طلب تسعير ابيزا 98

**jemy_tnt** · 15-12-2012 07:04 PM

لو قدامى عربيه ابيزا 98 مش رشه دواخل و رشه حزام بره و سقف و كبوت و شنطه فبريكه موتور خلصان يعنى هتحتاج تسقيط مكنه و عفشه قدام محتاجه تغيير بردو مفهاش كماليات الا التكييف
عربيه بالمواصفات دى تعملها كام تقريبا ؟
و تحتاج كام عشان تتظبط صح من تسقيط مكنه و عفشه و تركيب باقى الكماليات

**SYD** · 15-12-2012 11:53 PM

المشاركة الأصلية كتبت بواسطة jemy_tnt

لو قدامى عربيه ابيزا 98 مش رشه دواخل و رشه حزام بره و سقف و كبوت و شنطه فبريكه

لحد كدة 28
-
موتور خلصان يعنى هتحتاج تسقيط مكنه
3.000

و عفشه قدام محتاجه تغيير بردو مفهاش كماليات الا التكييف
- 750

عربيه بالمواصفات دى تعملها كام تقريبا ؟
و تحتاج كام عشان تتظبط صح من تسقيط مكنه و عفشه و تركيب باقى الكماليات

لحد 24 تبقي معقولة اوي

محتاج حوالي 1500 للباور
و1500 للزجاج وفرش الابواب
و450 للقطمة علشان المفتاح الخريطة والايموبلايزر والطارة
وطابلوه جديد فيه مفاتيح المرايات الكهربائية ب 650-750
وجوز مرايات كهرباء جداد او استعمال في حدود 400

تحياتي والله الموفق

**jemy_tnt** · 16-12-2012 02:44 AM

و لو حبيت اشترى نص قدام كامل تمنه يعمل فى حدود كام ؟؟

**SYD** · 16-12-2012 03:34 AM

انسب موتور هو ال1.4 ودة لأنك مش هتحتاج تغير فرامل وعفشة
ثمنه كامل بالكنترول والضفيرة والتانك بالعوامة في حدود 3000-3500
مش هتحتاج تغير فتيس بس ان جيت للحق هيظبط معاك المسائل بس ممكن يوصل معاك ل4000

لو هتجيب نص 98 كامل ممكن 8000 او اكتر حاجة بسيطة

تحياتي

**ehab_mansour** · 17-12-2012 11:48 AM

أنصحك لو أخدت العربية دي بسعر مرتاح تشتري نص امامي كامل بعفشته كمان بموتور 1600 و تفضيه في عربيتك كاملا (موتور بالفتيس بالضفيره بالعدادات بالقطمه و بالكماليات و الباور ) هتبقي كسبت مهما كان ثمن النص لأنك هتفضل تلف و تروح و تيجي علي حاجات هايفه و هتصرف نفس الرقم اللي هتشتري بيه النص كامل و لكن الفرق هيكون انك جبت من كل فيلم اغنيه و مغيرتش كل حاجه صح

لكن النص هيريحك جامد جدا لأن فيه رفايع كتيييييير هتلاقيها فيه لما تشتريها بتبقي بكتير و حتي التابلوه و العدادات غيرهم بحاجه نضيفة و شغل نضيف

هتستلم عربية زي الفل لو عملت الشغل ده تحت ايد صنايعي محترم

و نصيحة أخيره هتغير موتور يبقي تغيره بفتيسه بكنتروله و بلاش تركبه علي قديمه لن فيه فروق بينهم في التصميم الداخلي و هيفرق معاك كتير في المشي و السرعات و استمتاعك بموتور اكبر

و بالتوفيق ان شاء الله