التقييم الاول للصاروووج الSX4 sedan ، بعد اول 3000كم

**Rontato** · 31-07-2008 06:07 PM

مبروك عليك العربية و ربنا يبارك فيها و حفظكم من شر الطريق و العين
ممكن اسال لو انا محتارة بين السوزوكى و التريوس، خصوصا ان الهاتش باك فيها شبه كبير من التريوس، تنصحونى بمين فيهم.
:laugh:

**haneena** · 03-08-2008 11:27 AM

المشاركة الأصلية كتبت بواسطة Rontato

مبروك عليك العربية و ربنا يبارك فيها و حفظكم من شر الطريق و العين

ممكن اسال لو انا محتارة بين السوزوكى و التريوس، خصوصا ان الهاتش باك فيها شبه كبير من التريوس، تنصحونى بمين فيهم.
:laugh:

انا ارشحلك السوزوكى جدا
التيريوس سحبها ضعيف خصوصا مع التكييف
لكن السوزوكى فيها كماليات اكتر وشكلها احلى وسحبها ممتاز والتكييف مش بيأث نهائى على السحب لانه مش بياخد من ماتورها
هاتى السوزوكى وانتى مغمضة

على فكرة انا بامشى فى الشارع ناس كتير بتوقفنى وبتقولى تبيعى العربية دى واصبح عليها طلب كبير جدا
والناس مش لاقياها لان الدفعة اللى جت لسه مانزلتش

**mekawy002** · 03-08-2008 11:46 AM

مبروك عليك العربية و ربنا يبارك فيها و حفظكم من شر الطريق و العين

ممكن اسال لو انا محتارة بين السوزوكى و التريوس، خصوصا ان الهاتش باك فيها شبه كبير من التريوس، تنصحونى بمين فيهم

الله يبارك فيك ،
بصراحة انا قبل لما ارسى على الSX4 فكرت كتيير فى التريوس برضو ، بس لما سألت عليها ، يعنى فى ناس شكروا وناس مشكروش ، بس السبب الاساسى اللى خالنى اصرف نظر عنها ، انى لما سألت فى التوكيل قالولى ان الكاتيجورى الوحيد اللى نازل ABS&Airbags هو اللى ب140 ،ال4X4 ، فا كده دخلت فى سعر السيفيك ، وطبعا حرام تقارنها بالسيفيك .....

فعموما بعد 6000كم بالSX4 انا الحمد لله كل يوم بيزيد اقتناعى بيها خصوصا كل لما حد من اصحابى يجربها معايا وينبهر بيها.....
وربنا يوفقك ان شاء الله للفى خير...

**ahmedfd** · 03-08-2008 11:55 AM

أرجو ملاك الـ Sx4 يتقبلوا مشاركتي دي بصورتين لقيتهم على النت للهاتش و طبعاً شكلها تحفة مش محتاج كلام.

**haneena** · 03-08-2008 02:51 PM

المشاركة الأصلية كتبت بواسطة ahmedfd

أرجو ملاك الـ Sx4 يتقبلوا مشاركتي دي بصورتين لقيتهم على النت للهاتش و طبعاً شكلها تحفة مش محتاج كلام.

احمد باشا ده احنا نتشرف وهى فعلا عربية رائعة وكل يوم باحبها اكتر

**Rontato** · 03-08-2008 06:28 PM

هى فعلاً عربية تحفة، انا حبيتها اول ما شفتها رمضان اللى فات، بس كنت خايفة منها عشان لسة مش متجربة، بس كدة انتو شجعتونى جداً اجيبها بس انا عاوزة احجز مودل 2009 بما انها غلت خلاص. ميرسى على المساعدة

**SaLM!Na** · 03-08-2008 11:12 PM

مبروك على العربية الجميلة و ربنا يحميهالك

من ساعة ما شوفت العربية دي اول مرة و هي عجبتني جدا

شكلها انسيابي اوي و شيك جدا

1000 مبروك و ان شاء الله تحطها جوه عينيك

**mekawy002** · 05-08-2008 11:39 PM

ازاى الكلام ده يا استاذ مكاوى انا اتاكدت اكتر من مرة ان التكييف شغال وبيطلع هوا ساقع والموتور مش شغال لان الناس هنا كتير اتكلموا عن الموضوع وحبيت اتاكد اكتر من مرة
حضرتك جرب كده وشغل المروحة بس الاول والعربية مش شغالة ومفتاح Ac مش شغال هتلاقى هوا سخن طالع وبعدين شغل مفتاح Ac هتلاقى الهوا ابتدا يسقع وفيه فرق واضح جدا وكل ده وموتور العربية مش شغال

انا جربت تانى امبارح ، وتأكدت ان كلمى مضبوط 100% ، الكوبرسور بتاع التكيف مش بيشتغل من غير ما المتور يدوور ، بس الهييتر عادى ممكن يشتغل .
حضرتك ممكن تجربى تانى كدة ،من غير ما تدورى المتور ،واقفلى زر ال Ac شوية وارجعى شغلييه تانى ، مش حتلاقى اه فرق .
بعد كدة دورى العربية والac شغال ، وشوفى الفرق ، طبعا خلى التكيف على 4 علشان تحسى بالفرق .
ولو ما حستيش بالفرق يبقى انا اضحك على فى عربيتى وعوضى على الله :)