الموضوع: محتار جدا جدا جدا افيدوني ارجوكم

المشاركة الأصلية كتبت بواسطة porsche911tt

مفيش أوفر برايس عند محمد زكي وأنا مستلم فوري ، ببساطة لأنه موزع معتمد

انت استلمت امتي يا باشا ؟ علشان انا من بدايه اواخر نوفمبر وانا باتصل بكل الوكلاء بما فيهم محمد زكي وكان المانيوال ب 75500 والاتوماتيك ب 83000 والكلام ده لغايه يوم التلات اللي فات 11/12/2012

اتصلت بالتوكيل قالي مفيش حجز دلوقتي ورجعت كلمت محمد زكي قالي الشحنه نازله اخر شهر 12 بس مفهاش فول اوبشن فيها هاف اوبشن وقالي سعر الهاف نفس سعلا الفول ودا الغريب بس خلاص استقريت ححجزها بكرة عند السبع بعد مدفع 3000 جنيه حجز السيارة وسعرها 72500 كاااش هل المفروض السعر دا ينزل لو كاش وينزلهولي بكاام

معلش هو في اي مصاريف تانيه بدفعها في الصاله غير تمن العربيه الكااش ؟؟؟ وايه الورق اللي بيطلبوة واستلمها منهم ازاي

مبروك مقدما، إن شاء الله مش هتندم.

أنا لما إشتريتها كان عيني في لانسر بومة، بس ملاقتش مسمتعمل حالة شاذة ساعتها وإستحرمت الزيرو في الشكل إللي إتهرى، ولو إني بحبه وشايفة شيك لحد دلوقت بس خفت يتغير بسرعة وكمان توكيل مش مستقر. وقولت أصبر نفسي باللوجان ثلالث سنوات ولا حاجة يمكن ساعتها أقدر أجيب معشوقتي الأولى كورولا. بس دلوقت ساعات بقول لنفسي هي آه الكورولا حاجة تانية بس أنا هاعوز إيه أكتر من إللي اللوجان بتدهولى؟

الحمد لله راضي عن إختياري في هذه المرحلة ومش عارف بعد ثلاث سنوات لو أقدر أغير هل هعملها ولا اللوجان مش حتهون عليا. فعلا في فئتها عربية محترمة، يعتمد عليها، متاسبة بشدة لشوارعنا (لدرجة إني بقول لنفسي "لو ربنا كرمني وعرفت أجيب كورولا مستقبلا، إزاي هستغنى عن إرتفاع اللوجان؟" تصور؟!!!)، قطع غيار وسعر إعادة بيع في تحسن ملحوظ بشدة مكانش حد يتوقعة. شهادة حق بدون مبالغة.