الموضوع: تقرير صيانة ال 5000 كم للنيو صنى

بسم الله الرحمن الرحيم

احب فى الاول اشكر الاخ الكريم الاستاذ احمد عصام ( the_air_devil) بصراحة انسان فوق الوصف و مساعداته اللى فادتنى جامد و نصايحه اللى بصراحة حلت كتير من المشكلات اللى اللى كانت عندى

ربنا يخليك و يكرمك يا استاذ احمد و يخليك لينا انت و كل الاعضاء الكرام اللى الواحد بيفتخر اللى انه يعرفهم و سمع عنهم فى حياته

نخش بقى فى الموضوع

انا حبيت المرة دى فى صيانة ال 5000 كم اجرب السبع اوتو سيرفس فى زهراء المعادى و ح اقول على ملاحظاتى فى نقط متتابعة:

1- اتصلت و اتوقعت ان الصيانة ح تكون بعديها بكام يوم بس الغريبة انهم قالولى تعالى تانى يوم و انبسطت جدا.

2- محترمين جدا فى التعامل و ذوق فى الكلام.

3- كان ميعاد الصيانة الساعة 11 و اتصلت بيا واحدة من خدمة العملاء الساعة 10 و تلت علشان تأكد الميعاد.

4- اتفجأت ان المركز قريب جدا من مكان شغلى.

5- استقبلنى المهندس اسلام من خدمة العملاء و هو انسان محترم جدا و اصر ان عربية الشركة توصلنى مكان الشغل لما عرف انه قريب و مافيش حد يوصلنى و انى ح اخدها مشى علشان المكان مافيهوش تاكسيات .

6- ادانى رقم تليفونه علشان اتصل بيه و اعرف لما العربية تخلص علشان اجى اخدها.

7- مافيش اى ورق يثبت انهم خدوا منى العربية و قاللى استلمها بالرخصة.

8- على الساعة اتنين تقريبا اتصلت بيه و قاللى العربية خلصت و تعالى استلمها.

9- رحت علشان استلمها و و خلصت باقى تخليص الاجراءات بنفسى و اتغير النظام خالص و اخدم نفسك بنفسك مافيش حد يفهمك اللى حصل فى العربية .

10- كنت قولتله ان فيه صوت صفارة فى الفرامل و انه يفك التيل و يتنضف بالهوا و محصلش الكلام ده و الصفارة لسه موجودة .

11- كنت قلت له السحب بتاع العربية مش كويس و كتب كده فى الملاحظات و مافيش حاجة اتغيرت و من الواضح ان مافيش حاجة اتعملت.

12- لقيت خبطة فى الباب الورانى زى مايكون تلات مسامير خبطت الباب مرة واحدة و دى متأكد منها علشان انا اللى بمسح العربية بنفسى و كنت ماسحها يوميها الصبح و ما اكتشفتهاش غير تانى يوم و انا بمسحها برضه.

13- العربية كانت وسخة من جوة و من بره بعد الاستلام.

14- سألت عن فلتر التكييف قالوللى بمتين جنيه و مش موجود.

15- دفعت 83 جنيه

تحياتى

يعني سبت العربية و الباب اتخبط ودفعت 83 جنيه بدون مقابل ؟؟؟؟