التقييم الاول للصاروووج الSX4 sedan ، بعد اول 3000كم

**abotasbeh** · 04-05-2010 11:27 PM

الصراحة شجعتونى اشتريها .. وكنت عايز اعرف إذا كان فيه جديد من اللى اشتروها .. عرفت ان فيه عرض على موديل 2009 بدون فوائد .

**mekawy002** · 06-05-2010 08:47 PM

الصراحة شجعتونى اشتريها .. وكنت عايز اعرف إذا كان فيه جديد من اللى اشتروها .. عرفت ان فيه عرض على موديل 2009 بدون فوائد

انا عملت حوالى 77 الف ، والحمد لله العربية تمام ومحدش اعرفه اشتكى منها خالص الحمد لله ........ وكل اللى بعملو فيها : الصيانة الدورية ، زيت وفتر وتيل.

**omaroof** · 07-05-2010 09:08 AM

المشاركة الأصلية كتبت بواسطة mecaneky

السلام عليكم

اولا انا معجب بالعربيه sx4 جداااااااااااااا
بجد عربيه بالنسبه لامكانيتها وسعرها وجودتها ويابانى فيها سعرها

يمكن مش منتشره بس علشان محدش بيدرس قبل ما يشترى كويس

المهم الموضوع اللى داخل علشانه بقى هوا
موتور التكيف

قريت كتير هنا ان فى اعضاء بيقولوا ان ماتور التكييف ليه ماتور بيشتغل لوحده من غير ما العربيه تدور وكلام كده

انا من مكانى هنا من على الاب توب بتاعى بعلنها وبوضوووح تام ان الكلام ده عاار تماما من الصحه وانه تأليف او فبركه وااحد جاهل بتاع مبيعات

يا جماعه مفيش ولا حيحصل ولا حصل قبل كده ان يبقى فى ماتور للتكييف لوحده

ححاول ابسط الامور واشرحكلم ليه

من مبادىء مبادىء دوره التكييف ان فى جزء اسمه الكمبرسور لازم يكبس الفريون علشان دوره التكييف تشتغل

والكمبرسور ده علشان يشتغل لازم مصدر خارجى يديله طاقه حركه

اوى بمعنى اوضح يدوره

فى العربيات بتاعتنا بيستخدموا سير نقل حركه من عمود الكرنك بتاع العربيه لطمبوره متركبه على الكمبرسور علشان يدور

وبياخد حركته من الموتور يعنى

وفى بيوتنا طبعا مفيش موتور بس فيه طاقه كهربيه جايلنا من حكومتنا الذكيه فبنستعيض عن هذا بموتور كهربا يدور الكمبرسور بيبقوا الاتنين مدموجين مع بعض
يعنى برضه لازم حاجه تدور الكمبرسور ده

فلحل الوحيد الوحيد الوحييييييييد ان تكييف العربيه يشتغل من غير موتور العربيه انه يدور انه يكون فى موتور كهرباء او كباس كهرباء بيشغل دوره التكييف وفى الحاله دى اكيد طبعا مفيش مصدر كهرباء تانى موجود الا البطاريه

ولاسباب هندسيه كتير اوووووووووى واسباب تقنيه مينفعش اننا ناخد من البطاريه ونخليها مصدر للكهربا بتاعه التكييف

متنسوش ان اللى عنده تكييف فى البيت ومشغله الفاتوره بتيجى عااليه عنده لان التكييف بيستهلك قدره كهربيه كبيره

وبالتالى مينفعش اعتمد على البطاريه نهائيا لانى لو اعتمدى يدوبك ممكن تشغل التكييف خمس دقايق ده لو كملتهم وبعدين تبقى البطريه نامت

البطاريه هدفها حاجه واحده بس هيا لحظه startup وبعد كده بتسلم الرايه للدينمو يقوم بكل الرحله ويشحن البطاريه لغايه اخر الرحله

اما بخصوص الهوا اللى بيطلع من التكييف وانتوا مش مشغلين العربيه دى مروحه التكييف مروحه صغيره جدا بتبقى محطوطه قدام evaperator
بتتحكم فى سرعه تدفه الهوا بس

يعنى حضرتك شغلت المروحه مش التكييف زى ما ساعات كده ممكن تشغل مروحه تكييف البيت من غير ما التكييف نفسه يكون شغال وتسمع زنه الكمبرسور وهوا شغال

وشكرا

كلامك صحيح 100%
بس مين اللى قال التكييف بيشتغل بمتور لوحده
هى العربيه فيها موتورين
ههههههههههههههههههههههههه ههه