الموضوع: حد عندو معلومات عن تكلفه تصميم موقع و استضافته و الشركات ال شغاله في المجال دا ؟

كنت عملت عند شركة تصميم موقع ولوجو و حجز دومين و مساحة 10 جيجا و اميلات بأسم الموقع
كان كل التكلفة 6550 و بتكتب عقد معاهم و علي حوار الحقوق ده انت ممكن بعد ما يتعملك التصميم تروح تسجله شهر عقاري
بس اهم حاجة روح لشركة عندها سجل تجاري و بطاقة ضريبية معرفش ينفع احط عنوانهم او رقم تليفونهم عالعموم لو عاوزو قولي ابعتلك خاص
وده موقعي اللي عملته Welcome to Experts world!

لسه سائل عليها و العرض اللي قالهولي المندوب
1 جيجا و ديه ب 1200 جنيه
2 جيجا ب 1800 جم
مفتوح ب 3000 جم
و فيه اضافه 1\2 جيجا لو حبيت ب 300 جم
الاسعار ديه شاملة التصميم و تخصيص مساحات اعلانية في الموقع و تسويق الموقع ل 600,000 مشاهدة علشان يطلع صفحة اولي علي جوجل و لو حبيت يعملك اعلانات جوجل في الموقع هتحتاج اضافة 600,000 مشاهدة كمان علي ما اتذكر ب 600 جم علشان الاعلانات بتطلع في الموقع بعد زيارته لعدد 1,200,000

الاسعار ديه بتتدفع مرة واحدة بس و بيجبلك العقود اللي هتسجل الموقع بأسمك و بياخد 150 جم في السنة
ده العرض اللي المندوب جه قالهولي معرفش صحة الكلام ده ايه من عدمه و بعتلي ايميل فيه الشركات اللي الشركة ديه صممتلهم مواقعهم
اتمني اكون افدتك

السلام عليكم ورحمة الله وبركاته

انا شايف طلبك من اول ما نزل وشايف الردود ومستغربها

انا هرد عليك بما اني مصمم مواقع احترافيه ( لكن مش هينفع اعملك شغل ولا هينفع اوجهك للجهة اللي تعملك الشغل )

لكن هوضحلك بعض الامور الهامه جداً .

في البدايه بخصوص اللي قال ان موقعه اتكلف 6550 .. دة سعر مبالغ فيه بشكل بشع وجشع
انا راجعت الموقع .. اي هاوي لسه مبتدأ يقدر يعمل زيه وافضل بمراحل

اما بخصوص التكلفه

1- تصميم الموقع كتصميم .. لا يحتاج الا لشخص له درايه بالتصميم وعقل مبدع وجهاز كمبيوتر وخط انترنت

وتقدير تكلفه التصميم .. تتوقف على نوع التصميم .. حجم الموقع .. فكرة الموقع اللتي ستنعكس على فكرة التصميم .. الزمن والمجهود وعدد الاشخاص اللذذين سيعملون على التصميم

بالمختصر المفيد ( انت عايز تعمل ايه بالظبط ) علشان المصمم يعرف هو هيعمل ايه بالظبط


2- الدومين : سعر الدومين المتعارف عليه حالياً في الشركات المعروفه هو 15 دولار بالسنه .. تقدر تجدد في نهايه كل سنه .. وتقدر تجدد اي عدد من السنين

- يوجد عروض مستمره على مدار العام تقدم سعر الدومين بسعر 1.95 دولار .. اي بقيمه لا تتعدى ال 13 جنيه تقريباً بالسنه

امس كان هناك عرض بأشهر شركة استضافه .. وهي HostGator .. الدومين ب 1.95 دولار .. السعر الطبيعي له 15 دولار

شركة ياهو .. به عرض دائم تجد اعلان له عند تصفح بريدك الإلكتروني بالياهو .. 195 دولار .. ( يجب ان تحجز الدومين عن طريق رابط الاعلان حتى تحصل على العرض .. لأنه عباره عن كوبون خصم )

جميع العروض السابقه تكون على اول سنه فقط .. ثم يتم التجديد بنهايه السنه بالسعر اللتي ترشدك له الشركه اثناء الحجز

شركة ياهو التجديد بها 35 دولار ( ولكن انت غير مجبر على التجديد معها .. يمكنك نقل الدومين الى شركة اخرى " مجاناً " وتدفع تجديد السنه الجديده للشركة الاخرى وهو 15 دولار فقط او على حسب سعر الشركة الاخرى )


3- المساحه : اغلب شركات الاستضافه المعروفه تقدم خطط استضافه غير محددة المساحه وجميع الصلاحيات تقريباً غير مقيده بعدد او حجم ( ولكن يوجد سياسة استخدام عادل في الضغط على موارد السيرفر )

تقدر تحجز مساحه غير محدوده من اكبر واشهر شركة استضافه التابعه لأكبر وافضل داتا سنتر بسعر 10 دولار بالشهر

ويوجد سعر سنوي

دة سعر الاستضافه المشتركه ( يعني سيرفر ضخم عليه عدد كبير من المواقع انت موقعك من ضمنهم )
تتشاركون في جميع موارد السيرفر ( لذلك يوجد سياسة استخدام عادل للموارد حتى لا تؤثر على باقي المواقع )

وفي المستقبل وبعد ان يكبر موقعك وتزداد الزيارات على موقعك ( فأنت ستحتاج الى سيرفر خاص لتضع عليه موقعك انت فقط دون ان يشاركه موقع اخر في الموارد ) .. وهذا له سعر اخر تماماً

ملحوظه : السيرفر الكامل يسمى Dedicated Server ( اسعار تصل الى 300 دولار باشهر و 2000 دولار باشهر حسب المواصفات والخدمات المتاحه مع السيرفر )

وهذا يمكن تقسيمه لعدة سيرفرات مشتركه تسمى VPS .. او سيرفرات افتراضيه من السيرفر الاساسي تقدم خدمة الاستضافه للمواقع الصغيره تسمى Reseller ( اسعار تكون اقل من اسعار السيرفر الكامل بكثير )

ال VPS وال Dedicated Server و ال Reseller يمكن تقسيمه لعدة مساحات تستضيف عدة مواقع تسمى Hosting ( اسعار تكون متدنيه للغايه تكون 6 دولار و 10 دولار بالشهر )

هذه بعض المعلومات الهامه ( علشان تبقى على نور :) )

بالتوفيق

بس مع احترامي لحضرتك انا مدحكش عليا انا شوفت عروض كتير كان دي احسنهم بالنسبة للشركات اللي ليها سجل تجاري و بطاقة ضريبية
وانا شفلت بنفسي ال84 دولار بيتدفعوا ل3 سنين

و الهاوي اكيد مش هيكتب معاك عقد واكيد التصميم اللي هيعملهولك هيكرر التصميم لحد غيرك فا انت متقنعنيش ان حد هيعملك بسعر قليل و في نفس الوقت تصميم مخصوص !
و في الاخر انا مسامح في الفلوس :)