مؤشر البنزين..واستهلاك غير عادى مساعده من فضلكم

**Mohamed Fathy** · 18-12-2012 01:15 PM

بسم الله الرحمن الرحيم

انا عندى بيجو 205 1.1 سسى وكنت بحطلها 80 بس طبعا العربيه كانت بتكركر ولا كانها 1600 انجكشن وهباب على البوجيهات طبعا انا بطلت احط وبقيت احط 92 وجبت carb medic ورشيت الكربراتير من بره كده وظبطه هوا والبوجيهات والعربيه ماشاء الله جميله جدا بس فى مشكلتين نفسى احلهم
1- مؤشر البنزين مثلا المفروض يبقى عند ربع التانك الاقيه نزل على الصفر بشويش كده وانا ماشى والاقى لمبه البنزين بتنور ولما اخد ملف مثلا الاقى يظبط تانى او يرجع نصف المسافه هيا دى مشكله عوامه ولا مشكله كهرباء
2- العربيه بتسحب بنزين زى ال 2000 سسى والله البنزين مبيقعدش والمفروض انها موفره للبنزين فهل انا اروح انظف كربراتير عشان الأسبراى كده برده مش هيظبط اوى ومحتاج انى اروح لحد عشان ينظف البيكات وكده ولا انا اعمل ايه وهل فى طريقه عمليه تثبت انها تاكل بنزين فعلا؟
اسف على الأطاله بس بجد نفسى العربيه استهلاكها يبقى طبيعى

**Mohamed Fathy** · 19-12-2012 08:09 AM

بما ان مفيش حد بيرد هرد انا على نفسى عشان لو حد حصل معاه المشكله دى يبقى عارف ايه ده
1- تقريبا كده العوامه مش مظبوطه اولا بالنسبه للقرايه ومحتاجه كهربائى
2- اما بأه استهلاك البنزين ده اكيد عشان محتاج واحد بتاع كربراتير عشان اكيد رواسب ال 80 سدت البيكات او بوظت حاجه جواه ومحتاج انه يتنظف مش اكتر وان شاء الله خير
وشكرا للزوار ^_^

**svneleven** · 19-12-2012 09:28 AM

أظن لو البيكات مسدودة مش هتاكل ينزين ديه هتوفر بنزين. لكن أكل البنزين ممكن يكون جاجات كتير زي فلتر الهوا و ظبط الكاربراتير و البوجيهات و غيره كتير. شوف بردو لون العادم يمكن يكون الحرق مش كويس. و خير ان شاء الله.

**المنسي** · 19-12-2012 09:38 AM

لو بتاكل بنزين هتلاقى لون العادم اسود وريحة بنزين نيء

**Mohamed Fathy** · 19-12-2012 11:21 AM

المشاركة الأصلية كتبت بواسطة svneleven

أظن لو البيكات مسدودة مش هتاكل ينزين ديه هتوفر بنزين. لكن أكل البنزين ممكن يكون جاجات كتير زي فلتر الهوا و ظبط الكاربراتير و البوجيهات و غيره كتير. شوف بردو لون العادم يمكن يكون الحرق مش كويس. و خير ان شاء الله.

انا مش حاطط فلتر هواء اصلا!!