برسونا ولا جين 2؟

**yasserk2** · 12-12-2012 08:49 PM

انا ارجح لحضرتك البيرسونا لانى كنت فى نفس حيرتك بس فى الاخر الجين 2 لم تتفوق الا فى الشكل ودى حاجه نسبيه قد تختلف من شخص لاخر بينما البيرسونا تفوقت فى وسع الشنطه والكنبه الخلفيه بعض الشئ ومثبت السرعه اما ماعدا ذلك فهما متطابقتين تماما بالنسبه للثبات والاداء القوى وحتى قطع الغيار حدد متطلباتك من العربيه وقارن بين الاثنين واكيد هتوصل لاختيار مناسب ومش بحاول اثر على اختيار حضرتك لكنى كنت فى نفس حيرتك ووقع اختيارى على البيرسونا ومتنساش الاستخاره --- تحياتى

**Motarjim** · 12-12-2012 09:10 PM

المشاركة الأصلية كتبت بواسطة yasserk2

انا ارجح لحضرتك البيرسونا لانى كنت فى نفس حيرتك بس فى الاخر الجين 2 لم تتفوق الا فى الشكل ودى حاجه نسبيه قد تختلف من شخص لاخر بينما البيرسونا تفوقت فى وسع الشنطه والكنبه الخلفيه بعض الشئ ومثبت السرعه اما ماعدا ذلك فهما متطابقتين تماما بالنسبه للثبات والاداء القوى وحتى قطع الغيار حدد متطلباتك من العربيه وقارن بين الاثنين واكيد هتوصل لاختيار مناسب ومش بحاول اثر على اختيار حضرتك لكنى كنت فى نفس حيرتك ووقع اختيارى على البيرسونا ومتنساش الاستخاره --- تحياتى

تمام يا ريس...إن شاء الله خيرًا.

ربنا يبارك لك فيها.

**Al-Farooq** · 12-12-2012 10:53 PM

هو فى رأي بيقول ان الجين2 ثباتها احسن من البرسونا ، بس مش متأكد الكلام دة سليم ولا لاءة.
ولو سعة الشنطة مهمة فى حساباتك ، شوف شنطة الجين هل هتناسبك ولا لاءة.
اعمل استخارة وبالتوفيق ، وربنا ييسر لك الخير ان شاء الله.

**D . a .\ AYMAN** · 12-12-2012 11:38 PM

المشاركة الأصلية كتبت بواسطة motarjim

السلام عليكم،

أدعو الله أن تكونوا جميعًا بخير، وفي أحسن حال.

أود من حضراتك أن تشوروا عليّ؛ أيهما أنسب، وأفضل، برسونا أم جين 2، علمًا بأنه لدي أسرة صغيرة والحمد لله، واعتاد السفر إلى الصعيد، وكذلك إلى الاسكندرية، بمعدل مرتين أو ثلاث في العام للوجهة الأولى، ومرة كل شهر تقريبًا أو ربما أكثر للثانية. بالطبع، أذهب محملاً بالأمتعة وما إلى ذلك، وأرجع محملاً بضعف ما ذهبت به، أو أكثر. وهذا ما يجعلني أميل إلى البرسونا من حيث توفر الشنطة ووسعها.

من ناحية أخرى، تفرجت على الجين تو، واكتشفت أنه بها مساحة تخزين خلفية لا بأس بها، وإن كانت في البرسونا أكبر بالطبع. ولكني أرى توافر قطع غيارها خارج التوكيل أفضل من البرسونا، وكذلك اعتقد أن سعر البيع أعلى نسبيًا لصالح جين تو لأنها مطلوبة أكثر، وإن كان هذه النقطة غير مهمة بالنسبة لي، لأني لن أبيع بإذن الله في القريب.

إلى جانب شنطة البرسونا، أفضل فيها أيضًا أن المرايات الجانبية أكبر وأوسع تغطيةً منها في الجين تو، فضلا عن أن البرسونا تتميز بمثبت سرعة، وهو غير متوفر في الجين تو.

