صوت في التابلوه

**mmohamed15** · 16-12-2012 01:53 AM

اصدقائي الأعزاء عندي استفسار بسيط انا بدء يظهر عندي صوت في التابلوه في النيو صني زي زنه كده لما مثلا امشي علي مكان مش مستوي او لما اعدي فواصل الكباري حتي يعرف الصوت ده ممكن يكون من ايه

**saint2011** · 16-12-2012 02:22 AM

بصراحة دى أول مرة أسمع واحد من ملاك الصنى الجديدة يشتكى من هذا العيب عموما ممكن حضرتك تروح لأقرب مركز خدمة معتمد وخليهم يشيكوا على الموضوع ده وأنشاء الله بسيطة

**the_air_devil** · 16-12-2012 08:41 AM

اللي شايف العربية مش ثابتة يا مايشتريهاش يا مايسوقهاش على سرعات عالية , ملاك العربية تفضلوا مشكورين وقالوا كلمتهم , والعربية لو فيها 20 إيرباج وكل أنواع الفرامل المعلومة والمجهولة وكل أنواع الكاوتش ولقيت قدامك حاجة في شوارع مصر على سرعة 180 مش هاتعرف تتفاداها ... والعربية هاتختفي زي ماكلنا شفنا فيديوهات تصادم على 180 ...

تاني باكرر واقول العربية لو بتخرج من مكانها كنا كلنا قلنا كدة, اما لو عند شخص أو اتنين فأعتقد محتاجين يروحوا يكشفوا عليها , وأعتقد ان ماحدش فينا يملك يقول للتاني انت مبتدئ سواقة أو محترف لأن القانون العتيق بيقول : السواقة مالهاش كبير

وأظن اننا كلنا هنا بنتبادل خبراتنا من غير ماحد يشكك في مقدرة التاني على القيادة بتمكن , خصوصاً ان الناس اللي بتناقش القيادة على سرعات 200 في مصر أكيد مش بيهمهم حياة غيرهم, وياريت كل واحد فينا يراعي التاني في المنتدى الجميل ده وخصوصاً قسم نيسان بكل تاريخه

**mohamedrabia** · 16-12-2012 08:55 AM

الصوت ده عندي في نيسان صني 2007 واتجننت منه ورحت لعفشجي قالي العربيه زي الفل ورحت فكيت المساعيدن وقالي برده زي الفل واخيرا اعتدت عليه بس هو مستفز جدا لما حد يركب معاك ويقولك العربيه عايزة تتربط وتبتدي تشرحله القصه ولو رحت لاي حد هيقولك عربيتك سليمه يا استاذ انت بيتهيالك.

**khaled_1263** · 16-12-2012 10:56 AM

فعلا النوع الغير معروف من المشاكل يسبب القلق

**the_air_devil** · 16-12-2012 11:06 AM

واضح ان فيه مشاركة ليا المفروض تكون في موضوع تاني وانا آسف انها دخلت هنا ...مش عارف امتى وازاي ... عموماً نتكلم في موضوعك أول حاجة اتأكد ان مافيش حاجة محطوطة في الأبواب لأني كنت باسمع صوت غريب يجنني واحس ان فيه حاجة مفكوكة والاقي ان كان فيه سيديهايتين في جراب الباب اليمين أو شوية فكة في مكان حامل الأكواب

اتأكد ان الدرج اللي في التابلوه مافيهوش حاجة تعمل صوت مع الحركة ولو فضل الصوت موجود ياريت تخلي التوكيل يبصلك عليه

بالمناسبة التابلوه كله حتة واحدة وانا لسة فاكه ومركبه الأسبوع اللي فات ومافيهوش حاجة تعمل صوت

**Youssef.Awad** · 16-12-2012 10:39 PM

غالبا الصوت بيكون ناتج من احتكاك التابلوه بالاطار المطاطى للزجاج الامامى او ديكور الابواب والكونصول وهتلاقيه يروح وييجى بلا انتظام يعنى

**sdelbassuny** · 17-12-2012 08:28 PM

طفابة السجايره هى الي بتعمل صوت عندى

**mmohamed15** · 18-12-2012 06:34 PM

مفيش طفايه سجاير في العربيه بس تحس انا الصوت ده جي من عدادت السرعه و الار بي ام صو تزنه من العداد كده مش عارف من ايه الصراحه

-

الموضوع: صوت في التابلوه

LinkBack

أدوات الموضوع

عرض

-

-

-

-

-

المواضيع المتشابهه

كسر في التابلوه

نور التابلوه ؟

فك التابلوه

R.p.m التابلوه

صوت فى التابلوه

الكلمات الدلالية لهذا الموضوع

المفضلات

المفضلات

ضوابط المشاركة