سؤال لمالكي الصني الجديدة عن التيل

**theislamic** · 03-02-2013 09:50 PM

السلام عليكم, انا عارف ان خامته سيئة جدا و انا اصلا مضايق منه من ساعة ما جبت العربية فحبيت اشارك مع حضراتكم مشكلتي معاه
التيل الامامي عندي في السوبر صالون بيطلع صماد اسود من ساعة ما جبت العربية و انا نسيت اقلهم عليها في صانة الالف و دلوقت العربية عاملة 2500 و برده لسة نفس الحكاية و ده مخلي الجنط الامامي اسود خصوصا من جوا فهل ده طبيعي و لا لا وهل حصل مع حد غيري؟ وشكرا

**canner** · 03-02-2013 10:04 PM

هو معلش سؤال حضرتك هو ازاى شوفت السواد ده انت بتفك الكاوتش و لا لما بتجيب اخر الدريكسيون و بتشوفه؟

تحياتى

**theislamic** · 03-02-2013 10:08 PM

ما هي العربية سوبر صالون فالجنط سبورت بس هو لو بيطلع صوماد عند حضرتك بيبان لو غسلته

**youssef_u** · 03-02-2013 10:09 PM

طبيعي بسبب سوء الخامات و بيتغير في الضمان و يستحسن تغيره قبل ١٠ الاف عشان متدفعش حاجة

**canner** · 03-02-2013 10:21 PM

المشاركة الأصلية كتبت بواسطة theislamic

ما هي العربية سوبر صالون فالجنط سبورت بس هو لو بيطلع صوماد عند حضرتك بيبان لو غسلته

معلش يا باشا اصلى عندى الاكس و بفكر عليها ربنا يبارك لك فى عربيتك

بص يا باشا و من الاخر لو فيه اسوداد من التيل يبقى من الكربون اللى فيه روح عند ميكانيكى ثقة و خليه يفكلك التيل و يكشفلك عليه لو لقيته متاكل اعرف انه ردئ و بيتاكل بسرعة و روح التوكيل على طول و ممكن يكون من السواقة يعنى ممكن انت بدوس على الفرامل كتير و بشكل مفاجئ

لو لقيت التيل سليم اعرف ان السواد ده جى من حاجة تانية

تحياتى

**hatahet** · 03-02-2013 10:45 PM

انا معايا بردو السوبر صالون ولاحظت ان فيه سواد على الجنط باستمرار بس الحمد لله مافيش صوت صفارة ولا حاجة و انا لسى ماكملتش ال 1000 كم بس انشاء الله هخليهم يكشفوا عليه فالصيانة

**ART_tv90** · 04-02-2013 12:55 AM

انا عندى فعلا الصماد ده وخاصه فى العجلات الاماميه .. بس كل اللى اسئله يقولى عادى
وتبان اكتر وانت بتغسل العربيه فى مغسله .. تلاقى كميه كبيره من الصماد ده .... ربنا يستر هما كشفوا عليها فى صيانه الالف وقالولى عادى .. مفيش مشكله .. السؤال المهم .. لسه مغيروش نوع التيل ده فى السيارات المجمعه حديثا .. ولو اتغير فى الضمان هل نفس نوعيه التيل اللى كانت راكبه ولا بتتغير نوعها بماركه افضل .. لان لو نفس النوعيه تبقى مشكله لان العيب ممكن يظهر تانى
ياريت حد يفيدنا فى الموضوع ده .. من الصقور

[img2]http://nileup.com/up/uploads/nilemotors_13522393591.jpg[/img2]

**Hulk 1** · 04-02-2013 11:37 AM

وانا برده بيظهر عندي في الفرده الاماميه يمين

**HaNo_ELBeh** · 04-02-2013 12:33 PM

المشاركة الأصلية كتبت بواسطة theislamic

السلام عليكم, انا عارف ان خامته سيئة جدا و انا اصلا مضايق منه من ساعة ما جبت العربية فحبيت اشارك مع حضراتكم مشكلتي معاه
التيل الامامي عندي في السوبر صالون بيطلع صماد اسود من ساعة ما جبت العربية و انا نسيت اقلهم عليها في صانة الالف و دلوقت العربية عاملة 2500 و برده لسة نفس الحكاية و ده مخلي الجنط الامامي اسود خصوصا من جوا فهل ده طبيعي و لا لا وهل حصل مع حد غيري؟ وشكرا

حتى لو حضرتك عديت صيانة الالف مش لازم تستنى صيانة ال 5000 حاول تكلم التوكيل وتحجز وتروح تعملهم بلو وخليهم يغيروا انا عارف ان اوتو ايجيبت محترمين لو فى حاجة هيعملوها بس مش عارف اى توكيل تانى هيقولك ايه
بالتوفيق وانشاء الله تتحل المشكله