ياريس والا الانترا ( مستعمله )

**Y a r i s** · 19-12-2012 05:22 AM

سنة ٢٠٠٩ و ٢٠٠٨
سعر اليارس ٩٢ الف جنية
و
سعر الالنترا. كان غلي ساعتها ووصل ل ٩٥ الف جنية

ايش جاب الاكسينت في الموضوع ... والي كان بيشتري وقتها كان قداموا دي وكان قداموا دي. بس في ناس تفضل الكوري وفي ناس تفضل الياباني الاصلي .... وزي ما قلنالك كده خود العربية النضيفة الي قدامك ... لقيت يارس نضيفة ماشي لقيت الاينترا نضيفة ماشي لقيت هوندا سيتي كمان ممتاز الي هيا الشكل الجديد تحفة منفخة وروعة واظن هتبقى افضل من الالنترا ... وتحياتي

**SAMEH_FOUAD** · 19-12-2012 09:11 AM

المشاركة الأصلية كتبت بواسطة cyber007

ياعنى تسارع الياريس من 0 ل 130 هوا هوا الالنترا !!!!

شوف ياباشا ماتور الالنترا 1600 سى سى قوتة 121 حصان وماتور الياريس 1300 سى سى قوتة 92 حصان تقريبا او 86 حصان مش فاكر بالتحديد

الالنترا على الداينو بتخرج 80 حصان , والياريس على الداينو بتخرج 68-70 حصان يعنى الفرق 10 حصان , الوزن اتقل لصالح الالنترا , والياريس اخف فالتسارع بيكون تقريبا واحد او الياريس اقل شوية بسيطة , لكن بعد السرعة بيبان القصور فى المحرك ال1300 سى سى عشان ال torque بتاعة اقل وكمان مع خفة وزن الياريس فى السرعات العالية مابتقدرش تقاوم الهواء فطبعا بتوصل لحد 160 الى حد ما معقول وبعد كدة العربية بيقل تسارعها بشكل ملحوظ الى ان تقف عند سرعة 185 كم

نفس الكلام فى الالنترا بردة بتقع جامد بعد سرعة 140 بس مش زى الياريس , والالنترا بيقل تسارعها جدا بعد سرعة 160 كم , الا ان تستقر عند سرعة 205 كم \

دة تحليلى للسياراتين فى تجربة التسارع

**S O P H O S** · 19-12-2012 10:01 AM

المشاركة الأصلية كتبت بواسطة semsem kane

شوف ياباشا ماتور الالنترا 1600 سى سى قوتة 121 حصان وماتور الياريس 1300 سى سى قوتة 92 حصان تقريبا او 86 حصان مش فاكر بالتحديد

الالنترا على الداينو بتخرج 80 حصان , والياريس على الداينو بتخرج 68-70 حصان يعنى الفرق 10 حصان , الوزن اتقل لصالح الالنترا , والياريس اخف فالتسارع بيكون تقريبا واحد او الياريس اقل شوية بسيطة , لكن بعد السرعة بيبان القصور فى المحرك ال1300 سى سى عشان ال torque بتاعة اقل وكمان مع خفة وزن الياريس فى السرعات العالية مابتقدرش تقاوم الهواء فطبعا بتوصل لحد 160 الى حد ما معقول وبعد كدة العربية بيقل تسارعها بشكل ملحوظ الى ان تقف عند سرعة 185 كم

نفس الكلام فى الالنترا بردة بتقع جامد بعد سرعة 140 بس مش زى الياريس , والالنترا بيقل تسارعها جدا بعد سرعة 160 كم , الا ان تستقر عند سرعة 205 كم \

دة تحليلى للسياراتين فى تجربة التسارع

مظبوط الياريس هي الي 86 حصان الكورولا الشكل القديم ال 1300 هي الي 92 حصان
بس يا سمسم باشا النترا تظلع 80 حصان واقعي يعني ناقص 40 حصان
ده امر مضحك اي عربية بتقل 20 حصان بالكتير انما 40 حصان !!!!
ده بيأكد انها مجرد ارقام وخلاص
مع ملاحظة ان السيراتو مطلعة 99 او 100 حصان وده مقبول جدا منها
تحياتي ..

