يارب يخليكم عاوز شقة إيجار !

**mfs3570** · 15-12-2012 05:33 PM

ان عندي شقة في ارض اللواء تبعد عن ميدان لبنان المهندسين دقيقة واحة بالسيارة 3 دقائق متروجل بس مطلوب 35000 و500 ايجار قديم بس ال35000 رايحين هيا حوالي 100 او90 متر معقولة تبعد عن الدائري دقائق للمتابعة mfs3570@yahoo.com علي فكرة انا الساكن اللي فيها

**خالد** · 15-12-2012 06:28 PM

بصراحة أرض اللواء بعيدة عليا أنا شغلى فى مصر الجديدة ، متشكر جداً جداً لحضرتك
وأنا مع رأى الأستاذ كريم منير فعلاً 1000 ج مش هتنفع خالص مع مصر الجديدة أو النزهة !!
بس ممكن فى الألف مسكن أنا شايف فيها شوارع هادية جداً وقريبة من ميدان الألف مسكن هنزل أدور فيها وأشوف النظام أيه
أنا زميلى واخد فى التجمع الثالث إسكان الشباب شقة 70 متر إيجار جديد بــ 600 جنيه لمدة سنتين ، بس أنا شايف أن المشوار بعيد شوية والأمان برضه مش كامل والدنيا هناك تلج مووووووووت فى الشتا
ياريت لو حد عنده حاجة تانى ياريت يعرفنا
وتقبلوا جميعاً تحياتى وأحترامى وتقديرى

**beshomilan** · 15-12-2012 09:22 PM

فيه فى شبرا فحتت كويسه ايجار جديد ب 800 و900 و 1000
انما ال 40000 قانون قديم هتكون صعبه
لو وصلوا ل 70000 ممكن الدنيا تتظبط اكتر

**خالد** · 16-12-2012 08:02 AM

طيب ياريت تدينى العناوين أو أسماء الشوارع فين بالظبط فى شبرا
وشاكر لحضرتك جداً جداً

**wawamoha** · 16-12-2012 06:16 PM

المشاركة الأصلية كتبت بواسطة karim_monir

الف جنيه ايجار
شيل النزهة ومصر الجديدة من حساباتك نهائي
الزيتون برضه بصعوبة
الف مسكن خليك في منطقتك معملتش حاجة
ممكن اخر جسر السويس تقسيم عمر ابن الخطاب بس هاتكسر ال الف بحاجة بسيطة في شوارع هادية بس ابعد عن جمال عبد الناصر نهائي

انا قلت كده برضه
ربنا يعينك
علان كده بنصحك بالشروق هاتلاقي بالمبلغ ده و كمان هيا مش وحشه خالص

**Exel1999** · 18-12-2012 12:07 PM

المشاركة الأصلية كتبت بواسطة خالد

طيب ياريت تدينى العناوين أو أسماء الشوارع فين بالظبط فى شبرا
وشاكر لحضرتك جداً جداً

شبرا مصر اجمل مناطقها من اول شبرا
- مربع جزيرة بدران وشارع البعثة والزهور وعياد بك وكل المتفرعات منهم
- شيكولانى وميدان الأفضل وقبة الهواء وكل المتفرعات منهم برضه
- طول شارع شبرا من ناحية اول شبرا الجنب اليمين والشمال كلهم لغاية دوران شبرا مناطق راقية جدددا واجمل مناطق فى شبرا مصر
- بعد كده على الشمال شوارع كويسة جدا (شارع ابراهيم ناجى ، راتب ، الأزهار .... ) واللى عند كلية الهندسة وبعدها لغاية اغاخان كل الجنب الشمال حلو اوى
- الجنب اليمين الحلو فيه شوية شارع الخمراوية بس وبعد كده بقى منية السيرج واغاخان طبعاً

بس فعلا لو بتدور على شقة فى شبرا بالـ 40000 فخلى الفلوس معاك احسن وشوف حاجه ايجار جديد ولو حضرتك لاقيت بالصدفة حاجه هناك بحوالى 70000 ياريت تبعتهالى ولو عاوز نمر سماسرة ممكن ابعتهالك ... وربنا يوفق حضرتك ويبعتلك ويبعتلنا يااااااااااااااارب :)