ياريس والا الانترا ( مستعمله )

**cyber007** · 18-12-2012 01:53 AM

استكمالا لمسلسل الحيره المستمره اللى مش عارف اطلع منها ويعد ما كنت خلاص نويت على الياريس بدأ الوسواس يجيلى تانى والمره دى مع الانترا

انا معايا 80 - 85 كحد اقصى بعد ما ابيع الانوس اللى معايا ( شاريها زيرو ومكملتش 15000 الف كيلو ) ، هبيعها لانى عاوز عربيه اتوماتيك - شكلها حلو - احس انى راكب عربيها من زمنا دا مش عربيه تسعينات (هيا موديل 2011 ) وعاوز عربيه مسمعش صوتها وبتجري حلو ، ياعنى لما اسخن مع حد مركنش على جمب انا - واخر حاجه لما ابيعها مخسرش كتير وكفايه اول خساره

طبعا بما انى من المنصوره مسمعتش كلام حلو عن الياريس فى اعاده البيع والانتشار ودا اللى خلانى اشوف حاجه تانيه قبل ما اتسرع واحسن انى جبت عربيه 1300 سحبها مش اللى هوا اتضايق منها زى الانوس

احنا عندنا كورولا 1300 اتوماتيك وسحبها مش عاجبنى وان كان افضل من الانوس بمراحل بس هل الياريس نفس المستوى كده !!!!!!!!!!!!!!!!!!!!!!!!!!!!!!!!!!!!!!!

**Y a r i s** · 18-12-2012 03:00 AM

اليارس متورها وفتيسها هو هو الكورولا
واذا معجبتكش الكورولا خليك في الالنترا افضلك
ايام مكنت بجيب اليارس كان سعرها بسعر الالنترا ... ويومها كنت محتار زيك كده وقعدت افكر في كزا حاجة :
١- البانزين. اليارس تكسب
٢- شخاليل البلاستيك الي في العربية. الهونداي بلاستيكات .
٣- حجم العربية الخارجي الالينتر اكبررررر في الركنات مشكلة
اما غير كده انا سوقت الالينتر بسم الله مشاء الله عليها تحفة كسحب وثبات معقولة جداً توكل على الله اذا البانزين مش فارق معاك .

**cyber007** · 18-12-2012 09:44 AM

هوا استهلاك البنزين بتاع الالنترا عالى اوي ... برضه الواحد عشان ميظلمش العربيه هل الاستهلاك مقابل الاداء حلو؟؟؟ ياعنى انا بالنسبه ليا شايف اللانوس استهلاك عالى مقابل اداء ضعيف شايف الكورولا استهلاك معقول مقابل اداء الى حد ما معقول ، انا مش بمشى كتير ياعنى العربيه من 12/2010 معايا ولسه مكملتش 15000 كيلو

**S O P H O S** · 18-12-2012 10:05 AM

استهلاك بنزين الالنترا مش عالي علي ماتور 1600
وعموما ماتور الكورولا هو الياريس مع افضلية للياريس بسيط جدا فالسحب
وعموما لو قدامك النترا نظيفة توكل علي الله مدام مقتنع بيها ..

**cyber007** · 18-12-2012 10:25 AM

مش قدامي لسه . انا يادوب لسه مفكر فيها وانا قاعد اقلب فى .......cars على ياريس حلوه وكتبت الموضوع على طول ، انا خفت بس اجيب ياريس الاقيها ضعيفه وبرضه متحلش عقده التسارع البطىء اللى جابتهولى اللانوس

**S O P H O S** · 18-12-2012 12:06 PM

المشاركة الأصلية كتبت بواسطة cyber007

مش قدامي لسه . انا يادوب لسه مفكر فيها وانا قاعد اقلب فى .......cars على ياريس حلوه وكتبت الموضوع على طول ، انا خفت بس اجيب ياريس الاقيها ضعيفه وبرضه متحلش عقده التسارع البطىء اللى جابتهولى اللانوس

بص يا باشا النترا 2008 الي 2010 هتبقي افضل فالسحب من الياريس
واستهلاك البنزين متقلقش منه لان هيونداي معروفة بالاستهلاك المعقول للبنزين
طبعا تكيف وثبات واعتمادية متفرقش كتير عن الياريس وبنسب متفاوتة بين دي وبين دي يعني متقاربين
وخلي بالك ان النترا فئة الكورولا مش فئة الياريس يعني باي حال من الاحوال
مدام الانترا نظيفة يبقي لا تقل عن الياريس ( شرط حالة العربية النظيفة ) ودي اهم نقطة
عموما كراي فقط لو قدامك الاثنين فيوم وحالتهم نظيفة وعلي طلباتك اختار الالنترا وبدون تحيز
وربنا يوفقك للافضل فيهم
والله اعلم ..

**SAMEH_FOUAD** · 18-12-2012 01:12 PM

فئتين غير متكافئتين ازاى بتقارن بينهم ؟؟؟؟

النترا قدامها كورولا

ياريس قدامها اكسنت

فطبيعى فى اختيارك دة الالنترا هتكسب

ولكن الافضلية فى الياريس عن الالنترا هو البنزين - قلة الاعطال عن الالنترا - مواصفات الامان فى الياريس افضل ( abs*airbag ) فى معظم الفئات

وخلى بالك تقريبا لحد سرعة 130 كم هتلاقى الياريس نفس الاداء بعد كدة الالنترا هتسبق بس مش بالفرق اللى انت متخيلة

وبردة نصيحة ليك محدش بيجرى بالنترا عشان الثبات والفرامل يعنى بلاش غرز والكلام دة لان الباور كهرباء وخفيف جدا وسيبك من اللى بيقول بيتقل والكلام دة العربية اتجربت اكتر من مرة وماتقلش ولا حاجة ( من وجهة نظرى )

**cyber007** · 18-12-2012 11:09 PM

المشاركة الأصلية كتبت بواسطة semsem kane

فئتين غير متكافئتين ازاى بتقارن بينهم ؟؟؟؟

النترا قدامها كورولا

ياريس قدامها اكسنت

فطبيعى فى اختيارك دة الالنترا هتكسب

ولكن الافضلية فى الياريس عن الالنترا هو البنزين - قلة الاعطال عن الالنترا - مواصفات الامان فى الياريس افضل ( abs*airbag ) فى معظم الفئات

وخلى بالك تقريبا لحد سرعة 130 كم هتلاقى الياريس نفس الاداء بعد كدة الالنترا هتسبق بس مش بالفرق اللى انت متخيلة

وبردة نصيحة منلى ليك محدش بيجرى بالنترا عشان الثبات والفرامل يعنى بلاش غرز والكلام دة لان الباور كهرباء وخفيف جدا وسيبك من اللى بيقول بيتقل والكلام دة العربية اتجربت اكتر من مرة وماتقلش ولا حاجة ( من وجهة نظرى )

ياعنى تسارع الياريس من 0 ل 130 هوا هوا الالنترا !!!!

-

-

الموضوع: ياريس والا الانترا ( مستعمله )

LinkBack

أدوات الموضوع

عرض

-

المواضيع المتشابهه

تسعير ياريس 2009 مستعمله

كورولا والا الانترا

ياريس 2007 مستعمله ولا لوجان زيرو

ياريس ولا الانترا؟؟؟؟؟

ياريس جديده ولا كورولا مستعمله

الكلمات الدلالية لهذا الموضوع

المفضلات

المفضلات

ضوابط المشاركة