شكرا يا باشا على سرعة استجابتك لطلبى
عرض للطباعة
شكرا يا باشا على سرعة استجابتك لطلبى
طيب يا جماعة إنتوا أفدتونى جدا والله، فاضل بس نقطة واحدة: تدلونى على واحد شاطر يعرف يعمل الحكاية دى يكون بيفهم مش بيفتى
انت مش محتاج اكتر من ميكانيكى كويس لانك المفروض حتجيب الفرامل السكاكين بتاعت عربيتك استيراد و تركبهم مكان الفرامل الطبلة
لو الموضوع تعديل و استخدام مكونات مش بتاعت عربيتك اعتقد الموضوع حيبقى صعب و محتاج حد بيفهم كويس اوى
MMamdouh
أعتقد إن عربيتى مالهاش فرامل خلفية سكاكيين، فهل ينفع أجيب مكونات زى الفرامل الأمامية ؟؟؟
وفى كل الأحوال أنا فعلا عاوز حد بيفهم كويس قوى علشان تعديل الماستر اللى حضرتك قولت عليه، وأنا ما أعرفش حد بالمواصفات دى، فلو كمان تدلنى على حد يبقى تمام
للاسف معرفش حد كويس فى اليابانى او الميرا تحديدا.... حاول تدور على النت فى منتديات الدايهاتسو مثلا يمكن يكون حد قدر يعمل القصة دى و منها تعرف المكونات المطلوبة و خطوات التعديل
انا مرة من فترة لقيت موضوع تعديل فرامل ال128 لسكاكين باستخدام طنابير امامى من فيات 124
MMamdouh
طيب يا أستاذ محمد ممدوح استحملنى شوية ، وتعالى نفكر سوا
هل فيه مشكلة إذا استخدمت طنابير أمامية (سكاكين) مكان الخلفية مع إجراء التعديل اللى ذكرته على الماستر؟؟
يعنى من ناحية نظرية بحتة إيه الاختلاف اللى هيحصل (بخلاف تحسن الأداء_ وهو المقصود) والمفروض يتاخد فى الحسبان؟؟
أنا عارف إنك مش بتحب التأليف - وانا كمان والله خصوصا إن دى فرامل - بس آهو الواحد يتعلم برضه الغلط من الصح وجزاك الله خيرا
خللينا نمشى واحدة واحدة
دلوقتى انت حتفك كل حاجة ورا لحد الصرة....
هل الطنبورة الاماية تركب على الصرة الخلفية؟ لو طلع عندك النظام ورا زى موديلات اللانوس اللى بعد 2001 حتلاقى الصرة جزء لا يتجزاء من الطبلة و بالتالى حتلاقى اللى فاضل ورا هو الاكس فقط لاغير
الكالبر بتاع الفرامل الامامية بالدوشمة حيمسك فى اية؟ ورا مفيش ركبة زى قدام عشان يركب عليها
الكالبر الامامى بالطنبورة كبير جدا على فرامل ورا و بالتالى بدون البلوف فرامل ورا حتقفش من اول لمسة لانها قوية جدا ووزن العربية حيترمى على الامام ساعة الفرامل
حتشغل فرامل اليد ازاى؟؟
اعتقد طالما مفيش لعربيتك اصلا فرامل ورا دسكات حيبقى الموضوع شبة مستحيل
MMamdouh
جزاك الله كل خير يا أستاذ محمد
حضرتك فعلا جبت من الآخر فى الموضوع ده بالنسبة لعربيتى وأفدتنى جدا، سؤال بس صغنن جدا:
إنت قولت : هتشغل فرامل اليد إزاى؟؟
سؤالى أنا بأه وفعلا كان فى دماغى: فرامل اليد بتشتغل إزاى لما تبقى الرامل الخلفية سكاكين؟؟؟
بيبقى فيه طبلة صغيرة في منتصف الديسك بتاع الفرامل و بشتغل فرامل يد فقطاقتباس:
سؤالى أنا بأه وفعلا كان فى دماغى: فرامل اليد بتشتغل إزاى لما تبقى الرامل الخلفية سكاكين؟؟؟
شكرا يا nobody على الإجابة