الموضوع: ★تقريرعن الفورتشنر بعد كسر حاجز الـ 100 الف كلم

انا شفت تقرير لواحد عملوا كمل ١٠٠ الف كيلو بالعربية الفورنيتشر فحبيت انقل لكم كلاموا وتجربتوا للاستفادة والمناقشة

السلام عليكم ورحمة الله وبركاته


كيفكم يا شباب عساكم بخير ان شاء الله


اليوم ابغى انقل لكم تجربتنا مع فورتشنر موديل 2008


نبدأ بسم الله //


السيارة / تويوتا فورتشنر ستاندر 4 سلندر محرك 2.7 لتر بدون دبل قير اوتوماتيك

　
السعر / 73500 الف من عند ( النماص ) موزع معتمد لدى عبد اللطيف


الموديل / 2008


العداد / 100 الف وكسور


الميزات /


1 / اقتصادية في استهلاك الوقود داخل المدينة وخارجها


2/ قومتها خفيفة طبعا من صفر الى 80 كلم بعدها تصبح السيارة ثقيلة ( طبعا لان المحرك صغير

مقارنة بالحجم )


3/ استجابة سريعة للمحرك بمجرد الضغط على دواسة الوقود


4/ سعر ممتاز مقارنة بالمواصفات


5/ احتوائها على مكيفين منفصلين ،،


6/ محركها نفس محرك الهايلوكس نفس الكلام ينطبق على الاينوفا وهذا الشي مو عيب بالعكس

المكينة تكرف كرف مو طبيعي ،،،


السلبيات /


1/ المواد المستخدمة في داخلية السيارة من اسوأ المواد لدرجة ان الايرباج المخصص للراكب

انتفخ شوية مع حرارة الشمس وهذه صورة للإيرباق

2/ رجة في الدركسون عند ضغط الفرامل عند سرعات عالية قمنا بترصيص الكفرات وما في اي

فائدة رحنا للضمان قالوا ( طبيعي ) كل الفورتشنرات كذه ،،


3/ السيارة مزعجة جدا جدا في المطبات والحفريات حتى الحفريات الصغيرة واكثر شي يزعجني

لما اسمع صوت المقاعد السيت الثالث لما تكون معلقة تقعد تسمع صوتها زي ( كركركركركر )


4/ في المنعطفات تحس بخطورة وكأن السيارة تبغى تنقلب ( ما ادري عن بقية الجيوب الاخرى

بحكم اننا اول مرة نشتري سيارة جيب ) وايضا لو قابلت لفة وكان هناك حفرة صغيرة تحس ان السيارة تزحف سواء


على اليمين او على اليسار ،،


5/ الفرامل سيئة جدا يعني اوقات المطر لو جيت ضغطت الفرامل على سرعة 40 كلم تنزلق السيارة ،،


6/ البوادي سيئة للغاية اقل دقة تنفك الكلبسات وتطلع الصدامات من مكانها ( حصل مع الوالد ) وهو راجع للخلف ،،،


بصفة عامة مستوى الامان في الفورتشنر صفررررة ( رأي شخصي ) وانا انصح اللي يسكنون في

المناطق الجبلية والمناطق اللي فيها امطار انهم ياخذوا الفل كامل لانها تحوي على الABS


7/ المكيف ادائها ضعيف نوعا ما وانا انصح اللي ياخذها يضلل السيارة كاتم او عازل حراري ولا يلبس المقاعد والارضية

نايلون لانها تجذب الحرارة ،،،


8/ بالنسبة للرساوة في الخطوط السريعة تعتبر وسط لكن يوجد اصوات خارجية ( ليست اصوات تنسيم او تخبط رياح ) انما صوت مخيف اشبه بصوت شبح


المشاكل والقطع التي تم تغيرها خلال الفترة


1/ المسجلة كان فيها مشكلة والسبب كان من عندنا لاننا خلينا الشريط داخل المسجلة ومع الحرارة خرب شوية وصلحوها ع الضمان ،،،


2/ ظهور صوت خشن مع تشغيل المحرك وبعد تنظيف البخاخات هدى الصوت ( طبعا ع الضمان )


بالنسبة للقطع اللي غيرناها الفلاتر بصفة عامة + البطارية + البواجي فقط


الاقمشة والكفرات والسيور مثل ماهي

　
رأيي بصفة عامة عن السيارة


السيارة ممتازة وتلبي احتياجات اغلب المواطنين والمقيمين لاجل ان الكثيرين يريدوا سيارة جيب ليس بالضرورة ان

تكون 4X4 لان استخدامها راح يكون داخل المدينة ولطلعات بسيطة مع الاهل ولان السيارة تحوي


على ثلاثة مقاعد ومحرك ليس بالضعيف مررة وليس بالقوي واستهلاكي للوقود في نفس الوقت ،،،


لكن لو اهتموا بالديكورات الداخلية ووسائل السلامة خلوها اساسية كان افضل ،،


واخيرا لاتنسووا تقيمي واذكروا الله لانها سيارة الوالد وما ابغى يجيها عين ،،،


تحياتي

منقول