الموضوع: التقسيط الاسلامى ..... حقيقة ام خداع

طيب ممكن تفاصيل عن الشركة دى وهل الفرق فى سعر العربية بيكون كبير يعنى ممكن يكون اسلامى بجد بس بلاحظ انهم بيأخدوا فرق سعر كبييييييير اووي بطريقة مبالغ فيها

المشاركة الأصلية كتبت بواسطة mohamed_rhem

طلع حقيقة

انا مقسط مع شركة تقسيط اسلامي

اولا العربية بتاعتهم وبالمناسبة هما الوكيل كمان

ثانيا مفيش بنك

ثالثا مفيش تأمين شامل

رابعا مفيش حاجة اسمها غرامة تأخير

حاجة اسمها البيع بالمرابحة

طيب لو انا عايز اقسط مستعمل موديل 2011 و هدفع 50الف من 110 بيبقى ايه النظام ؟

[gdwl]

المشاركة الأصلية كتبت بواسطة megaman

بص يا سيدى لايوجد تامين ولا غرامة تاخير انا كنت دافع 31500 سعلر العربيه كاش ب77000 العقد كان على 99 وكسور قول 100000 القسط الشهرى 1409 ممكن تحسبها حضرتك حتلاقيها ارخص من القسط العادى + التامين يبقى هما ارخص

[/gdwl]

طب معلش انت بتقول سعر العربية كاش كان ب 77000 وانت دفعت مقدم 31500 يعنى كان عليك 77000-31500=45500 بس الاجمالى وصل الى 100000 !!!!! يعنى دفعت زيادة 23000 عشان تقسط 45500 ده كتير اوى دي 50% زيادة ولا انا حسبتها غلط انت كمان ماذكرتش قسطت على كام سنة

تمام هو ان كنت بشوف موضوع برده قديم عن التقسيط الاسلامى و كان فيه ناس كتير كاتبه انها اتعاملت مع كونتك كارز وان تقسيطهم اسلامى و تعاملهم فى قمة الاحترام بس تقريبا كده كان فى مشكلة بخصوص التأمين مافهمتهاش اوى لانى مش عارف فكرة التأمين اصلا حرام ليه