**Ahmod** · 19-12-2012 10:19 AM

الالنترا فئة اعلى من الياريس

المفروض انها تبقى في Category الكورولا والسيفيك مع الفرق طبعا

الياريس Compact اكتر فالالنترا افضل للاستخدام العائلي

لو انت مش فارق معاك المساحة الداخلية ممكن تفكر في الياريس طبعا هتكون افضل في استهلاك البنزين والاعتمادية وقلة الاعطال

ولو ان الالنترا الشيب القديم برضوا اثبتت وجودها ومالهاش مشاكل واعتماديتها كويسة اوي

المشاركة الأصلية كتبت بواسطة cyber007

مش قدامي لسه . انا يادوب لسه مفكر فيها وانا قاعد اقلب فى .......cars على ياريس حلوه وكتبت الموضوع على طول ، انا خفت بس اجيب ياريس الاقيها ضعيفه وبرضه متحلش عقده التسارع البطىء اللى جابتهولى اللانوس

المشاركة الأصلية كتبت بواسطة cyber007

ياعنى تسارع الياريس من 0 ل 130 هوا هوا الالنترا !!!!

من نحية التسارع ماتقلقش هي اقوى من الانوس بكتير

اما بالنسبة لمقارنتها بالالنترا فانا بطلع من اي النترا على الاقل لحد 150/160 - بإستثناء المانويل -

الالنترا الاتوماتيك مش جراية زي مانت متخيل !! السيراتو وال RB اقوى منها

شوف الياريس كتسارع vs اي عربية 1.6 بما فيهم الكورولا ال MMT والسيفيك هتلاقيها كويسة اوي معاهم لحد 150 طبعا حتى لو الافضلية ليهم مش هتبقى بفرق كبير يعني فرق عربية عربيتين بالكتير

بعد كدة على السرعات العالية الفرق بيزيد

فلو انت مهتم بالجري فوق ال 160 ممكن تضايق من الياريس لان اي 1.6 شديدة هتطلع منك بفرق على السرعات العالية خصوصا لما تبقى في طريق الهوا في وشك

وانا عملت Highlight لشديدة !! عشان ماتبقاش فاكر ان اي 1.6 هيطلع منك فوق ال 160 !!! لا Still فيه عربيات هتفضل طالع منها لحد ماتقفل عدادك

**Ahmod** · 19-12-2012 10:21 AM

المشاركة الأصلية كتبت بواسطة S O P H O S

مظبوط الياريس هي الي 86 حصان الكورولا الشكل القديم ال 1300 هي الي 92 حصان
بس يا سمسم باشا النترا تظلع 80 حصان واقعي يعني ناقص 40 حصان
ده امر مضحك اي عربية بتقل 20 حصان بالكتير انما 40 حصان !!!!
ده بيأكد انها مجرد ارقام وخلاص
مع ملاحظة ان السيراتو مطلعة 99 او 100 حصان وده مقبول جدا منها
تحياتي ..

الكورولا ال 1.3 والياريس نفس الماتور 2NF-ZE وده 86 حصان !! وموضوع 92 حصان ده اشاعة مش عارف مصدرها لحد دلوقتي !!!

سيراتو واحدة فقط هي اللى طلعت 100 حصان !!!! وسط زهول كل اللى كان موجود في TPS !!

مع انها Stock !!

اما باقي السيراتو كان رنجهم على الداينو مابين 85/88 حصان

**SAMEH_FOUAD** · 19-12-2012 11:24 AM

المشاركة الأصلية كتبت بواسطة S O P H O S

مظبوط الياريس هي الي 86 حصان الكورولا الشكل القديم ال 1300 هي الي 92 حصان
بس يا سمسم باشا النترا تظلع 80 حصان واقعي يعني ناقص 40 حصان
ده امر مضحك اي عربية بتقل 20 حصان بالكتير انما 40 حصان !!!!
ده بيأكد انها مجرد ارقام وخلاص
مع ملاحظة ان السيراتو مطلعة 99 او 100 حصان وده مقبول جدا منها
تحياتي ..

هو دة اللى المفروض يحصل

وهية فعلا ارقام وخلاص لان تلاقى مثلا عربية تانية اقل منها قوة ومعدياها

يعنى Gen2 مرة كانت مزحفة النترا وراها واهية دية 110 والتانية 121 حصان

وسيارة دايو نوبيرا بالماتور ال106 حصان , كانت ماشية جنبيها اسبيرنزا A516 اللى اعتقد ماتورها 92 حصان تقريبا ,. ودول كانوا شباب بيجروا مع بعض على المحور

سيارة فيرنا 106 حصان , ماشية جنب كيا سول 124 حصان والاتنين بيجروا مع بعض يعنى كان الفروقات بسيطة جدا لا تتعدى ربع متر

نفس الكلام فيرنا مانيوال بتشد مع اوبترا اتوماتيك والاتنين ماشيين جنب بعض والاتنين اصحابى وكانوا بيتحدوا بعض drag race , وكان الطريق هاى واى ولا غرز ولا اى حاجة
طيب ازاى بقى والاتنين 107 حصان المفروض يعنى

يعنى الواحد بيشوف حاجات وارقام معلنة وفى الاخر بيشوف على الواقع حاجات تانية نهائى