الموضوع: مشكلة عداد حرارة فيرنا

السلام عليكم ورحمة الله وبركاته

أرجوكم اى حد يشوفلى حل للمشكلة دى لأنى خلاص اتخنقت وعلى أخرى !!!

دلوقتى أنا عداد الحرار عندى فى فيرنا 2008 كان زى الفل مافهوش مشاكل وكان كله مية مية ، وإذ ذات فجأة العربية عطلت بسبب مشكلة كده وقفت حوالى 4 ايام ، المهم بعد ماصلحت العربية ومشيت عداد الحرارة مابقاش بيوصل للعلامتين زى الأول خالص !!!

(1) هو الأصل
(2) مايحدث الآن


فدلوقتى انا المشكلة عندى انى مهما مشيت بالعربية بتفضل الحرارة ثابتة تحت النص ..

لكنى اول مرة لاحظت الموضوع ده نزلت الصبح ودورت وسبت العربية واقفة ماتحركتش بيها خالص لقيت المؤشر وقف فى مكانه بين العلامتين عادى ودى كانت اول مرة ادورها على طول بعد الكشف بالكمبيوتر، المهم طفيت وبليل جيت نزلت بيها بس ماسبتهاش تسخن كتير حوالى دقيقتين ومشيت ، لكن طول الطريق وانا ماشي العداد تحت النص مهما حرقت ومهما مشيت !!!


من يومين كده نزلت الصبح وركنتها وروحت اجيب طلب فى حوالى 5 دقايق ورجعت لقيت المية تحت العربية فتحت وبصيت لقيت القربة جايبة ماية من الخرطوم بتاع الفايض وشغالة تغلى وتفور ، جبت الكهربائى فضل يبص هنا وهنا وقالى دور طيب ، فضلت سايبها حوالى ربع ساعة دايرة ولكن الموضوع تمام مافيش مشاكل المراوح شغالة والعربية منتظمة لدرجة ان الراجل بصلى بصة وحشة :D

قلتله طيب ايه اللى حصل ده ، مش بيرد ، قلتله طيب بص عالعداد جوه ، بص كده وقالى غير العداد !!!

وبصراحة من يومها وانا مش بدورها ومش عارف اعمل ايه لأنى خايف فعلاً امشي بيها !!؟؟


انا عملت موضوع فى قسم هايونداى والأخوة هناك عملوا معايا مجهود مشكورين عليه لكن للأسف ماحلتش المشكلة
وده رابط الموضوع لو حد يحب يطلع عليه

http://www.nilemotors.net/Nile/323828-a.html