وعرفت من حضراتكم مؤخرًا أن البرسونا إليجانس تتميز أيضًا بتطور ecu مقارنةً بالجين تو، مما يمنحها استجابةً أفضل.

أنا اتفرجت على الاتنين، وركبتهما، ولكن لم أجرب قيادتهما إلا مترين ورا ومترين قدام بالجين تو.

ولكن محتار اختار أي منهما، فإن شاء الله من خلال مشاركاتكم، اقدر أحدد أيهما أنسب وأفضل لي.

جزاكم الله خيرًا.

أولا .. لو بتسافر كتير .. يبقى مثبت السرعة هايفرق معاك في الراحة جدا .. أنا تقريبا واخد طريق أسيوط رايح جاي كل أسبوع مرة .. بس بالعربية الألتو لأن البيرسونا مش مصرح لي بركوبها

المهم ... طبعا مش عايز أقولك فرق إزاي معايا لما جربت مثبت السرعة عدة مرات في البيرسونا في راحة القدم خصوصا لو ماشي على طريق نضيف وفاضي زي طريق الجيش الشرقي الجديد .. فعلا عدم وجود مثبت السرعة في الألتو متعب خصوصا بعد الواحد ما جرب الفرق

ثانيا ... في حاجة بقى في الفرق بين شنطة البيرسونا والجين أعتقد إنها بتنسف فرق المساحة بينهم ...

هية فعلا شنطة البيرسونا أكبر من الجين .. لكن شنطة الجين ليفت باك .. يعني بتفتح كلها بالزجاج بكامله لفوق وده بيديك مساحة دخول أكبر لإدخال الحاجيات الكبيرة وبتستفيد أكتر منها لما بتقفل الكنبة الخلفية عشان تضمها لمساحة الشنطة

الكلام ده خدت بالي منه لسة قريب جدا لما جيت أحط كرتونة برنتر إتش بي وبرغم إنها صغيرة لكن فتحة الدخول في الشنطة نفسها ضيقة ودخلتها بالعافية بعناية شديدة برغم إن الشنطة من جوة كبيرة عليها أصلا

وكمان مثلا أنا كنت ناقل غسالة إلـ جي بداخل شنطة العربية الألتو بعد قفل الكنبة وشيل رف السماعات .. لكن الموضوع ده إستحالة يتعمل في البيرسونا لأن زي ما قولت فتحة الدخول ضيقة ورف السماعات والزجاج مش بيتشالوا أصلا .. لكنه ممكن في الجين لأن فتحة الدخول كبيرة والزجاج كله بيطلع مع الشنطة

ثالثا ... المرآة .. طبعا فرق كبير في الرؤيا لصالح البيرسونا ودي نقطة مهمة مش قليلة .. وكمان فرق الشياكة بتاعتها في إن نور الإشارات موجود فيها كمان

رابعا ... الكونسول اللى بين الكرسيين اللى قدام في البيرسونا أكبر من الجين .. وبالرغم من كدة حجمها محتاج يكبر شوية حتى في البيرسونا .. لإنى مش بعرف أسند إيدي عليه وأنا سايق

خامسا ... أنوار التابلوه الداخلي "العدادات" في البيرسونا أبيض ليد ... ولكن في الجين لونها برتقالي غامق ... وبالنسبة لي ده لصالح البيرسونا .. لأني مش بحب اللون البرتقالي وطبعا دي أذواق

سادسا ... الكنبة الخلفية أعتقد إنها أوسع قليلا في البيرسونا عن الجين لما قعدت فيهم في المعرض قبل ما اشتري

سابعا ... الكونترول -ecu- واحد في الإثنين .. ما فيش فرق بينهم على ما أعتقد

طبعا لكل الأسباب دي "ما عدا فتحة الدخول من الشنطة لأني لم أكتشفها إلا الإسبوع اللى فات" أنا فضلت في النهاية البيرسونا .... طبعا ده غير إني أصلا معجب جدا بشكل البيرسونا عن الجين وشايفها أكثر وقارا وبرضه النقطة دي حسب الذوق في النهاية

**Motarjim** · 13-12-2012 11:16 AM

المشاركة الأصلية كتبت بواسطة d . A .\ ayman