الموضوع: التقييم الاول للصاروووج الSX4 sedan ، بعد اول 3000كم

المشاركة الأصلية كتبت بواسطة haneena

كلام تمام يا استاذ مكاوى العربية تستاهل التمن ده واكتر بالمقارنة مع اسعار العربيات الموجودة دلوقتى ويكفى انها يبانى 100%

كل واحد معاة عربية شايف انها تستهال التمن دة و اكتر , انما لية تزيد 5 الاف جنية مرة واحدة , هوة دة السؤال , المفروض نظريا ان اى موديل جديد يبداء يرخص بعد مدة , لان فى مودلات جديدة بتنزل و تكلفة الانتاج بتقل اساسا مع الوقت , انما السوق المصرى شغال عكس اى سوق موجود , الا و هو بما ان فى اقبال يبقى ممكن الواحد يزود مافيش مشكلة , بينما السعر من الشركةة الام مزال كما هوة و يمكن ارخص كمان .

حتى هما لم يقومو بعمل اى دعاية للسيارة , يعنى حتى مكلفوش نفسهم انهم يدفعو مليم فى الدعاية .
السيارة جدية لكن صعب بالسعر دة تنافس مودلات احسن بكتير فى نفس الفئة السعرية الجديدة , و مافيش حاجة من غير عييوب .

انا بصراحة غير متفق معاك فى المعلومة دى بسبب ، انى قبل لما اشترى عملت بحث شامل عن العربية على النت ، والعربية بقلها سنتين بتنزل فى امريكا واليابان ،و محققا مبيعات ممتازة ، و الامريكان بيعتبروها من افضل 10 عربيات فى فئتها ،متقدمة على الكورولا الجديدة واللنسر الجديدة والانترا ،و طبعا رقم واحد هناك السيفيك ، والتقييم ده متكامل ، وبقيم العربية من كل النواحى (الاداء والشكل وتجهيزات الامان.... الخ)
ده غير ان اغلبية تجارب الناس اللى انا قرأتها كانت بتشكر فيها ، و موضوع اصوات العفشة ده انا استبعده لسبب منتقى، هو ان العربية دى مبنية على نفس الplatform للسويفت الجديدة ، واللى واخد جوائز السنة اللى فاتت عالمة على تصميمه ، واضافة الى ان ال SX4 بتنزل بره iAWD يعنى زىالسوبارو الايمبرازا كده ،وهى برضو عربية راليات بتتميز بعفشة قوية ذات قوة احتمالية عالية ، او على الاقل ده اللى انا بتمناه.

وعموماالفيصل فى الموضوع ده حكمنا احنا عليها فى مصر، فممكن تجرب العربية دى فييا لانى عملت 3000كم فى اسبوعين وبالمعدل ده ، لو ربنا ادالى عمر ان شاء الله شهرين او تلاتة كمان و اكمل ال 20000 وساعتها يبان الحكم النهائى على العربية ،

ومتقلقشى انا لو بس حسييت انى اضحك عليا فى العربية دى وطلعت مقلب ، ان شاء الله حشردها على المنتدى . [/quote]


ألف مبروك على العربية و هي فعلاً عربية شيك جداً و ممتازة و شكراً على التقييم الممتاز بس إسمحلي أراجع حضرتك في نقطة تقدمها على الإلانترا ... ده لينك لتقييم US Ranking لعام 2008.

http://usnews.rankingsandreviews.com...le-Small-Cars/

اولا الف مبروك على العربيه وربنا يديك خيرها ويكفيك شرها
ممكن اعرف نظام قطع الغيار من ناحيه التوافر والسعر
وشكرا

المشاركة الأصلية كتبت بواسطة mekawy002

شكرا يا احمد به و فعلا معاك حق ، معلش العتب على النظر :)
بس انا فعلا مقتنع انها افضل من الانترا (معا كامل احترامى للالنترا،عربية مميزة) ، لانى انا سوقت الانترا كتير ، وكانت مانيول ،بس لما سوقت الsx4 السحب افضل واداء المحرك افضل بالرغم من ان الانترا كانت ممتازة.
طبعا الانترا تصميمها الخارجى وهمى و رائع ، و تتفوق بمراحل عن الsx4 فى الشكل الخارجى ، لاكن من الداخل الٍsx4 احلى بكتير ، ده غير موضوع الair bags and ABS اللى مابينزلشى فى الانترا غير فى اعلى فئتها فقط.

طبعا بلاش سيرة غبور الساعة دى :)

بالعكس يا باشا أنا شايف إن الـ SX4 تصميمها رائع من الخارج كمان و العربية دي هتعمل شغل جامد جداً.
على فكرة أنا لسه شايف إنهاردة لأول مرة SX4 هاتشباك و شكلها تحفة.