الموضوع: محتار في نوع الزيت

بالنسبة لمقارنة API بين SM, SN, and SL
American Petroleum Institute API

الرمز الاول Sيرمز لمحركات البنزين ويوجد رمز اخر Cلمحركات الديزل

SM,SLوSN ده مستوى الزيت والاضافات المضافه اليه للحفاظ علي عدم تأكل الاجزاء الميكانيكية كلما تاخر الحرف كلما كان الزيت افضل يعنى SM افضل من SL
وSN افضل من SM

وده جزء منقوووووول كنت حافظه عندي من الموقع هنا

المشاركة الأصلية كتبت بواسطة gassarian

المقصود من سؤالنا هنا: هل عند شراء الزيت و الإختيار بين نوعين من نفس الماركة أو ماركات في نفس المستوى ، نحاول نجيب ال api الأعلى عموماً أم هناك معاملات أخرى في الإختيار؟؟؟
يعني أنا كنت بحط كاسترول إيدج و كان تصنيفه sl و بجرب دلوقتي ليكوي مولي و تصنيفه sm

في نوعين تخليقى في الليكوي مولي بنفس السعر : واحد top tec 4100 5w-30
و التصنيف بتاعه sm و التاني leichtlauf high tech 5w-40 و التصنيف بتاعه sn........نختار أيهم أفضل؟ و الإتنين نفس السعر و نفس الماركة

بالنسبة لـ 5w-30 مش مستحب في مصر لانه عايز الاجواء البارده جدا
لكن المناسب في مصر للسيارت الحديثة 5w-40 وكل ماكان الموتور اقدم ومتهالك يفضل تعلي بنسبة اللزوجة للزيت
ليكو مولي هاي تك اضافاته افضل حيث انه sn ويفضل للسيارات الحديثة وده لانه معدل سريانه سريع ولزوجته خفيفا نسبيا وده بيجعل الموتور اكثر كفاءة واقل في استهلاك البنزين بشرط ان الموتور يكون بحالة ممتازة

ليكو مولي توب تك اضافاته معقوله sm وافضل من sl ومعدل سريانه اقل نسبيا ولزوجته اعلي من الهاي تك ولذلك ممكن يستعمل في السيارت الحديثة المستعملة نسبيا
وبالنسبة للنوع المفضل لسيارتك ممكن تدخل علي موقع ليكو مولي او فالفولين وتدخل بيانات سيارتك وهو هايرشحلك النوع المناسب طبقا لعمر المحرك والكيلومتر المقطوع