الموضوع: تجربتى المحزنة فى صيانة 1000 كيلوا انوبيرا 2008 فى ابو الرواش

انا رحت توكيل ابو الرواش علشان اعمل صيانة 1000 كيلوا دخلت من البوابة الساعة 8 الصبح وكنت رقم 31 استنيت لحد ما جة دورى وقلت لمهندس الاستقبال على الحاجات الى فى العربية وهى انى فرامل اليد مش مساكة العربية كويس وان العربية وهى ماشية على طول الدركسيون فى عوجة شمال(قالى هنعمل ضبط زوايا وضبط تارة ) وان عايز اغير زيت موبيل 10000 المهم قالى حت دفتر الضمان على التبلو وسيب المفتاح فى العربية وخلاص كدة جم خدوا العربية الساعة 12.15 طبعا مالكوش الزاى الصنيعية بتسوق العربية .... فضل معاهم العربية لحد الساعة 4.30 يعنى لحد مقفلوا وكل مسال العربية متخرة لية يقولى عشان فيها ضبط زوايا ومفيش غير جهاز واحد بس المهم وعند تسليم العربية المفروض انهم ينادو عليها ويدونى المفتاح مندوش رحت اسال الى اسمك موجود وطلعلى الفتورة لكن مش لاقى المفتاح قلتلة ازاى يعنى (كان قدامة بتاع 30 مفتاح بتاع عربيات اسبرانزا ودايو ) قالى روح شوفة فى العربية ولو ملاتهوش تعالى رحت لقيت العربية مركونة فوق عند الورش مش تحت والفتاح فيها رحت وخدها ومشيت المهم وبعد دة كلة لقيت العربية بقيت تحدف يمين مكنتش بتحدف قبل كدة هو كان بس التارة مش مضبوطة وكمان لقيت فرامل الرجل ضعفت مش ذى الاول المفروض انهم مجوش جنبيها خالص الكلام دة كان اول انمبارح وانا رحت تلهم تانى النهاردة عشان الحتفة دى بس المراضى رحد الساعة 6.30 الصبح وكنت رقم 2 وقلت للمهندس على الحتفة دى ومرضتش اقول لة على الفرامل ليخربوا العربية اكتر هى ضعف شوية يمكن عمر التيل كدة قالى حاضر وخدوا العربية الساعة 8.30 وبعدين طلع اتنين صنيعية يجربوها برة التوكيل (من غير ميقلولى ومن غير رخص) المهم نادى على اسمى الساعة 10.30 و بعدين رحت للمهندس اقلة اية الى حصل فى العربية قالى مفيهاش حاجة دة بس ضغط الهوا فى الكوتش مع انى اول يما لقيت العربية بتحدف رحت كشفت على الكوتش وكان مضبوط هى العربية دلوقتى غالبا مضبوطة وسعات بحس انها بتحدف بس دة تقريبا من الطريق انا مش عارف هو بيقولى دة كان الكوتش عشان ميطلعوش نفسهم خلطنين ولا اية مع الملاحظة العربية اعدت معاهم ساعتين بيشوفوها

على فكرة يا استاذ كريم ابو العلا الثقة الى فى ابو الرواش دى مش فى محلها خالص وانا رحتلهم يوم الاثنين قلت عشان ميبقاش عندهم زحمة انا قلت للمهندس الى هناك ان العربية مش بتحدف ولا حاجة فى اول مرة هى بس كانت التارة فيها سنة شمال وهو قالى هنعمل ضبط زوايا وضبط تارة قلت ماشى راح مدينى العربية بتحدف يمين ازاى معرفش ونفسى اعرف اية الى حصل فى فرامل الرجل خفت لية مش فاهم ويريت حضرتك تقولى اية ممكن اسباب انها تخف مرة واحدة كدة عملوا فيها اية ؟؟؟ مع العلم المفروض ان هم مجوش جنبها خالص