هيقدر يفهمة الا اللي بيحب السرعة وديه طبيعة شخصية في ناس كتير وبالاخص الشباب

انا لما كنت اصغر سنا بصراحة كنت نموزج مثالي للشاب العفريت اللي نازل يشاكل الناس ويسابقهم ويكسر علي سواقين الميكروباص وياخد غرز ويشد مع اي عربية بتجري زي ما يكون صوت الموتور وهو بيتسارع بيوحيلك بانك تعمل كده

دلوقتي انا اهداء كتير من زمان بس لسه محتفظ بحبي للسرعة ولسه مش قادر ابقي النموزج المثالي اللي بيمشي علي الدائري بسرعة 90 وده لاكتر من سبب

1- لو مشيت علي سرعة 90 هحس ان انا خانق العربية والموتور ولازم علي الاقل لو همشي بسرعة 90 اطلع كل دقيتين تلاتة لسرعة 110 120 وانزل تاني
2- لو ماشي علي سرعة 90 وده طبعا هيبقي علي الغيار الخامس وعايز اتخطي حد هلاقي نفسى لازم اسقط غيار واقرص علشان احس ان العربية عزمها كفاية للمناورة
3- استحالة امشي علي الدائري بسرعة 90 وانا عندي ميعاد لاني بطبيعتي (حتي قبل ما يبقي معايا عربية) مواعيدي زفت ودايما متاخر علي مواعيدي

بس انا بلزم نفسي بشوية قواعد لما احب اجري فوق السرعة المعتادة

- لازم اكون عارف الطريق كويس بتضاريسة ومنحنياتة وتقاطعاتة ويوتيرناتوه

- لازم ابقي عارف ان اي مناورة او تجاوز للسرعة فيه مخاطرة بشكل او باخر بس المخاطرة ديه لو هتعرض حياة شخص ماشي علي رجليه او راكب عربية يبقي الاولى التغاضي عنها نهائياً

- التاكد قدر المستطاع ان العربية بحالتها المثلى دائما (كاوتش فرامل مساعدين عفشة اضاءة) - زمان كنت كده كده بجري

- تجنب القيادة في حاله اي توتر نفسي (غضب شديد - حزن - انفعال - تحت تاثر اي مخدر او حتي دواء ليه اعراض علي الجهاز العصبي)

- تطنيش اي استفزازات ايا كانت وعدم التورط في اي مناورة او تجاوز بناء علي ( تسخين ) من شخص اخر وعلي العكس لما بكون عايز اجرى وده قراري من الاول ولقيت حد زي اخونا بتاع الانوس ده بسيب مسافة كفاية بيني وبينة وامشى وراة عشان يفتحلي طريق وطبعا نفس الكلام ورا عربيات الاسعاف

- ربط حزام الامان ليا ولباقي الركاب حتي اللي ورا - زمان كنت بكسف البسة

- لازم اكلبش في الدريكسيون باديا الاتنين بالوضع المناسب (ايد علي وضع الساعة 2.30 وايد علي 9.30) - زمان كانت ايدى الشمال علي الدركسيون وضع الساعة 12 وايد علي الفتيس

- ممنوع منعاً باتا تناول اي شيء ماكولات سجاير (مع اني مدخن) موبيل الخ اثناء القيادة

- التجاوز من الشمال فقط بعد انذار السائق امامي بشكل هادئ وبدون استفزاز (فلاشر مرة او اتنين بالكتير ولما احس باستجابة فلاشر كمان وانا بعدي )

- لازم احافظ علي مسافة كبيرة بيني وبين اللي قدامي بشكل يتناسب مع السرعة

- لو سرعتي هتعدى ال130 والدنيا ليل لازم انور النور العالي (مبيبقاش فيه حد قدامى قريب)

- لازم الكرسي يكون قريب من الدريكسون كفاية بحيث اقدر (افعص) الفرامل عند اللزوم

- لازم اخد بالي ان كفائة الفرامل بتتناقص بشكل متساوي لحمل العربية (علاقة طردية كل ما زاد الوزن كل ما قلت كفائة الفرامل

- تجنب عمل اي مناورة او التسارع المفاجئ او التباطوء المفاجئ علي ارض فيها ميه او تراب او حصى او منحدرات او تكسير او مطبات هوا

- عادة انا بحسب اى غرزة بتأني وبهدوء اعصاب بس مع عربيتي الجديدة (سابا) ومع اي عربية سيدان ومن غير سبيولر وعالية كمان يبقي اتقاء شر الغرزة افضل

- حالتين استحاله رجلي تقرب من الفرامل فيهم (1) في الملفات (2) عند انفجار الكاوتش

- في الملفات اهم معامل لتوازن العربية هو عزمها مش سرعتها بمعني انك ممكن تكون علي سرعة 90 والعربية تسرح منك لان عزمها ضعيف وبالتالي قدرتك علي التحكم في العربية (خاصة الجزء الخلفي) بتقل او تنعدم خاصة مع سيارات الدفع الامامي وعلي العكس كل ما كان عزم العربية عالي وانت في نص الملف كل ماكان التحكم في الجزء الخلفي من السيارة اعلي

- لازم اكون منتبة عشر اضعاف العادى وبالتالي بركز اكتر في كل المرايات وبدى اشارات بكل حركة او همسة او حتى نيه تحرك

ديه اهم الحاجات اللي انا فاكرها دلوقتي بس طبعا الموضوع مش موضوع قواعد تتبعها وبس لاء ديه ممارسة ومهارات عضليه عصبية مكتسبة بالخبرة والممارسة وممكن تكون كمان صفات وراثية بس المهم تبقي عارف ان القواعد ديه مبتضمنش ايه حاجة وقدر الله لاراد له بس بجد خد عهد بينك وبين نفسك (الكلام للناس اللي بتجرى) متخليش حبك للسرعة والمغامرة يبقي مخاطره بحياتك ومقامرة بحياة الناس

:p

والله انا كدة فعلا وبفكر كدة بردو سبحان الله كأنك بتقرا افكارى الحاجة الوحيدة المختلفة ان انا بحترم مواعيدى جدا وعمرى ماتأخرت على ميعاد
وحاجة زيادة انا بعملها انى اول ماعدى ال90 بامسك الدركسيون جامد جدا عشان لو كاوتش فرقع لا قدر الله ابقى مسيطر عالعربية مش هى اللى تسيطر عليا
وفعلا لو مشيت بسرعة بس عملت حساب غيرك وحساب اى مفاجأة ماظنش انها خطر غير لو الطريق كان زبالة